VT

هەڵبژاردن لەبەردەم پرسی کشانەوەی ئەمریکا و ململانێی تائیفی و مەزهەبییەکان

كۆمسیۆن سەرقاڵی ئامادەكارییە بۆ بەڕێوەچوونی پڕۆسەی هەڵبژاردن كە بڕیارە لە مانگی ئۆكتۆبەری ئەمساڵ بەڕێوەبچێت، سەرەڕای ئەزموونی هەڵبژاردنەكانی پێشوو بەڵام دەیانەوێت ئەمجارەیان هەڵبژاردن ڕێچكەیەكی جیاواز بگرێت.

 هەڵبژاردنی ئەمجارەی عێراق لەژێر فشاری شەقامدا ئەنجام دەدرێت، پڕۆسەیەكی تەواو، ئاڵۆز و پڕ ململانێ دەبێت ،هێز و پارەو و ‌‌حیزب و گرووپە میلیشیاییەكان دیارترین لەمپەرەكانی بەردەم هەڵبژاردنێكی دوور لە ساختەكارییە.

 بۆ یەكەم جارە لە عێراق هەڵبژاردن بەشێوەی بازنەیی بەڕێوە دەچێت و   24 ملیۆن هاوڵاتی مافی دەنگدانیان هەیە، هەروەها  ٣٢٤٣ كاندید كێبڕكێی ٣٢٩ كورسی دەكەن، هەرێمی كوردستانی بەپێی پارێزگاكانی دابەش بووە بەسەر 12 بازنەدا، پارێزگای سلێمانی پێنج بازنەیە و هەولێر چوار بازنە و دهۆكیش سێ بازنەی هەڵبژاردنە.

تەندروستی

خواردنەوە کحولییەکان دەبنە هۆی قەڵەوی و کێشە بۆ کۆئەندامی هەرس دروست دەکەن

خواردنەوە کحولییەکان بەکارهێنەران ڕوبەڕوی چەندین گرفتی تەندروستی جیاواز دەکەنەوە کە سەرکیترینیان درستکردنی کێشەیە لە کۆئەندامی هەرس و هۆکارێکیشن بۆ قەڵەوی، ڕێکخراوی تەندروستی جیهانی دەڵێت، "هیچ ئاستێکی خواردنەوەی کحول سەلامەت نییە".
بەرکاهێنانی خواردنەوەی کحولی ڕۆڵێکی گرنگی هەیە لە کولتوری کۆمەڵایەتی زۆربەی وڵاتانی جیهاندا، زۆربەی وڵاتان یاسای تایبەتیان هەیە بۆ ڕێکخستنی فرۆشتن و بەرهەمهێنان و بەکارهێنانی خواردنەوە کحولییەکان.
شارەزایان و پسپۆڕانی تەندروستی بەشێوەیەکی بەردەوام هۆشداری بە هاوڵاتییان دەدەن، پابەندی ئەو یاسایانەبن کە ڕێژەی بەکارهێنانی ئەو خواردنەوانەی دیاریکردووە. 
ڤیڤێک مورتی پزیشکی نەشتەرگەری گشتی بە گرنگی دەزانێت جارێکی دیکە نوێکردنەوە لە ڕێژەی بەکارهێنانی خواردنەوە کحولییەکاندا بکرێت و ڕایگەیاندووە، کەمکردنەوەی ڕێژەی بەکارهێنانی خواردنەوە کحولییەکان بابەتێکی پێوست و گرنگن تا بەکارهێنەران ڕوبەڕوی کێشە نەبنەوە. 
توێژینەوەکان ئاشکراییان کردووە، پەیوەندییەکی ناسراو لە نێوان کحول و شێرپەنجەدا هەیە و هەر بڕە خواردنەوەیەک ئەو مەترسییە زیاتر دەکات. 
بەپێی وتەی ڤیڤێک مورتی، کحول هۆکارێکی جێگیرە لە توشبوون بە شێرپەنجە، بەشێوەیەک ساڵانە هۆکارە توشبوونی نزیکەی 100 هەزار ئەمەریکییە کە 20هەزاریان گیانلەدەستدەدەن، ئەو ڕێژەیەش زیاترە لە مردن بە ڕوداوەکانی هاتوچۆ کە ساڵانە دەگاتە زیاتر لە 13 هەزار و 500 حاڵەتی گیانلەدەستدان. 
بەکارهێنانی خواردنەوەی کحولی، بەکارهێنەرانی بەسەر دوو بۆچوونی جیاوازدا دابەشکردووە کە یەکێکیان بەکارهێنانیان بە زیان و بەشێکی دیکەشیان بە سودبەخش ناوی دەبن. ڕێکخراوی تەندروستی جیهانی بەشێوەیەکی بەردەوام جەخت دەکاتەوە، "هیچ ئاستێکی خواردنەوەی کحول سەلامەت نییە".
بەپێی توێژینەوەیەکی نوێ کە کەناڵی سی ئێن ئێنی ئەمەریکی بڵاویکردوەتەوە، ئەو کەسانەی کە خواردنەوە کحولییەکان بەشێوەیەکی بەردەوام ناڕێک بەکاردەهێنن، ئەگەری توشبوونیان بە لاوازی مێشک زیاتر دەبێت. 
هەر بەپێی ئەنجامەکان، بەکارهێنانی ئەو خواردنەوانە دەبنە هۆکاری دروستکردنی کێشە لە کۆئەندامی هەرس، هەروەها بەهۆی بوونی ڕێژەیەکی زۆری کالۆری تێیاندا هۆکارێکی سەرەکین لە قەڵەوبوونی مرۆڤ.