Horoscopes

لەدایکبوانی ئەم بورجە تووشی کیشەی خێزانی دەبنەوە

پێشبینی بورجەکان بۆ ئەمڕۆ 10ی تەمموزی 2021

کاوڕ

 ڕوبەڕووی هەندێک کێشەی خێزانی دەبیتەوە و پێویست دەکات هەوڵی ڕێکخستنەوەیان بدەیت.

گا

 گرنگی بە تەندروستی دەروونیت بدە و گەر پێویست بکات خەمەکانت بۆ هاوڕێیەکت باس بکە.

دوانە

 ئاگات لە باری ئابووریت بێت و هەوڵبدە کەمتر پارە سەرف بکەیت هەتا توشی کێشە نەبیت.

قرژاڵ

 گرنگی بە جەستە و لایەنی تەندروستیت بدە وە هەروەها ئاگات لە دەروونت بێت و هەستەکانیشت مەشارەوە.

شێر

 پێویستت بە چەند ڕۆژێک پشوودان و دورکەوتنەوەیە لە فشاری ڕۆژانە.

گوڵەگەنم

 سەرنجت لای ئامانجەکانت بێت چونکە کاتێکی باشە بۆ دەرخستنی توانا و بەهرەکانت.

تەرازوو

 لەوانەیە هەست بە هەندێک بێزاری بکەیت بەڵام لەگەڵیدا لە کارەکەتدا بەرەوپێش دەچیت و گۆڕانکاری دەکەیت.

دووپشک

 لە ڕۆتینی تەمەڵی ڕۆژانەت وەرە دەرەوە و هەوڵی کار کردن و خۆڕێکخستنەوەت بدە هەتا بەرەو پێش بچیت.

تیروکەوان

 ڕەنگە ڕووبەڕووی هەندێک قورسی و بێزاری ببیتەوە لە پەیوەندییەکەتدا بۆیە پێویستە بەهێز بمێنیتەوە.

گیسک

 سەرنجت لەسەر کارەکەت بێت و بە وردی هەوڵبدە و ئاگات لە پەیوەندییە سۆزدارییەکەت و کێشەکانی بێت.

سەتڵ

 ئاگات لە توانای کارکردنت بێت و هەوڵبدە کارەکانی ڕۆژانەت بە شێوەیەکی تەندروستتر و ئاسانتر بکەیت.

نەهەنگ

 پێویست دەکات کات بۆ خەون و خولیاکانت تەرخان بکەیت و بەهرە و تواناکانت ون نەکەیت.

هەواڵ

بەرهەمهێنانی نەوت راگیراوە و تا هەرێمی کوردستانیش نەوت رادەست نەکات مووچە نایەت

بەپێی رێککەوتنی حکومەتی هەرێمی کوردستان و حکومەتی عێراق تا نەوت رادەستی کۆمپانیای سۆمۆ نەکرێت بەغدا پارەی مووچە رەوانە ناکات؛ زیاتر لە 24 کاتژمێرە بەهۆی هێرشە درۆنییەکانەوە بەرهەمهێنانی نەوت لە هەرێمی کوردستان راگیراوە. 

 حکومەتی هەرێمی کوردستان دوای چەندین کۆبوونەوە لەگەڵ حکومەتی عێراق لەسەر پرسی نەوت و داهاتە نانەوتییەکان رێککەوتنی کرد. 

بەپێی دەقی ئەو رێککەوتنە کە ئەنجومەنی وەزیرانی عێراق بڵاویکردوەتەوە، تا وەزارەتی نەوت و کۆمپانیا سۆمۆ وەرگرتنی نەوت لە بەندەری جەیهان پشتراست نەکەنەوە، وەزارەتی دارایی پارە بۆ هەرێمی کوردستان نانێرێت. 

بەپێی رێککەوتنەکەی هەولێر و بەغدا دەبێت هەرێمی کوردستان رۆژانە 280 هەزار بەرمیل نەوت بەرهەم بهێنێت، 230 هەزاری بداتە بەغدا و 50 هەزاریشی لە ناوخۆدا بەکاربهینێتەوە. 

ناردنی پارەی مووچە بە مەرجی رادەستکردنی نەوت لە کاتێکدایە زیاتر لە 24 کاتژمێرە بەهۆی هێرشی درۆنییەوە بەرهەمهێنانی نەوت لە هەرێمی کوردستان رایگراوە. 

عەزیز ئەحمەد جێگری بەڕێوەبەری نوسینگەی سەرۆکی حکومەتی هەرێمی کوردستان و کۆمەڵەی پیشەسازی نەوتی کوردستان - ئەپیکور لە دوو راگەیەندراوی جیاوازدا رایانگەیاند، بەهۆی هێرشە درۆنییەکانەوە هەرێمی کوردستان نزیکەی 200 هەزار بەرمیل بەرهەمهێنانی نەوتی لەدەستداوە. 

ئەگەرچی هەولێر و بەغدا رێککەوتنیان کردووە، بەڵام ناو بەناو هێرشی دۆرنییەکان دەست پێدەکەنەوە و کێڵە نەوتییەکان بە ئامانج دەگرن دیار نیە درۆنەکان رێگە بە دەستپێکردنەوەی نەوت دەدەن یاخود هێرش دەکەنەوە. 

هەموو ئاماژەکان بەو ئاڕاستەیەن رێککەوتنەکەی هەولێر و بەغدا کۆتایی بە هێرشی درۆنەکان بهێنێت، چونکە ئەو هێرشانە وەک کارتی فشار دژی هەرێمی کوردستان دەبینران تا نەرمی بۆ رێککەوتن بنوینێت و نەوتەکەی رادەست بکات.