ژیان

ئه‌و نیشانانه‌ی ده‌ریده‌خه‌ن ئامادەیت بۆ دروستکردنی بازرگانییەکی سەربەخۆی خۆت

ئایا بیردەکەیتەوە لەوەی کارێکی تایبەت بە خۆتت هەبێت؟ بەڕێوەبردنی کۆمپانیایەك سەرکێشییەکی خۆشە و دەتوانێت دڵنیاییەکی کارکردنی باشترت پێببەخشێت وەك لە کارێکی ئاسایی، بەڕێوبەرێك نەبێت بەسەرتەوە وەکو ئەوە وایە لە بەهەشتدا بیت بەڵام دەشبێت ئەوە بزانیت کارێکی زۆر دەکەوێتە ئەستۆت.

ئاساییە هەست بکەیت ئامادەیت پێش وادەی خۆی و ئاساییشە ترسی زۆر دوای وادەی ئامادەبوونت دوات بخات، ئەمە 15 نیشانەن لەوانەیە دەریبخەن کە تۆ ئامادەیت بۆ ئەوەی ببیت بە خاوەن کاری خۆت:

1- حەزت بۆ گەشتە نوێیەکەت هەیە
حەزلێبوونی بابەتەکە هەندێك کات زۆر گەورە دەکرێت، بە تەنیاش حەزلێبوونت بۆ کارەکە بەس نییە بەڵام بنچینه‌ییه‌، دڵنیابە لەوەی کارەکەت حەزێکی زۆرت بۆی هەیە نەوەك هەروەکو کارەکەی ئێستات بێزاربیت تیایدا.

2- بە تەواوەتی متمانەت بە بیرۆکەکەت هەیە
کاتێك گەشتە نوێکەت دەستپێدەکەیت ڕووبەڕووی زۆرێك لە نەخێر و دەرگای داخراو دەبیتەوە، دەبێت باوەڕێکی بەهێزت بە بەرهەمەکەت یان خزمەتگوزاریەکەت هەبێت بۆ زاڵبوون بەسەر کێشەکاندا.

3- بەرهەمەکەت یان خزمەتگوزاریەکەت کە پێشکەشی دەکەیت بازاڕێکی زۆری هەیە
کارێکی باش بریتییە لەوەی خەڵك پارە بدەن بەو شتەی تۆ حەزت لە کردنیەتی، پێش ئەوەی واز لە کارەکەت بهێنی و کۆمپانیایەك دروست بکەیت دڵنیابە لەوەی بەرهەمەکەت یان خزمەتگوزاریەکەت بازاڕی هەیە.

4- هاوپیشەکانت دەناسیت
گەر ئەو کەسانەت لە مێشکدایە کە دەتەوێت لەگەڵیاندا کارەکە بکەیت و ڕەزامەندی ئەوانت لەلایە ئەوا دەکرێت ئامادەبیت بۆ ئەوەی دەستپێبکەیت، بەڵام گەر نیازت ئەوەیە بە تەنیا کارەکە بکەیت ئەوا کەی ویستت دەتوانیت دەستپێبکەیت.

5- نەخشەیەکت هەیە
خەرجکردنی بڕە پارەیەکی زۆر و چاوەڕوانی کردنی ئەوەی ڕاستەوخۆ گەشتێکی نوێ دەستپێبکات بیرۆکەیەکی باش نییە، پێش ئەوەی واز لە کارەکەی ئێستات بهێنیت دڵنیابە لەوەی نەخشەیەکت هەیە بۆ کارە نوێکەت، نەخشەکەت بە تەواوی داڕێژرابێت یاخود چەند شتێکی سەرەکی لەخۆ بگرێت.

6- بیرۆکەیەکی باشت هەیە لەسەر براندەکەت
براندەکەت ئەو ڕێگەیەیە کۆمپانیاکەت بە خەڵک دەناسێنیت. ئایا گاڵتە ئامێزیت، پرفیشناڵیت یان کلاسیكانە بیر دەکەیتەوە؟ دڵنیابە لەوەی باش براندەکەت دەناسیت و چۆنیش پەیوەندی دەکات بە خەڵکەوە.

7- ئامادەییت تێدایە بۆ ئەوەی زۆر شت فێربیت
ئەزمونی دەستپێکردنی کارێکی سەربەخۆی خۆت زۆر شتت فێردەکات دەربارەی خودی خۆت و بازاڕ، ئامادەبە بۆ فێربوونی ئەم وانانە ئه‌گەر تەنانەت ڕووبەڕووی بەها و بنەماکانت ببنەوە.

8- دەتوانیت ڕووبەڕووی ترسی شکستهێنان ببیتەوە
ترس لە شکستهێنان دەکرێت بە تەواوی بتوەستێنێت لە جیهانی کاردا، هەموومان هەستی پێدەکەین بەڵام ئه‌گەر نەتوانیت ڕووبەڕووی ببیتەوە ناتوانیت کارێکی نوێ دەستپێبکەیت.

9- دەتوانیت ڕووبەڕووی ترسی سەرکەوتن ببیتەوە
ئەم خاڵەیان سەیرە بەڵام هەندێك کەس هەن دەترسن لە سەرکەوتن، سەرکەوتن پێشبینی بەرزتر، کاری زیاتر و تێڕوانینی ڕوونتر دەهێنێت لەگەڵ خۆیدا. ئه‌گەر ئامادەنیت بۆ ئەم شتانە ئەوا ئامادەنیت دەستپێبکەیت.

10- بڕێك پارەت بەدەستەوەیە
هەندێك کار بە پارەیەکی کەم دەستیپێدەکرێت، بەڵام دەبێت ئەوە بزانین سەرکەوتن کاتی دەوێت، ئه‌گەر بڕێك پارەی کۆکراوەت هەبێت یان ڕێگایەکی ترت هەبێت بۆ دەستکەوتنی پارە لە کاتێکدا کۆمپانیاکەت وردە وردە گەشە دەکات، زۆر ئامادەیت وەك لە کەسێك سەرتاپای لە قەرزدابێت.

11- لە نیوەی گۆڕانکاری گەورەدا نیت لە ژیانتدا
گۆڕانکاری گەورە لە ژیانماندا وامان لێدەکەن بمانەوێت کارێکی نوێ بدۆزینەوە، ئەمە شتێکی باشە بەڵام دڵنیابە لەوەی گۆڕانکاریەکەت تەواو کردووە پێش ئەوەی دەستپێکەیت، دەبێت کات بدەیت بە خۆت بۆ باشبوون پاش ئەوە هەوڵی دەستپێکێکی نوێ بدە لە کارێکی نوێدا.

12- ئەزمونت هەیە لە بوارە نوێکەتدا
گەر ئەزمونت هەبێت لەو بوارە کارەی دەتەوێت ئەوا بە تەواوی ئامادەیت بۆ دەستپێکردن، گەر ئەزمونت نییە ئەوا بیر لەوە بکەرەوە کارێکی لاوەکی بکەیت لەپاڵ کارە سەرەکیەکەتدا بۆ پەیداکردنی ئەزمون.

13- زۆر دەربارەی خودی بازرگانی دەزانیت
ناکرێت هەرکەسێك ئیشی هەویری زانی بچێت نانەوخانەیەك بکاتەوە، داواکاریەکانی سەر بازرگانەکان زۆر زیاترە لەوەی خودی کارەکەیان بکەن، ئه‌گەر زانیاری باشت هەبێت دەربارەی بازرگانی وەکو بەکرێگرتن و بە قەرزدان و بەبازاڕکردن ئەوا لە پێگەیەکی زۆر باشدایت بۆ دەستپێکردنی گەشتەکەت.

14- باشیت لە دابەشکردنی کاتەکانتدا
زۆرینەی کات خەڵك دەیەوێت بازرگانیەکی نوێ دەستپێکات چونکە ڕقی لە بەڕێوبەرەکەیەتی، بەڵام ئایا تۆ هێندە توانات هەیە ببیت بە بەڕێوبەری خۆت؟ بوونت لە جیهانی بازرگانیدا پێویستی بە خۆڕاگریە، ئه‌گەر بە باشی کاتەکانت دابەش بکەیت ئەوا زۆر نزیکتریت لەوەی بە تەواوی ئامادەبیت وەك لەوەی پشت بە خەڵکی تر ببەستیت بۆ ئەوەی هانتبدەن.

15- مەترسیەکانی بوون بە خاوەنی بازرگانیەك دەزانیت
بازرگانەکان لەوە تێدەگەن کە سەرکێشی دەکەن، ئەگەر هەیە کە هەرگیز قازانج نەکەیت، ئەگەر هەیە هێندە خێرا گەشە بکەیت کە نوقمبیت لە کێشەدا، ئامادەبوونت بۆ تێگەیشتن لەو مەترسیانە نیشانەی ئەوەن کە ئامادەیت بۆ ئەوەی دەستپێبکەیت.

ئەمە لیستێکی تەواو چڕ و پڕ نییە بی ده‌ستپێردنی بازرگانییه‌كی سه‌ربه‌خۆی خۆت، بەڵام باشە بۆ ئەوەی دڵنیابیت لەوەی ئامادەیت یاخود نا، ئه‌گەر بۆت دەرکەوت ئامادەنیت ئەمە وەکو ڕێنوێنیەك ببینە بۆ ئەو هەنگاوانەی دەبێت بیانگریتەبەر بۆ ئەوەی بگەیت بەوەی دەتەوێت، بە هیوای بەختێکی باش.

هەواڵ

دامەزراوەی ڤیژن و ناوەندی نەهرین یاداشتنامەیەکیان واژۆکرد

دامەزراوەی ڤیژن لە بڵاوکراوەیەکدا رایگەیاندووە، دامەزراوەی ڤیژن و ناوەندی نەهرین یاداشتنامەیەکیان بۆ کاریی هاوبەش و پێکەوەیی واژۆکرد.

لە بڵاوکراوەکەدا ئەوەش هاتووە، رۆژی دووشەممە 15ـی ئەیلوولی 2025 یاداشتنامەیەکی لێکتێگەشتن لە نێوان دامەزراوەی ڤیژن بۆ لێکۆڵینەوەی ستراتیجی و ناوەندی نەهرەین بۆ لێکۆڵینەوەی ستراتیجی لە شاری بەغدا واژۆکرا.

ئەوەشی خستووەتەڕوو، بە گوێرەی یاداشتنامەکە، هەردوو دامەزراوەکە وەک دوو خانەی بیری گرنگ و کاریگەر، هەماهەنگی و هاوبەشی دەکەن دەربارەی ئەنجامدانی توێژینەوە و پڕۆژە و چالاکی هاوبەش لە سەرتاسەری عێراقدا.

باسی لەوەشکردووە، ئامانجی یاداشتنامەکە دەستنیشانکردنی کێشە و گرفتەکان لە هەرێمی کوردستان و عێراق و خستنەڕووی چارەسەرەکان.