پەروەردەی سێکسی

بۆچی هەندێك لەكچان جەستەی خۆیان لا پەسەند نییە؟

Mic
2021-07-15

زۆرێک لە هەرزەکاران بەتایبەت کچان ئەو هەستەیان لا دروستبووە، کە حەز بە جەستەی خۆیان ناکەن، هۆکاری ئەمەش دەگەڕێتەوە بۆ میدیاکان چونكە  کۆمەڵیک وێنەی جەستە نیشان دەدەن کە نموونەیین.

نیشاندانی جەستەش بەوشێوە نمونەییە، کاردەکاتە سەر کچان کە سەیری جەستەی خۆیان دەکەن، حەزیان بە سنگیان یاخود ئەندامی زاوزێیان نیە، بەڵام لە ڕاستیدا ئەوەی کە لە میدیاکاندا دەبینرێت زۆربەی کەسەکان نەشتەرگەری جوانکارییان بۆ جەستەیان ئەنجامداوە، بوونی ئەم هەستە تەواو ئاساییە، چونکە زۆربەی کچان ئەزموونی ئەو هەستەیان کردووە.

مەمکەکان
زۆرێک لە کچان وا هەستدەکەن کە مەمکەکانیان بچوکن ، بەڵام ئەمە شتێکی ئاساییە، قەبارەی مەمکەکان لە کەسێک بۆ کەسێکی دیکە جیاوازە، وە هەندێک لە کچان ڕوبەڕووی ئەوە بوونەتەوە کە قەبارەی مەمكێكیان لەوەی دیکەیان جیاوازە، بەڵام ئەمەش حاڵەتێکی ئاساییە، شتێکی دیکەش کە ڕوبەڕووی کچان دەبێتەوە لە کاتی گەشەی مەمکەکانیان ناوچەی قاوەیی چواردەوری مەمکەکانە، لە لای هەندێک کچان ئەو ناوچەیە قاوەیی تۆخ یاخود کاڵترە، یاخود گۆی مەمکەکانیان بچووکە و هەر بەرزنەبۆتەوە،ئەمانە هەموو ئاساییە و لە کەسێک بۆ کەسێکی دیکە پڕۆسەکە دەگۆرێت.

کۆئەندامی زاوزێی مێینە
زۆرێک لە کچان کێشەیان لەگەڵ شیوازی ئەندامی زاوزێیان هەیە، بەشێكیان كێشەیان لەگەڵ ئەوە هەیە موو لەسەر ئەو ئەندامە زیاد دەکات، یاخود لە ڕووی شێوەوە ئەندامەکە بۆتە دوو بەش بە شی لای ڕاست و بەشی لای چەپ و بەشی ناوەڕاست، هەندێک نا رێکیان لە بەشی لای راست و چەپدا هەیە، هەندێکیان بەشی ناوەڕاستیان درێژترە لە لاکان، ئەمانە هەمووی ئاساییە ، جیاوازی ڕەنگی ئەم ئەندامەش لە نێوان کچاندا هەیە، لای هەندێک ئەندامی زاوزێیان لە هەموو بەشەکانی دیکەی جەستەیان  ڕەنگی تۆخترە.

قیتکە
دەکەوێتە بەشی سەرەوەی کۆ ئەندامی زاوزێ نزیکەی ٨٠٠٠ کۆتا دەماری تێدایە، شێوازی ئەم بەشەش لە کەسێک بۆ کەسێکی دیکە جیاوازە.
قیتكە لە ژنێک بۆ ژنێکی دیکە بە شێواز و ڕەنگی جیاوازە،هیچ ئەندامێکی زاوزێی مێینەیەک لە هی مێینەیەکی دیکە ناچێت.
یەکەم هەنگاو بۆ ئەوەی لەگەڵ خۆتدا ئاسودەبیت ئەوەیە کە جەستەی خۆتت قبوڵبیت، لات وابێت کە جیاوازترینە، وە خۆت بەراوردنەکەی بە جەستەی مۆدێلەکانی سەر تەلەفیزیۆن، چونکە ئەوان خۆیان نین، تۆ خۆتبە.

More News

Most Popular

هەواڵ

هێزێکی کۆماندۆ کارمەندانی کارگەی چیمەنتۆی گاسنیان لەسلێمانی بە بارمتەگرت

Mic
2021-09-09

 کارمەندانی کارگەی چیمەنتۆی گاسن دەڵێن، هێزێکی کۆماندۆی چەکدار، بە چەکی قورس و سوکەوە کە دەیان چەکداربوون، هەڵیانکوتاوەتە سەریان و بۆ ماوەی 45 خولەک لەگۆڕەپانێکی کارگەکەدا بە بارمتە گیراون. 

کارمەندێکی کارگەی چیمەنتۆی گاسن لە تاسڵوجە، بە MIC وت کە کاتژمێر 11:45 خولەکی ئەمرۆ پێنجشەممە، هێزێکی چەکداری پڕچەکی راهێنراو، کە جلوبەرگەکانیان لۆگۆی هێزەکانی کۆماندۆی هەرێمی کوردستانیان لەسەر بووە، بەبێ هیچ ئاگادارکردنەوەیەک و بەشێوەیەکی زۆر توندوتیژ هەڵیانکوتاوەتە سەر کارگەکە و سەرجەم کارمەند و بەڕیوەبەرانی کارگەکەیان دەستبەسەرکردوە و بۆ ماوەیە 45 خولەکیش لەگۆڕەپانی کارگەکە لەبەر هەتاو، بەبارمتەیانگرتوون.

سەرچاوەکە وتیشی کە هێزەکە پەلاماری چەند کارمەندێکیان داوە، بە زەبری هێز سەرجەم کارمەندانی کارگەیەیان لەشوێنی خۆیان دەرهێنا و لە گۆڕەپانی کارگەکە کۆیانکردنەوە و چەند کۆمپیوتەر و کەلوپەلێکیشیان شکاندوە.

بەگوێرەی زانیارییەکان، هێزەکە بە نزیکەی 20 ئۆتۆمبیلی جۆری گوللە نەبڕ و بە چەکی سوک و قورسی وەک دۆشکە و بیکەسی هەڵیانکوتاوەتە سەر کارگەکە و دواتر بێ هیچ روونکرندنەوەیەک جێیانهێشتوە.

کارگەری چیمەنتۆی گاسن دەکەوێتە ناوچەی تاسڵوجەی شاری سلێمانی و خاوەندارێتییەکەی بۆ فاروقی مەلا مستەفا، گەورە بازرگان و سەرمایەداری کوردستان دەگەڕێتەوە، هەروەها چەند پشکێکیشی بەناوی چیاو نما کوڕەکانی نەوشیروان مستەفا ئەمینەوەیە.

تائێستا لایەنە ئەمنییەکان و بەڕێوەبەرانی کارگەکەش، هیچ روونکردنەوەیەکیان لەبارەی رووداوەکەوە بڵاونەکردۆتەوە.