هەواڵ

بەدەل بەرواری و ئومێد بەرۆشکی لەبەردەم تەرازووی دادگا دا

ساڵێک تێپەڕی بەسەر دەستگیرکردنیاندا، بێ ئەوەی هێشتا دادگایی بکرێن و ئەو تۆمەتەی لەسەریانە رەت یان بسەلمێندرێت.

بەدەل بەردواری و ئومێد بەرۆشکی، لەگەڵ دەیان چالاک و رۆژنامەوانی دیکەدا، زیاتر لە ساڵێکە لەناو گرتووخانەکاندالەسنوری دەسەڵاتی پارتی دیموکراتی کوردستاندا هێڵدراونەەوە.

دەسەڵاتداران تۆمەتی ئەوەیان داوەتە پاڵ چالاکان و دەستگیرکراوەکان کە گوایا بەنیازبوون “کاری تێکدەری” ئەنجامندەن.
بەڵام پارێزەرانی دەستگیرکراوەکان ئەو تۆمەتانە رەتدەکەنەوە و دەڵێن کە هیچ بەڵگەیەک نییە لەسەر سەلماندنی ئەو تۆمەتانە،“هێشتنەوەشیان بڕیاری سیاسییە نەک یاسایی.”
لەناو دەستگیرکراوانی بادینادان تائێستا دۆسیەی شەش گیراو یەکلایی کراوەتەوە کە ئەوانیش زیندانیکردنیانە بۆ ماوەی ٦ساڵ.

بڕیارەکە کاردانەوەی ناوخۆیی و دەرەکی زۆری لێدروستبوو، بەڵام هیچ لەبڕیارەکەی دادگا و سزاکەی سەریان نەگۆڕی.

لە دوو هەفتەی رابردوودا دانیشنتی دادگایکردنی ژمارەیەکی تر لە چالاکوانان دواخرا، بە بیانوی جۆراوجۆر، وەکگواستنەوەی چەند دادوەرێک و سەفەرکردنی هەندێکیان.
چاودێرانی تۆدسیەکە هیچ دڵخۆشنین بە دواخستنی دادگاییەکان و هێشتنەوەی گیراوان لە زیندانەکان، چونکە پێیانوایەدەسەڵاتدارانی زۆرنی زەرد نیازی ئەوەیان هەیە ژماریەکی دیکەش لەچالاکان بە زیندانیکردنی قورس سزابدەن.

هەروەها رەخنەیەکی زۆر لە دادگاو دادوەرەکانی دۆسییەکە دەگیرێت بەوەی کە ناتوانن لەسەر بنەمای بەڵگە و دۆکیومێنتەکاندۆسییەکە یەکلایی بکەنەوە، بەڵکو “لەژێر کاریگەری بڕیاری سیاسی حزبی ناوچەکەن.”

واچاوەڕواندەکرێت بە کۆتاییهاتنی هەڵبژاردنی پەرلەمانی عێراق، دەسەڵاتدارانی ناوچەکە بکەونە یەکلاکردنەوەی دۆسییەکانیگیروان، بەڵام کەسوکار و چاودێرانی دۆسییەکە ترسیان هەیە کە “دۆسییەکان لەبەرژەوەندی گیراوانی بادینان یەکلایینەکرێنەوە.”

هەواڵ

سودانی ئەمشە و بڕیار لە رەشنوسی رێککەوتنی هەرێم و بەغدا دەدات

شاندی حکومەتی هەرێم و حکومەتی عێراق لەسەر پرسی نەوت و مووچە گەیشتوون بەرێککەوتن، رێککەوتنەکە تەنها ئەوەی ماوە سودانی ئیمزای لەسەربکات، لە کۆبونەوەی ئەمشەوی چوارچێوەی هەماهەنگیدا ئیمزاکردن یان رەتکردنەوەی رێککەوتنەکە یەکلایی دەبێتەوە.

چەند رۆژێکە شاندی حکومەتی هەرێم و حکومەتی عێراق لە گفتوگۆدان بۆ گەیشتن بە رێگەچارەیەک بۆ لابردنی بەربەستەکانی بەردەم هەناردەکردنەوەی نەوتی هەرێم، هەرچەندە تائێستا ناوەڕۆکی رێککەوتنەکە بڵاونەکراوەتەوە، بەڵام هەردولا رێککەوتوون لەسەر هەناردەکردنەوەی نەوتی هەرێم و رادەستکردنی نیوەی داهاتی ناخۆ لەلایەن هەرێمەوە بە بەغدا، لەبەرامبەردا بەغدا مووچەی هەرێم دەنێرێت.

مەسرور بارزانی، سەرکی حکومەتی هەرێمی کوردستان دوای کۆتاییهاتنی کۆبونەوەی ئەمڕۆ ئەنجومەنی وەزیران بڵاویکردەوە، هەرێم هەموو نەرمییەکی نواندووە بۆ دەستپێکردنەوەی هەناردەکردنی نەوتی هەرێم لە ڕێگەی کۆمپانیای سۆمۆ و گەڕاندنەوەی داهاتی فرۆشتنی نەوتی هەرێم بۆ وەزارەتی دارایی فیدڕاڵ.

بەنوەی سەرۆکی حکومەت، ئێستا هەرێمی کوردستان و کۆمپانیا نەوتییەکان، بە هەموو شێوەیەک ئامادەیی هاوکاریان لە گەل حکومەتی فیدڕال پێشان داوە بۆ هەناردە کردنەوەی نەوت ئەویش لە پێناوی بڕینی هەموو ئەو پاسا و بیانووانەی کە بەغدا بەکاریهێناون بۆ نەناردنی مووچەی موچەخۆرانی خەڵکی کوردستان.

سەرۆکی حکومەت رایگەیاند، چاوەڕێی بڕیاری حکومەتی فیدڕاڵ دەکەن بۆ پەسەندکردنی ئەو لەیەکتێگەیشتنە هاوبەشانەی کە لە چەند ڕۆژی ڕابردوودا، لە نێوان هەردوولا بە ئامادەبوونی نوێنەری کۆمپانیا نەوتییەکان هاتووەتە ئاراوە

بەپێی زانیارییەکان، سێ رۆژە شاندی بەغدا و هەرێم لەسەر رەشنوسێک رێککەوتوون، هەرچەندە چاوەڕوان دەکرا لە کۆبونەوەی 1ـى تەموز ئونجومەنی وەزیرانی عێراق بڕیار لەسەر رەشنوسەکە بدات، بەڵام سودانی دەیەوێت رەزامەندی لایەنەکان چوارچێوەی هەماهەنگی وەربگرێت.

ئەمشەو چوارشەممە کۆبونەوەی چوارچێوەی هەماهەنگی لە بەسڕە ئەنجام دەدەرێت و سودانی بەشدار دەبێت و رەشنوسی رێککەوتنەکە لەگەڵ خۆی دەباتە سەر مێزی چوارچێوەی هەماهەنگی بۆ واژۆ کردن و وەرگرتنی رەزامەندی.

لە ئەگەری رەزامەندی چوارچێوەی هەماهەنگی، ئەوا سودانی ئیمزا لەسەر رێککەوتنەکە دەکات و دەچێتە بواری جێبەجێکردنەوە، هەرچەندە تائێستا رووننییە هەناردەکردنوەی نەوت پێش ناردنی موچە دەکەوێت، یان پێش هەناردەکردنەوەی نەوت موچە لەلایەن بەغداوە دەنێردرێت.