-18

بەم شێوازە مامەڵە لەگەڵ هەرزەکاری ناو خێزانەکەت بکە دەربارەی بابەتە سێکسیەکان

کاتێک منداڵەکەت دەگاتە تەمەنی هەرزەکاریی، پێویست ناکات نیگەران و قەلەق بییت دەبارەی ئەم بابەتە، ئەوەی پێویستە بیکەیت مامەڵەیەکی تەندروست  وهۆشیارکردنەوەیانە دەربارەی پێگەشتنی ئەندامەکانیان، گۆڕانکاریە دەرونی و جەستەییەکانیان.

دەتوانیت بەم چەند شێوازە مامەڵەیەکی تەندروست لە گەڵ هەرزەکارەکەی ناو خێزانەکەت بکەیت:

١.کاتی پێبدە: ڕەنگە قورسبێت بۆ ئەوەی بتوانی خۆت کۆنترۆل  بکەی کە چۆن لەم تەمەنەدا دەربارەی پێگەیشتنی سێکسی  منداڵە هەرزەکارەکەتەوە هەڵسوکەوت بکەیت، بەلام پێویستە بە هێمنیەوە دۆخەکە هەڵسەنگێنیت، تێیبگەێنیت کە ئەمە دۆخێکی ئاسایی، بنەڕەتی ژیانێتی، پێویست ناکات بترسێت یان نیگەران بێت دەربارەی.

٢.یارمەتی لە هاوژینەکەت وەرگرە: پێویستە لەگەل هاوژینەکەت پرسو را ئاڵوگۆڕ بکەی دەربارەی ئەوەی چۆن لەگەڵ ئەو دۆخە تایبەتەی هەرزەکارەکەتان مامەڵەبکەن، پێویستە بە ئارامی بمێننەوە.

٣.بە لێزانانە و ئارامیەوە گفتوگۆی لەگەڵ بکە: ڕەنگە قسەکردن دەربارەی بابەتە سێکسیەکان بۆ هیچ یەک لە ئێوە بابەتێکی ئاسان نەبێت، بۆیە پێویستە پێش ئەوەی ئامۆژگاری بکەیت، بەوردی و ئارامیەوە گوێی لێبگرە و گفتوگۆ بکەن لەسەری.

٤.دەربارەی ئەزموون وشارەزاییان بزانە: لەوانەیە قورس بێت بەکراوەیی دەربارەی ئەو بابەتانە قسەبکەن، بۆیە  بە پرسیارکردن دەربارەی ئەزموون و بیکردنەوەیان فێرببە و شارەزابە لێیان.

٥.بەڕاستی گوێان بۆ بگرە: بەڕاستی گوێیان بۆ  بگرە، تێبگە لە شێوازی تێڕوانین و لێکدانەوەیان سەبارەت بەو پرسە، ڕێگەیان بدە قسابکەن و ڕای خۆیان بڵێن، هەرچەند زۆرتر لێیان تێبگەیت ئەوەندە باشتر دەتوانێت مامەڵەیەکی تەندرووستیان لەگەل بکەیت.

٦.ئەوەت لەبیر بێت کە گەیشتن بە قۆناغی هەرزەکاری چۆنە: ڕاستە وەک دایک وباوک دەتەوێت منداڵەکەت بپارێزی، بەبەڵام پێویستە ئەوەت لەبیربێت کە دنیای ئەوان تەواو دنیایەکی جیاوازە. پێویستە لە تێڕوانینی ئەوانیشەوە دۆخەکە هەڵبسەنگێنیت، ئەمەش هاوکارت دەبێت لە مامەڵەکردنێکی باشتر لەگەڵ هەرزەکارەکەت.

٧.بیریان بخەرەوە کە هەرکاتێک بیانەوی دەتوانن  بڕیارەکانیان بگۆڕن دەربارەی دەستپێکردنی سێکس، یان نەبوونی سێکس لە ژیانیان.

تێیانبگەیەنە کە ئەگەر بڕیاریان داوە دەربارەی دەستپێکردنی ئەزموونی سێکس، ئەوە مانای ئەوە نیە ناچاربن لە بەردەوامبون لەسەر بڕیارەکانیان، بەڵکو دەتوانن هەرکات بیانەوێ بڕیارەکانیان بگۆڕن.

٨.هۆشیاریان پێبدە؛ پێویستە ئاگاداریان بکەیتەوە دەربارەی بووونی هەر بابتەتێکی گرنگ و پەیوەندیدار بە پڕۆسەی سێکس و لیکەوتەکانی. وەک نەخۆشییە گوازراوەکان لە ڕێگەی سێکسەوە، دوگیان بوون، کاریگەریە دەروونیەکان.

هەواڵ

موقتەدا سەدر هەڵبژاردن رەتدەکاتەوە و چاوەڕێی دوو ئەگەرە

سەرەڕای کشانەوەی لە پرۆسەی سیاسی و بەشدارینەکردنی لە هەڵبژاردنی داهاتووی پەرلەمانی عێراق، بەڵام موقتەدا سەدر هێشتا مۆتەکەی دەسەڵاتدارانی عێراقە، ئەمەش وایکردووە لەلایەک چاویان لەسەر هەڵبژاردن بێت و لەلایەکیش چاویان لەسەر سەدر بێت، خودی موقتەدا سەدریش چاوەڕێی روودانی دوو ئەگەرە لە عێراق.

موقتەدا سەدر سەرکردەی ڕەوتی سەدر، هێشتا یەکێکە لە گەورەترین مەتەڵە سیاسییەکان، کە ڕووبەڕووی نەیارەکانی دەبێتەوە لە چوارچێوەی هەماهەنگیدا، یان تەنانەت لایەنگران و هاوپەیمانە نزیکەکانی.

لەدوای بڕیارە بەناوبانگەکەی سەدر بۆ کشانەوەی کوتلە پەرلەمانییەکەی کە خاوەنی 72 کورسی پەرلەمانی بوو، لە هاوینی 2022 و راگەیاندنی ڕەتکردنەوەی کارکردن لەگەڵ "گەندەڵکاران" کە مەبەستی چوارچێوەی هەماهەنگی بوو، پێشبینیەکان سەبارەت بە هەنگاوی داهاتووی سەدر بەردەوام مشتومڕی لە نێوان سیاسەتمەداران و شیکەرەوەکان و تەنانەت هاوڵاتیانی ئاسایی دروستکردووە.

موقتەدا سەدر لە هەموو پەیامەکانیدا سەبارەت بە کشانەوەی لە پرۆسەی سیاسی و هەڵبژارد، تەنها ئاماژەی بە چینێکی گەندەڵی دەسەڵاتدار کردووە، بەبێ ئەوەی هیچ نیازێکی تری خۆی بخاتەڕوو، بەڵام سەرکردەویەکەی چوارچێوەی هەماهەنگی خواستی سەدر ئاشکرا دەکات.

سەرکردەیەک لە چوارچێوەی هەماهەنگی کە نەیویست ناوی ئاشکرا بکرێت، بە ڕۆژنامەی «الشرق الأوسط»ـى راگەیاندووە، سەدر سیستەمێکی دەوێت کە لەگەڵ تێڕوانینی خۆیدا بگونجێت، کە لەوانەیە لەگەڵ تێڕوانینی ئەوانی تردا نەگونجێت.

ئەو سەرکردەیەی چوارچێوەی هەماهەنگی پێیوایە، کشانەوەی ئێستای موقتەدا سەدر لە پرۆسەی سیاسی و بایکۆتی هەڵبژاردن، لەم دیدگایەوە سەرچاوە دەگرێت نەک ڕق لە کاری سیاسی.

ئاماژە بە پێگە و بەهێزی سەدر دەکات لە دەرەوەی پرۆسەی سیاسی و دەڵێت: لەوانەیە یارییەکە بە تەواوی بگۆڕێت تەنانەت ئەگەر لە پێشبڕکێی هەڵبژاردنیش دوور بێت، هەر بۆیە، چوارچێوەی هەماهەنگی چاوێکیان لەسەر هەڵبژاردنەکان و چاوەکەی دیکەش لەسەر سەدرە.

لەگەڵ ئەوەی لایەنەسیاسییەکان و چاودێرانی سیاسی پێیانوابوو، سەدر لە چوار ساڵی رابروودا، شەقامی لە بەرژەوەندی خۆی ساز و ئامادەکردووە بۆ چوونە سەر سندوقەکانی دەنگدان، بەڵام لە بڕیارێکی چاوەڕواننەکراودا، سەدر بایکۆتکردنی هەڵبژاردنی راگەیاند، هەرچەندە سەرۆک کۆماری عێراق بە فەرمی داوای لێکرد بە بڕیارەکەیدا بچێتەوە، بەڵام ئەو سوربوو لەسەر بڕیارەکەی.

لە ناوەڕاستی مانگی تەمووزی ساڵی ڕابردوودا، موقتەدا سەدر بڕیارێکی دەرکرد بۆ دوورخستنەوەی 31 کەس لە بزووتنەوەکە و باڵی سەربازی سەرایا سەلام، بەهۆی ئاماەکارییان بۆ بەشداریکردنیان لە هەڵبژاردنەکانی داهاتوودا.

سەرکردەیەکی رەوتی سەر بە رۆژنامەی «الشرق الأوسط»ـى وتووە، ڕەوتی سەدر پشتگیری لە هیچ لیست و کاندیدێک ناکات لە هەڵبژاردنەکانی داهاتوودا، ئەو سەرکردەیە ڕەتی دەکاتەوە پێشبینی هەنگاوەکانی داهاتووی سەدر بکات و دەڵێت: هەموو شتێک دەگونجێت، بەڵام کەس نازانێت چۆن و کەی ڕوودەدات.

ئەو سەرکردەیە ئاماژەی بەوەکردووە، کە سەدر درکپێدەکات و گرەو لەسەر ئەگەری داڕمانی چوارچێوەی هەماهەنگی دەکات بە تێپەڕبوونی کات، چونکە بڕوا وایە سیستەمی سیاسی ئێستا بە ئاسانی چاکسازی ناکرێت.

دەشڵێت: سەدر هەموو جۆرە کارێکی سیاسی تاقیکردۆتەوە. بەشداری کردن لە پەرلەمان و کشانەوەی لێی و بەشداریکردن لە حکومەت و کشانەوەی لێی و هەروەها دژایەتیکردنی چالاکی لە شەقامدا و پێدەچێت گەیشتووەتە ئەو ئەنجامەی کە ئەم سیستەمە توانای چاکسازی نییە.

یەکێکی تر لەو ئەگەرانەی کە سەدر چاوەڕێی دەکات، شوێنگرتنەوەی عەلی سیستانی مەرجەعی باڵای شیعەکانە لە عێراق، خودی سەدریش خواستی خۆی بۆ جێگرتنەوەی نەشاردووەتەوە و بەپێی بنەماکانی مەزهەبی شیعە، موقتەدا سەدر هەموو مەرجەکانی تێدایە.