پەروەردەی سێکسی

نەخۆشیە گوازراوە سێکسیەکان چین؟

نەخۆشیە گوازراوە سێکسیەکان چین؟
بۆچی گرنگە هۆشیاریمان دەربارەیان هەبێت؟

کۆمەڵێک نەخۆشی مایکرۆبین کە بەهۆی سێکسەوە دەگوازرێنەوە وەک ڤایرۆس، بەکتریا، کەڕوو، مشەخۆرەکان.

هەریەک لەم نەخۆشیانە دەکرێت لە ڕیگەی هەر شلەیەکی لەش بگوازریتەوە وەک خوێن، دەردراوەکانی کۆئەندامی زاوزێ.

ئەم نەخۆشیانە دەکرێت لەڕێگەی خوێنەوە لە دایکەوە بۆ کۆرپەلە بگوازریتەوە.

لە نمونەی ئەو نەخۆشیانە:

ڤایرۆسی جگەر، جۆرەکانی (A، B و C)

ڤایرۆسی (HIV).

نەخۆشیەکانی وەک سیفلس، نەخۆشیە هەوکردنیەکان کە بەهۆکاری کەڕوو دروستدەبن لە نمونەیان: Candidiasis, Chlymedia, Trichomoniasis


نیشانە باوەکانی ئەم نەخۆشیانە بریتین لە:

ئازار لە کاتی میزکردندا، سوربوونەوەی کۆئەندامی زاوزێ، دروستبونی پەڵە لەسەرجەستە بەتایبەتی لەسەر دەست و پێ، هەبوونی تا، درووستبوونی ئازار لە بەشی خوارەوەی میزەڵدان، بونی دەردراو و بۆنی نا ئاسایی لە هەریەک لە کۆئەندامی زاوزێی مێینە، نێرینە، بوونی ئازار لە کاتی سێکس.

گرنگە هۆشیاریمان هەبێت لەسەر ئەم نەخۆشیانەی کە لە ڕێگەی سێکسەوە دەگوازریتەوە چونکە دەرکەوتنی نیشانەکانی ماوەیەکی دریژی پێدەچێت ڕەنگە ساڵێک، یان چەند مانگێک، چەند هەفتەیەک بەپێی جۆری میکرۆبەکە.

سەرەڕای توشبونمان بەم نەخۆشیانە، بەهۆی ئەم نەخۆشیانە دەکرێت دووچاری ئەم گرفتە تەندروستیانە ببینەوە:

هەوکردنی جومگەکان

دروستبوونی گیروگرفتی دوگیانی

هەوکردنی کۆئەندامی زاوزێ

نەخۆشیەکانی دڵ

نەزۆکی

شێرپەنجە

چۆن خۆم بپارێزم لەم نەخۆشیانە؟
گرنگترین ڕێکارەکانی خۆپارێزی:

١.پێش سێکس کردن لەگەڵ هاوژینەکەت تێستە تاقیگەییەکانی پەیوەست بەم نەخۆشیانە ئەنجام بدەن.

٢.وەرگرتنی ڤاکسینی تایبەت بەم نەخۆشیانە وەک ڤاکسینی تایبەت بە ڤایرۆسی جگەری، هەروەها ڤایرۆسی (HPV).

٣. بەکارهینان و پەیڕەوکردنی رێکارەکانی خۆپارێزی لە کاتی سێکس وەک بەکارهێنانی کۆندۆم، پاک ڕاگرتنی کۆئەندامی زاوزێ.

٤.نەخواردنەوەی بڕێکی زۆر لە خواردنەوا کحولیەکان، چونکە دەبێتە هۆی دابەزینی بەرگری لەش.

٥.خەتەنەکردنی پیاوان بەرێژەی سەدا ٦٠ رێگری لە توشبونی پیاوان دەگرێت بە نەخۆشیەکانی وەک HIV ،HPV.

هەواڵ

ئەنجوومەنی دەوڵەت وەڵامی ئەنجوومەنی وەزیرانی عێراق دەداتەوە

کۆبوونەوەی ئەنجوومەنی دەوڵەت لەبارەی داهاتی نانەوتیی هەرێمی کوردستان کۆتایی هات و چاوەڕوان دەکرێت ئەمڕۆ وەڵامی ئەنجومەنی وەزیرانی عێراق بداتەوە.

بەگوێرەی زانیارییەکان لە کۆبوونەوەکەدا شاندێکی هەرێمی کوردستان بەشداربوون، کۆبوونەوەکە بە هەنگاوێکی گرنگ بۆ چارەسەری گرفتی مووچەی هەرێمی کوردستان دادەنرێت.

ئەنجوومەنەکە ئەمڕۆ چوارەم کۆبوونەوەی لەسەر پرسی داهاتی ناوخۆی هەرێمی کوردستان ئەنجامدا و، تێیدا تاوتوێی پرسی داهاتی نانەوتیی هەرێم، کە یەکێکە لە خاڵە ناکۆکانی نێوان حکومەتی هەرێم و عێراق.

هەر بەگوێرەی زانیارییەکان؛ پێشبینیدەکرێت ئەمڕۆ ئەنجوومەنی دەوڵەت ئەنجامی کۆبوونەوەکە بە راپۆرتێک بۆ ئەنجوومەنی وەزیرانی عێراق بەرزبکاتەوە.

رای ئەنجوومەنەکە لە بارەی کێشەی هەولێر و بەغدا لەسەر داهاتی ناوخۆ بە یەکلاکەرەوە ناو دەبرێت و بۆ چارەسەری پرسی داهاتیی ناوخۆی هەرێمی کوردستان لەنێوان هەولێر و بەغدا.

لە کاتێکدا ژمارەیەک لە چاودێران پێیان وایە، ئەو ئەرکەی بە ئەنجوومەنی دەوڵەت سپێردراوە؛ کاری ئەو نییە و ناتوانێت چارەسەر بۆ کێشەکە بدۆزێتەوە، بەڵکو دەبێت کێشەی داهاتی ناوخۆی هەرێم، دادگای باڵای فیدراڵی بڕیاری لەبارەوە بدات.