هەواڵ

جۆنی دێپ و هاوسەرەکەی بەچی یەکتر تۆمەتبار دەکەن؟

Mic
2022-05-14

لە بەرواری ١١ی مانگی ٤وە دادگایکردنی جۆنی دێپ و هاوسەرەکەی ئەمبەر هیرد دەستی پێکردووە، لەو کاتەوە پستیوانان و پاریزەرەکانیان لە دادگاییە یەک لەدوای یەکەکانیاندا بەردەوامن لە شایەتی دان وپشتیگیری هەریەک لە لایەنەکانیان.

لە دوایین دادگاییاندا ئەمبەر هێرد لەدادگا چیرۆکێکی تەواو جیاوازی لە چیرۆکەکەی جۆنی دێپ بۆ دادگا باسکرد، وە جۆنی دیپی بە دڵ پیس، تووندرەو، بەکارهێنەری دەرمان تۆمەتبارکرد.

هەردوولا یەکتر بە ئازاردان وسزادانی یەکتر تۆمار دەکەن، بەجۆرێک لە یەکێک لە دادگاییەکانیاندا جۆنی دێپ هاوسەرەکەی بەوە تۆمەتباردەکات کە لەکاتی خواردنەوەی بڕێکی زۆری ماددە کحولیەکان بوتڵی خواردنەوەکەی گرتۆتە جۆنی و بەهۆیەوە پەنجەی پەڕیوە.

لە لایەکی دیکەوە ئەمبەر هێرد لە گوتەکانی خۆیدا دژ بە جۆنی دێپ دەڵێت، گوایە ڕوبەڕووی توندوتیژی دەروونی و جەستەیی بووەتەوە، دەڵێت گوایە جۆنی زۆر شێت بووە لە ئەو  لەسەر ئەو  گرێبەستی کارەی کە لەگەل ئەکتەری  بەناوبانگی ئەمریکی جەیمس فرانکۆ کردویەتی، سەرەڕای تووندوتیژی دەروونی، ئەمبەر هێرد لە گووتەکانی بۆ دادوەر دەڵێت کە جۆنی لێدان وئازاردانی جەستەییی بەکار‌هێناوە بەرامبەری.

سەرەتای کێشەکەیان بە وتەی ئەمبەر لە سەرەتاکانی پەیوەندییەکەیان دەستی پیکردووە، لێدانەکانیش لەوکاتەوە دەستی پێکردووە کە دەربارەی تاتۆیەکی سەر قۆڵی جۆنی دێپ قسەیان کردووە، گوایە جۆنی دێپ بۆ چەندین جار زلەی لە ئەمبەر هێرد داوە، جۆنی دێپ-یش ئەمبەر هێرد بە توندووتیژی تاوانبارەکات.

جۆنی دەڵێت من پێم وابوو ئەو هاوسەرێکی باش دەبێت بۆمن، دەڵێت هەرگیز بەخەیاڵمدا نەدەهات کە شتێکی وا ڕووبدات، لەبەرامبەریشدا ئەمبەر هێیرد دەڵێت دوای ماوەی سەرەتا کە بەیەکەوەبووین جۆنی بۆ ماوەیەک دیارنەما، کە گەڕاشەوە بە سەرخۆشی و بێ ئاگایی گەڕایەوە.

دادگاییەکە بەردەوامە، بەوتەی کەسانی لیژنەی پسپۆڕانی دەروونی و شایەتیدانیان لە دادگادا، هەموو بەڵگەکان دەریدەخەن کە ئەمبەر هێیرد تووشی بارودۆخێکی دەروونی بەناوی post traumatic stress بووە.

More News

Most Popular

هەواڵ

لیای 10 ساڵ، ئەو کیژۆڵەی دووجار بەخاکسپێردرا

Mic
2022-05-23

کیژۆڵەیەکی 10 ساڵان، تەنها لە هەفتەیەکدا دووجار بەخاکسپێردرا، ئەوەش بەهۆی ئەوەی گومان لەدۆسییە کوشتنەکەیدا هەبوو، بەڵام دواجار دادگا دۆسییەکەی یەکلاییکردەوە.

باوكی لیا كە چەند رۆژێك لەمەوبەر گیانی لەدەستدا دەڵێت پزیشكی دادوەری پشتڕاستیكردوەتەوە كە كچەكەی بەهۆی پەلاماردانی سەگەوە گیانی لەدەستداوە، وتەبێژی پۆلیسی سلێمانیش دەڵێت لێكۆڵینەوە لەگەڵ بنەماڵەی منداڵەكە و خاوەنی سەگەكانیش كراوە.

عەلی ڕەحیم، باوكی لیای تەمەن 10 ساڵ، ئەو كچەی ھەفتەی رابردوو لە گەڕەكی ڕاپەڕینی شاری سلێمانی سەگ پەلاماری دا و گیانی لەدەست دا بە مایكی ڕاگەیاند: تەرمی كچەكەم لە پەیمانگەی پزیشكی دادی سلیمانی وەرگرتەوە و جارێكی دیكە بە خاكمان سپاردەوە".

وتیشی: "بەپێی ڕاپۆرتی پەیمانگەی پزیشكی دادی سلێمانی، دەركەوتووە كچەكەم بەھۆی پەلاماردانی سەگەوە گیانی لەدەست داوە و خواردوویەتی، بۆیە سبەی بنەماڵەكەمان لەسەر ئەو ھەموو تۆمەتانەی ئاڕاستەمان كراوە، لە كۆنگرەیەكی رۆژنامەوانیدا ھەڵوێستمان دەبێت".

باوكی لیای تەمەن 10 ساڵ، وتیشی: "ئەو سێ سەگەی كچەكەمیان خواردووە، كوژراون، بەڵام من سەگەكانم نەكوشتووە".

لەوبارەیەوە سەركەوتن ئەحمەد وتەبێژی پۆلیسی سلێمانی بەمایكی وت:"لەسەر دۆسیەی لیا لێكۆڵینەوە لەگەڵ بنەماڵەی لیا و ئەو بنەماڵەیەش كە سەگەكانیان هەیە كراوە".
وتیشی :"لەسەر دۆسیەكە لێكۆڵینەوەی تەواو كراوە و ئەوەی هەیە پەیوەندی بەدادوەری گشتیەوە هەیە".
هاوكات بەرزان محەمەد بەڕێوەبەری پزیشكی دادی سلێمانی بەمایكی راگەیاند: سەرجەم ئەو پرسیارانەی سەبارەت بە مردنی لیا لەپزیشكی دادوەری لەلایەن داواكاری گشتیەوە كراون وەڵاممان داونەتەوە".
پێشتریش هەر سەبارەت بەو پرسە، گوڵستان سەعید ئەندامی لیژنەی مافی مرۆڤی پەرلەمانی كوردستان بەمایكی وت:"سەبارەت بەو پرسە قسەمان لەگەڵ دەستەی مافی مرۆڤ كردووە، ئەوان پێیان وتین لەسەر دۆسیەكە لێكۆڵینەوەیان كردووە، بەڵام وەكو پەرلەمان ناتوانین دەستێوەردان لەكاروباری داواكاری گشتی بكەین".
بەڕێوەبەرایەتیی پۆلیسی سلێمانی لە روونكردنەوەیەكدا كە رۆژی هەینی رابردوو بڵاویكردەوە، رایگەیاند: بە بڕیاری دادوەر و بە ئامادەبوونی مەفرەزەكانی بنكەی پۆلیسی راپەڕین، تیمەكانی بەشی بەڵگەی تاوان و پزیشكانی دادوەری، تەرمی لیا لەناو گۆڕەكەی دەرهێنراوەتەوە و توێكاری بۆ لاشەكەی دەكرێت و لێكۆڵینەوەش لە رووداوەكە بەردەوام دەبێت".
16 یی ئەم مانگە هەواڵی گیانلەدەستدانی كچێكی 10 ساڵ لە سلێمانی بەهۆی پەلاماردانی سەگ بڵاوبویەوە، هەواڵەكە و پاشانیش لێدوانی باوكی منداڵەكە كاردانەوەی بەدوای خۆیدا هێنا بەتایبەتیش لەتۆڕە كۆمەڵایەتیەكان، بەوهۆیەشەوە لەسەر فەرمانی داواكاری گشتی گۆڕەكەی لیا هەڵدرایەوە.