هەواڵ

محەممەد بن زاید بە سەرۆکی نوێی ئیمارات هەڵبژێردرا

ئه‌مڕۆ شه‌ممه‌، محەممەد بن زاید لەلایەن ئەنجوومەنی باڵای ئیمارات وەک سەرۆکی نوێی ئەو وڵاتە هەلبژێردرا و بووە شوێنگرەوەی براکەی خەلیف بن زاید.

لە ڕاگەیەندراوی کۆبوونەوەی ئه‌نجومه‌نی باڵای ئیماراتدا هاتوه‌، بەپێی مادەی (51)ی دەستور، شێخ محەمەد بن زاید ئال نەهیان، بەکۆی دەنگ هەڵبژێردراوە بە سەرۆکی ئیمارات و شوێنی خه‌لیفه‌ بن زاید ئالنهیان ده‌گرێته‌وه‌، كه‌ دوێنێ له‌ ته‌مه‌نی 74 ساڵیدا و به‌هۆی نه‌خۆشییه‌وه‌ مرد.

ئەنجوومەنەکە بە سەرۆکایەتی شێخ محەمەد بن ڕاشید ئال مه‌کتوم، جێگری سەرۆک وەزیران و حاکمی دوبەی کۆبونەوەیەکی ئەنجامدا و رایگەیاند ئەندامانی ئەنجومەنی باڵای ئیمارات دڵنیاكرانه‌وه‌ كه‌ به‌رده‌وام ده‌بن له‌ چه‌سپاندنی ئەو بەهایانەی کە ده‌وڵه‌ته‌كه‌ی له‌سه‌ر دامه‌زراوه‌.

لەبارەی هەڵبژاردنەکەی وەک سەرۆکی نوێی وڵاتی، شێخ محەمەد بن زاید سوپاسگوزاری خۆی دەربڕی و داوی کرد هاوکاری بکرێت لە بەجێگەیاندنی ئەرکەکانیدا وەک سەرۆکێکی نوێ.

دوێنێ هەینی هەوڵای گیانلەدەستدانی سەرۆکی ئیمارات شێخ خه‌لیفه‌ بن زاید ئالنهیان بڵاوکرایەوە.

وه‌زاره‌تی كاروباری سه‌رۆكایه‌تی كۆمار، پرسه‌ و ماته‌مینی بۆ ماوه‌ی 40 رۆژ ئیمارات راگه‌یاند و فه‌رمانیكرد، بۆ ماوه‌ی 40 رۆژ ئاڵایی فه‌رمی وڵات بۆ نیوه‌ ده‌هێندرێته‌ خواره‌وه‌ و له‌ئه‌مڕۆشه‌وه‌ پرسه‌ و ماته‌مینی ده‌ستپێده‌كات و بۆ ماوه‌ی سێ رۆژیش ده‌وامی فه‌رمی له‌دامه‌زراوه‌ ناوخۆی و فیدڕاڵیه‌كان راده‌گیرێـت.

هەواڵ

ئەنجوومەنی دەوڵەت وەڵامی ئەنجوومەنی وەزیرانی عێراق دەداتەوە

کۆبوونەوەی ئەنجوومەنی دەوڵەت لەبارەی داهاتی نانەوتیی هەرێمی کوردستان کۆتایی هات و چاوەڕوان دەکرێت ئەمڕۆ وەڵامی ئەنجومەنی وەزیرانی عێراق بداتەوە.

بەگوێرەی زانیارییەکان لە کۆبوونەوەکەدا شاندێکی هەرێمی کوردستان بەشداربوون، کۆبوونەوەکە بە هەنگاوێکی گرنگ بۆ چارەسەری گرفتی مووچەی هەرێمی کوردستان دادەنرێت.

ئەنجوومەنەکە ئەمڕۆ چوارەم کۆبوونەوەی لەسەر پرسی داهاتی ناوخۆی هەرێمی کوردستان ئەنجامدا و، تێیدا تاوتوێی پرسی داهاتی نانەوتیی هەرێم، کە یەکێکە لە خاڵە ناکۆکانی نێوان حکومەتی هەرێم و عێراق.

هەر بەگوێرەی زانیارییەکان؛ پێشبینیدەکرێت ئەمڕۆ ئەنجوومەنی دەوڵەت ئەنجامی کۆبوونەوەکە بە راپۆرتێک بۆ ئەنجوومەنی وەزیرانی عێراق بەرزبکاتەوە.

رای ئەنجوومەنەکە لە بارەی کێشەی هەولێر و بەغدا لەسەر داهاتی ناوخۆ بە یەکلاکەرەوە ناو دەبرێت و بۆ چارەسەری پرسی داهاتیی ناوخۆی هەرێمی کوردستان لەنێوان هەولێر و بەغدا.

لە کاتێکدا ژمارەیەک لە چاودێران پێیان وایە، ئەو ئەرکەی بە ئەنجوومەنی دەوڵەت سپێردراوە؛ کاری ئەو نییە و ناتوانێت چارەسەر بۆ کێشەکە بدۆزێتەوە، بەڵکو دەبێت کێشەی داهاتی ناوخۆی هەرێم، دادگای باڵای فیدراڵی بڕیاری لەبارەوە بدات.