سێ راستی دەربارەی سێكس كە پێویستە هەموو هاوسەرێك بیزانێت

چارەسەرکارێکی بواری سێکسی وئالودەبوون بە سێکس، لە ئەزموونی چارەسەرکردنی کێشەی سێکسی نێوان هاوسەرانەوە، سێ ڕاستی دەخاتە ڕوو کە دەبێت هەموو هاوسەرێک بیزانێت.

١.لەبارەی سێکسەوە قسەبکەن: ئەو پسپۆڕە چارەسەرکارە دەڵێت شتێک کە زۆربەی هاوسەران فەرامۆشیان کردوووە قسەکردنە دەربارەی پڕۆسەی سێکس، هەندێکیان هەرگیز لەسەر ئەو بابەتە قسەیان نەکردوە، وتوویانە کە ترساون ئازاری هەستی یەکتری بدەن بە باسکردنی ئەو بابەتە لەگەڵ یەکتر،یان ترساون ببنە هۆی ناڕەحەتکردنی هاوسەرەکەیان، شەرمیان کردووە لە باسکردنی ئەو بابەتە، هەندێکیشیان بە شتێکی ئیحراجکەریان داناوە و نازانن چی لەو بارەیەوە بپرسن لە بەرامبەرەکەیان.
ئەم چارەسەرکارە دەڵێت پێویستە هاوسەران گفتوگۆ بکەن دەربارەی سێکس، ئەمە نهێنی پەیوەندیەکی سەرکەوتووی سۆزدارانەیە.

٢.کێشە سێکسیەکان شتێکی زۆر باون: ژمارەیەکی زۆر کێشەی سێکسی ئەگەری هەیە کە دەتوانێت بۆ ژن و مێردێک لە ماوەی تەمەنی ژیاندا ڕووبدات، وەک ژن و مێردێک، ئامانجتان دەبێت چێژوەرگرتن لە یەکتر بێت لە ڕووی سێکسییەوە وەک درێژکراوەیەکی سروشتی پەیوەندییەکەتان، نابێت ئامانجەکە ئەوە بێت کە ئۆرگازمت هەبێت، یان ناچار بیت بۆ ماوەیەکی زۆر ئەنجام بدەیت، یان هەفتەی ژمارەیەکی دیاریکراو دەبێت سێکس بکەیت.
هەموو ژن و مێردێک تایبەتن و بە ئەگەرێکی زۆرەوە لە ماوەی پەیوەندییەکەیاندا لە ماوەی تەمەنێکدا تووشی جۆرێک لە لە کێشەی سێکسی دەبن، دڵەڕاوکێ، خەمۆکی، تەمەن، نەخۆشی، فشار، نەخۆشی جەستەیی، زەبر، جیاوازی ئاستی ئارەزووی، دووگیانی، هۆرمۆنەکان، بایۆلۆجی، جینەکان، بیروباوەڕەکان و نەشتەرگەری تەنها چەند هۆکارێکن لەو هۆکارە زۆرانەی کە کاریگەرییان لەسەر کارلێکی سێکسی ژن و مێرد هەیە. 
هیچ شتێک نییە جێگای شەرمەزاری بێت،پرسە سێکسییەکان بەشێکن لە ژیان و چارەسەر دەکرێن، کاتێک تۆ و هاوبەشی ژیانت دەست دەکەن بە ئەزموونکردنی کێشە سێکسیەکان، لەبیرت بێت کە تۆ و هاوسەرەکەت پێکەوە دەتوانن بە سەرکەوتن چارەسەری کێشەکان بکەن، کراوە بە و باسی کێشە سێکسییەکە بکە، پشتگیری یەکتر بکە، پەروەردە بکە لەسەر ئەو کێشەیەی کە تووشی دەبیت، و ئەگەر نەتوانیت بە تەنیا یان لەگەڵ پزیشکی پزیشکی خۆت چارەسەری بکەیت، ئەوا لەگەڵ چارەسەرکەرێکی سێکسی بڕوانامەدار کۆببەوە و ئەوان بە ئەگەرێکی زۆرەوە یارمەتیت دەدات بۆ چارەسەرکردنی کێشەکە.

٣. پڕۆسەی سێکس شتێکی هاوبەش وپێکەوەییە: بۆ ئەوەی ژن و مێرد چێژ لە پەیوەندییەکی سێکسی تەندروست و پڕ لە خۆشی وەربگرن، دەبێت لەوە تێبگەن کە پرۆسەیەکی هاوبەشە، لەبیرت بێت کە ئێوە خێزانێکن و وەک تیمێک وان،هاوبەشی لە هەموو لایەنەکانی پەیوەندییەکەتدا و پەیوەندی سێکسیت جیاوازی نییە لە هیچ بوارێکی تر.

هەواڵ

ئێران و توركیا بە درۆن و تۆپخانەكانیان بەردەوامن لە بۆردوومانكردنی چەند ناوچەیەكی هەرێم

كاتژمێر 11:00ی پێشنیوەڕۆی ئەمڕۆ فڕۆكەی بێفڕۆكەوانی سوپای توركیا گوندی بادانەیان لە سنووری ناحیەی ناڵپارێز لە قەزای پێنجوێنی هەرێمی كوردستان بۆردوومان كردەوە و ترس و دڵەڕاوكێی زۆری لەناو گوندنشینان بڵاوكردووەتەوە، ئەمەش سێیەم جارە لەدوو رۆژی ڕابردوودا توركیا ئەو سنوورە بۆردوومان دەكات و دوێنێش گوندی شێخەلمارێنیان لە قەزای شارباژێر بۆردوومانكرد و ئۆتۆمبێلێكیان كردە ئامانج كە بەهۆیەوە كەسێك برینداربوو.
لەلایەن خۆشیانەوە فەرماندەیی یەكینەكانی ڕۆژهەڵاتی كوردستان – یەرەكە كە باڵی سەربازی پارتی ژیانی ئازادی كوردستانە ڕایگەیاند: لە ناوچەی پێنجوێن و شارباژێڕ كە لەلایەن دەوڵەتی توركیاوە بۆردومان كراوە، هیچ هێزێكی ئێمە لەو ناوچانەدا نییە.
لە ڕاگەیەندراوەكەی یەرەكەدا هاتووە: لە ڕۆژانی سێ تا شەشی ئەیلول، فڕۆكەی چاودێری بەسەر ئاسمانی چوارتا و ئاسۆس و پێنجوێندا سوڕاوەتەوە، لە كاتژمێر دووی پاش نیوەڕۆ، فڕۆكەیەكی بێفڕۆكەوان هێرشی كردە سەر ئۆتۆمبێلێكی مەدەنی لە گوندی شێخەڵمارێن.
یەرەكە دەشڵێت: لەو ناوچانەی دەوڵەتی توركیا هێرشی تێدا ئەنجامداوە هێزی ئێمەی تێدانییە و هیچ بنەكەیەكمان لەو ناوچانەدا نییە، بەهۆی ئەو هێرشانەوە هاوڵاتیان زیانیان پێگەیشتووه.
یەرەكە لەڕاگەیەندراوەكەدا دەشڵێت: هەندێك دەزگای ڕاگەیاندن بۆ ئەوەی ڕەوایەتی بە هێرشەكانی دەوڵەتی توركیا بدەن، پەكەكە و ئێمە دەكەنە ئامانج، ئێمە داوا لە دەزگاكانی ڕاگەیاندن دەكەین، لەسەر ئەو هێرشانە ڕاستییەكان بگەیەنن.
هاوكات دوێنێ ناوەندی ڕاگەیاندن و چاپەمەنیی هێزەكانی پاراستنی گەل-هەپەگە كە باڵی سەربازی پەكەكەیە ڕوونكردنەوەیەكی لەسەر بۆردوومانكردنی ئۆتۆمبێلێك لە سنووری شارباژێڕی سەر بە پارێزگای سلێمانی بڵاوكردەوە و رایگەیاند:لە هەندێك دەزگای ڕاگەیاندنی باشووری كوردستان بڵاوكرایەوە، كە لە چواری تشرینی یەكەمدا لە ناوچەی شارباژێڕی سلێمانی دەوڵەتی توركیا هێرشێكی ئاسمانی ئەنجامداوە و بانگەشەی ئەوە كرا، كە لە ئۆتۆمبێلێكدا كە هێرشی كراوەتە، سەر دوو كەسی سەر بە پەكەكە تێدابوون.
هەپەگە دەشڵێت: لەو شوێنەی هێرشەكەی تێدا ئەنجامدراوە هێزەكانی ئێمەی لێنییە و دەبێت بزانرێت، كە ئەوە هیچ پەیوەندییەكی بە ئێمەوە نییە.
پێشتریش هێمن ئیبراهیم بەڕێوەبەری ناحیەی ناڵپارێز رایگەیاند: بەهۆی مەترسی بۆردوومانەكەوە كە لەلایەن فڕۆكەوە ئەنجامدراوە، چەندین خێزان گوندەكەیان بەجێهێشتووە و روویان لە سەنتەری شاری سلێمانی كردووە.
خەڵكی ناوچەكە داوا دەكەن لایەنە پەیوەندیدارەكان بێنە سەر خەت بەهۆی مەترسیداری بۆردوومانی ناوچەكە و بەهۆی دژواری دۆخەكەوە خوێندن لە بەشێك لە ناوچەكانی سنوری پەروەردەی شارباژێڕ تا رۆژی یەكشەممە راگیراوە.
ئەمەش لەكاتێكدایە، ماوەی چەندین رۆژە بەشێوەیەكی بەردەوام فڕۆكە و درۆن بە ئاسمانی سنوری شارباژێرو پێنجوێن و چەندین ناوچەی دیكەی هەرێمدا دەسوڕێتەوە و بۆردوومانی چەندین ناوچەیان كردووە، تۆپبارانكردنی برادۆست و باڵەكایەتی لە سنووری ئیدارەی سۆرانیش لەلایەن ئێرانەوە پێینایە 13یەمین ڕۆژەوە.
بەیانی ئەمڕۆش تۆپخانەكانی ئێران لە سنووری برادۆست، كوێستانی ناوڕوبار و گوندی گۆڕێ سایە و گوندی كەتینەی تۆپباران كرد، هاوكات لە سنوری باڵەكایەتی، تۆپخانەكانی ئیران، گوندی بەردەخڕ و هاوینەهەواری بێرمەسارد و كوێستانەكانی سەرچاڵ و بناری هەڵگۆردی تۆپباران دەكەن.