پەروەردەی سێکسی

ئەگەر بایپۆلار بم، چۆن بتوانم لە پەیوەندیە سۆزداریەکەمدا سێکس ئەنجام بدەم؟

Mic
2022-06-19

بایپۆلارێتی تیکچونێکی عەقڵیە کە تێایدا کەسی بایپۆلار وزە و جوڵەیەکی زۆری دەبێت،لەگەل ناجێگیری دەروونی ومەزاجی، کێشە لە توانای تەرکیزکردن.
 بە نزیکەی لە %3ی خەڵکی تووشی دەبن، چەندین جۆری جیاوازی بایپۆلار هەیە، بەڵام هەندێک نیشانەی باوی هەیە وەک: زوو میزاج گۆرین، ناجێگیری دەروونی، خەمۆکی، شێتبوون، بەڕیژەیەکی بەرز ئەم نیشانانە لەکەسەکەدا دەردەکەون.
ئەم حاڵەتە وا لەکەسی تووشبوو دەکات کە ئارەزووی سێکسی کەمبێتەوە ودووربکەوێتەوە لە ئەنجامدانی پڕۆسەی سێکس،هەروەها ئاستەنگی لەبەردەم گەشتن بە ئۆرگازم، وروژاندن درووست دەکات، لە حاڵەتی مەترسیدارتر وشێتی کەسەکە وابکات  ڕەنگە بەپێچەوانەوە کەسی بایپۆلار داخوایز ماوەیەکی درێژتری سێکس دەکات، یان بۆ جارێکی زیتر لە کەسێکی ئاسایی.
چۆن مامەڵە لەگەڵ بایپۆلارێتی ونیشانەکانی دەکەیت؟
کەسانی بایپۆلار بەهۆی ناجێگیری،کەوتنە خەمۆکی، ناتوانن بە دروستی ژیانیان، بەتایبەتی پەیوەندی سێکسی ژیانیان ڕیک بخەن، ئەمەش وادەکات کەسانی دەوروبەر بەجۆرێک لە جۆرەکان بەکاریان بهێنن، یان سوکایەتیان پێبکەن.
شارەزایانی بواری دەروونی لەم ساڵانەی دوایدا دەستیان کردووە بە دواندن وچارەسەرکردنی کەسانی بایپۆلار و دەستنیشانکردنی ئاستی مەترسی بایپۆلارێتیان، چونکە بایپۆلارێتی چەندین ئاستو جۆری جیاوازی هەیە ونیشانەکانی بەپیی ئەوە دەگۆڕێت.
چارەسەرکاران لەڕێگەی دەرمانەوە هەوڵدەدەن نیشانەکان لە ەکسی بایپۆلاردا کەم بکەنەوە، هەرچەندە بەکارهێنانی دەرمان بۆ کەمکردنەوەی و ڕاگرتنی ئاستی بەرەوپێشچونی حاڵەتەکەیە، بەڵام کەسانی بایپۆلار یەکێک لە مەرسیەکانی ئەوەیە کە ئەگەربێت بە درووستی ئاست ودۆخی کەسەکە دەستنیشان نەکرێت، ئەوا وا لەکەسەکە دەکات بەتەواوی هەستەکانی لەدەست بدات، نەتوانێت لەژیان و پەیوەندیە سۆزداریەکەی بەردەوام بێت بەهۆی ئەو کێشانەی لە سێکسدا بۆی درووست دەبێت.

More News

Most Popular

-18

ئایا لە منداڵدا مەڵاشوو دەکەوێت؟

Mic
2024-02-21

ئاکۆ کەریم جەلال پسپۆری نەخۆشییەکانی منداڵان و گەشەی منداڵ لەو بارەیەوە ئاماژەی بەوەکردووە، لە سەردەمی کۆندا مەڵاشوو کەوتن نەخۆشییەکی باو بووە، لە ئێستاشدا لای هەندێک کەس هەیە، بە منداڵێکیان دەوت مەڵاشووی کەوتووە کاتێک منداڵەکە ماوەیەک خواردنی کەمبووایە و پرخەی لووتی هەبووایە و بێتاقەت و بێهیز بووایە و خەوی کەم بووایە، بۆ چارەسەر منداڵەکەیان دەبرد بۆ لایی ئافرەتێکی شارەزا پەنجەیەکی دەکرد بە قورگیا بۆ ئەوەی مەڵاشووی بەرزبکرێتەوە و ببرێتەوە شوێنی خۆی.
ئەو پسپۆڕە ئاشکرایکردووە، لە رووی زانستییەوە مەڵاشوو کەوتن وەک نەخۆشی هەیە و هەبووە و هەر دەشبێت، بەڵام دەستەواژەی مەڵاشوو کەوتن هەڵەیە چونکە مەڵاشوو ناکەوێت، هۆکاری ئەم نەخۆشییە لە رووی زانستییەوە ئەوەیە کاتێک منداڵ تووشی هەوکردنی ڤایرۆسات دەبێت هەندێک جار لەوزەتێنی سێهەم کە پێی دەوترێت "ئەدینۆید" یان پێیدەڵێن "گۆشتە زیادە"، دەکەوێتە بەشی سەرەوەی قورگ لە پشت رێرەوی لووت کە لە هەموو مرۆڤێکدا هەیە گەورە دەبێت بەمەش منداڵەکە هەناسەدانی بە لووت ئەستەم دەبێت و خواردنی کەم دەبێتەوە و بێهێز و بێتاقەتی دەکات.
ئاکۆی پزیشک روونیکردووەتەوە، ئەگەر منداڵەکە چەند رۆژێک خواردنی کەمبێتەوە ئەوا تووشی وشکبوونەوە دەبێت دەرئەنجام لە منداڵی کەمتر لە یەک ساڵ مەڵاشووی دەقووپێت بۆ ناوەوە لە ئەنجامی کەمبوونەوەی ئاوی لەشی، (ئاشکرایە منداڵ لە ٪٧٠ بۆ ٪٦٥ لەشی لە ئاو پێکهاتووە).
سەبارەت بە ڕێگەی کۆنی جاران کە ئافرەتێک بە پەنجە مەڵاشووی منداڵەکەی دەهێنایەوە ئەو پسپۆڕە دەڵێت "جاران لە نەبوونی پزیشک و هۆشداریی تەندروستیی وا لێکدراوەتەوە کە مەڵاشووی منداڵەکە کەوتووەتە پشتی لووتیەوە بۆیە لووتی گیراوە، بۆ چارەسەر کەسێک بە پەنجە پەستانی خستووەتە سەر بەشی سەرەوەی قورگی منداڵەکە و هەوڵیداوە مەڵاشووی بگەرێنێتەوە شوێنی خۆی، بەڵام بەهۆی ئەو پەستانە زۆرە بۆتە هۆی ئەوەی ئەو لەوزەتێنە بتەقێت بەمەش قەبارەکەی بچووکبووەتەوە و رێرەوی لووتی منداڵەکە کراوەتەوە بەمەش منداڵەکە بۆ ماوەیەکی کاتی باش بووە، بەڵام ئەم رێگە کۆنە هەڵەیە چونکە ئازارێکی زۆر بۆ منداڵەکە دروست دەبێت و ئەگەری هەوکردن و خوێن بەربوون زیاد دەبێت، لەگەڵ ئەوەشدا ترس و شڵەژانی دەروونی بۆ منداڵەکە دروست دەبێت".
لەو کۆتاییدا ئەو پسپۆرە ئەوەی خستووەتە روو، لە ئێستادا ئەم نەخۆشییە بە قەترەی لوت و شروب چارەسەر دەکرێت، هەندێک جاریش بە نەشتەرگەریی، هیچ پێویست ناکات ئەو چارەسەرەی جاران بکرێت.