عێراق لەریزبەندی وڵاتە عەرەبیەكاندا یەكەمە، ژمارەی توشبووانی كۆرۆنا لەجیهان نزیكدەبێتەوە لە 537 ملیۆن كەس

ژمارەی تووشبووانی ڤایرۆسی كۆرۆنا لەجیهان نزیكدەبێتەوە لە 537 ملیۆن تووشبوو، ژمارەی ئەوانەش كە گیانیان لەدەستداوە گەیشتە شەش ملیۆن و 700 هەزار كەس.
بەپێی داتایەكی ئاژانسی رۆیتەرز، زیاتر لە 536 ملیۆن و 89 كەس لەجیهان تائێستا بە تووشبووی كۆرۆنا تۆماركراون، ژمارەی ئەو كەسانەش كە گیانیان لەدەستداوە گەیشتووەتە شەش ملیۆن و 729 هەزار و 555 هەزار كەس.
هەر بەپێی داتاكەی ئاژانسی رۆیتەرز، لەگەڵ سەرهەڵدانی یەكەم حاڵەتی ڤایرۆسی كۆرۆنا لەشاری ووهانی چین لە مانگی 12 ی 2019 لە210 دەوڵەت و ناوچەی جیهان كۆرۆنا بڵاوبووەتەوە.
ئەو دەوڵەتانەی زۆرترین زیانیان بەهۆی كۆرۆناوە لەجیهان بەركەوتووە، بەپلەی یەكەم وڵاتە یەكگرتووەكانی ئەمریكایە، كە ژمارەی تووشبووانی گەیشتە 86 ملیۆن و 158 هەزار و 354 كەس، لەو نێوەندەشدا ملیۆنێك و 12 هەزار و 265 كەس گیانیان لەدەستداوە.
دوای ئەمریكا هیندستان دووەم وڵاتە كە زۆرترین زیانی بەهۆی ڤایرۆسی كۆرۆنا لەجیهان بەركەوتووە، 43 ملیۆن و 296 هەزار و 692 كەس لەو وڵاتە تووشی كۆرۆنا بوون، لەو ژمارەیەش 524 هەزار و 855 كەس گیانیان لەدەستدا، ئەم ئامارانەش فەرمین لەكاتێكدا پسپۆڕان و ژمارە راستەقینەكان زۆر لەوە زیاتر باس دەكەن كە ڕاگەیەندراوە.
بەرازیل لەریزبەندی سێیەمی ئەو وڵاتانە بوو كە زۆرترین تووشبووی كۆرۆنای تێدا تۆماركرا، 31 ملیۆن و 611 هەزار و 769 تووشبوو لەو وڵاتە تۆماركران، لەو ژمارەیەش 668 هەزار و 693 كەس گیانیان لەدەستداوە.
بەپێی راپۆرتەكەی رۆیتەرز، لەسەر ئاستی وڵاتانی عەرەبی، عێراق لەڕیزبەندی یەكەمدایە بۆ تووشبوون و گیان لەدەستدان بە كۆرۆنا، بەشێوەیەك دوو ملیۆن و 331 هەزار و 872 حاڵەت تۆماركراوە، لەو ژمارەیەش 25 هەزار و 228 كەس گیانیان لەدەستداوە.
دوای عێراقیش ئوردن بەپلەی دووەم دێت لەسەر ئاستی وڵاتانی عەرەبی،  ملیۆنێك و 697 هەزار 673 كەس لەو وڵاتە تووشی كۆرۆنا بوون، لەو ژمارەیەش 14 هەزار كەس گیانیان لەدەستداوە، لەسەر ئاستی جیهانیش عێراق و ئوردن لەریزبەندی 41 و 46 هەمین وڵاتانی جیهانن بۆ تووشبوون و مردن بە كۆرۆنا.

هەواڵ

وردەكاری گیانلەدەستدانی 46 كۆچبەر لەئەمریكا

لە شاری سان ئەنتینۆی ویلایەتی تەکساس لە هەوڵێکی قاچاخیدا لەنێوان سنوری ئەمریکا و مەکسیک نزیکەی 46 کەس بە مردوویی دۆزرانەوە.

لە شاری سان ئەنتینۆی  ویلایەتی تەکساس لەنا ترێلەیەکدا 46 کەس بەمردوویی دۆزرانەوە، کە پێدەچێت هەوڵێکی قاچاخچێتی بێت لە نێوان ئەمریکا ومەکسیک، لەگەڵ ئەوەشدا چارڵز هود بەڕێوبەری ئاگرکوژینەوەی سان ئەنتۆنیۆ ڕایگەیاندووە کە 16 کەسی دیکە هەر لەو ترێلەیەدا ڕۆژی دووشەممە دۆزراونەتەوە کە بەهۆی جەڵدەی گەرما تەندروستیان تێکچووە وگەیەنراونەتە نەخۆشخانە، کە لە نێوانیاندا چوار کەسیان تەمەنیکی کەمیان هەبووە.
بەهۆی ڕووداوەکەوە سێ کەس دەستگیرکراون 
ئە و بارهەڵگرە بارهەڵگرێکی ساردکەرەوە بوو، بەڵام هیچ یەکەیەکی تەندرووستی تیدا نەبووە، لە تەنیشت هێڵی شەمەندەفەر لە ناوچەیەکی دوور لە بەشی باشوری شارەکە دۆزرایەوە.
بەڕێوەبەری ئاگرکوژێنەوەی سان ئەنتۆنیۆپ وتیشی:  لەناو کوژراوەکاندا دوو هاوڵاتی گواتیمالای تێدا بووە کە بە ناسنامەی ساختەی یەکێتی ئەوروپا هاتوونەتە سان ئەنتۆنیۆ.
ڕووداوەکە لە ڕۆژی دووشەمەدا روویداوە کە پلەکانی گەرما لە سان ئەنتۆنیۆ کە نزیکەی 260 کیلۆمەتر لە سنوری مەکسیکەوو ودوورە بۆ نزیکەی  39 پلەی سیلیزی بەربۆتەوە لەگەڵ شێداریەکی زۆر.
ڕۆن نیربێرگ سەرۆکی شارەوانی سان ئەنتۆنیۆ ڕوداوەکەی رۆژی دووشەممەی بە کارەساتیکی ترسناك و مرۆیی ناوبرد، هەروەها وتیشی کە کوژراوەکان خێزانیان هەبووە و پێدەچیت بۆ ژیانیکی باشتر هەوڵیان دابێت.
 ڕەنگە کارەساتەکە یەکێک بێت لە کوشندەترین ڕووداوەکانی قاچاخکردنی مرۆڤ لە سنوری ئەمریکا ومەکسیک لە دەیەکانی ڕابردوودا.
هاوکات لە ساڵی 2017 شدا 10 کەس لەناو بارهەڵگرێکدا گیریان خواردبوو لە سان ئەنتۆنیۆ وەستابوو، گیانیان لەدەست دا، لە ساڵی 2019شدا 19کەسی دیکە لە بارهەڵگرێکی دیکەدا لەبەشی باشووری ڕۆژهەڵاتی شارەکە بە مردوویی دۆزرانەوە.