هەواڵ
بەغدا هەنگاوەكانی دژ بە نەوت و غازی هەرێم چڕدەكاتەوە
2022-06-23
دوای ئەوەی سەرۆكی ئەنجومەنی باڵای دادوەری عێراق لەپەیامێكدا رایگەیاند، دادگای فیدڕاڵی لەكارەكانیدا بە تەواوی سەربەخۆیە و بەگوێرەی دەستوریش بڕیارەكانی ناچارین بۆ هەمو لایەنەكان، هیچ لایەنێك بۆی نییە سەرپێچی لە بڕیارەكانی دادگای فیدڕاڵی بكات، هەر ئەمرۆ لەگەڵ سەرۆكی دادگاكانی تێهەڵچوونەوەی هەرێمی كوردستان كۆبوەوە.
پێشتر فایەق زێدان، سەرۆكی ئەنجومەنی باڵای دادوەری عێراق لە چاوپێكەوتنێكدا رایگەیاند: دادگای فیدڕاڵی عێراق بەشێكە لە دەسەڵاتی دادوەری و كارەكانی بەشێوەیەكی سەربەخۆ دەكات كە بە تەواوی جیاوازە لە كاروباری حكومەت، بۆ دەرخەری ئەو راستیەش بەشێك لە بڕیارەكانی دادگای فیدڕاڵی دژی خواستی حكومەت بون.
سەبارەت بە دۆسیەی نەوتی هەرێمی كوردستان فایەق زێدان وتی: ئەو پرسە جێگەی مشتومڕ و ناكۆكی بوو، دادگای فیدڕاڵی دۆسییەكەی لە بەرژەوەندی وەزارەتی نەوت یەكلایی كردەوە، هۆكارەكەشی ئەوەبوو كە وەزارەتی نەوت لایەنی سكاڵاكار بووە وەك هەر دۆسییەكی دیكە و بەڵگەكانی خۆی پێشكەش كردووە، دادگاكە مافی مامەڵەكردن بە سامانی سروشتی بە گوێرەی دەستوریی، بۆ حكومەتی فیدڕاڵی گەڕاندووەتەوە.
سەرۆكی ئەنجومەنی دادوەری ئەوەشی خستبووەڕوو: دوای بەدواداچونی دۆسییەكە لەلایەن دادگای فیدڕاڵیەوە دەركەوتووە كە وەزارەتی نەوتی عێراق بە پێی دەستور مافی ئەو داوایەی هەیە كە دژی یاسای نەوت و غازی هەرێمی كوردستان تۆماریكردوە، هەر بۆیە سكاڵاكە لە بەرژەوەندی وەزارەتی نەوت یەكلاكرایەوە.
هەر لەو چاوپێكەوتنەدا فایەق زێدان باسی لەوەشكردووە: دەكرێت لەرێگەی هەمواركردنەوەی ژمارەیەك برگەی دەستورەوە چارەسەر بۆ بەشێك لە كێشەی وادە دەستورییەكان بكرێت كە هەموو كاتێك لەگەڵ هەڵبژاردن و پێكهێنانی حكومەتی نوێ روبەڕوی دەبنەوە، بەڵام لە هەمو دۆخ و دەستورێكی نوێشدا دادگاكان بە سەربەخۆیی دەمێننەوە و دەسەڵاتی دادوەری عێراقیش نابێتە بەشێك لە ناكۆكی نێوان لایەنەكان.
هەر ئەمڕۆ فایەق زێدان، سەرۆكی ئەنجومەنی دادوەری عێراق، بانگهێشتی سەرۆكی دادگاكانی تێهەڵچوونەوەی هەرێمی كوردستانی كرد و باسیان لە كێشە یاساییەكانی نێوان هەرێم و بەغدا كردووە.
فایەق زێدان لەوكۆبوونەوەیەدا لەگەڵ سەرۆكی دادگاكانی هەولێر و سلێمانی و دهۆك كە هەریەك لە دەستەی سەرپەرشتی دادگاكانی نەینەواو كەركوك ئامادەیبوون باسیان لەو كێشە یاساییانە كردووە كە لەنێوان هەرێم و بەغدا دروستبووە.
15 ی شوباتی 2022 دادگای فیدراڵی عێراق سەبارەت بە یاسای نەوت و غازی هەرێم بڕیاریدا، لەبڕیارەكەدا فرۆشتنی نەوت و غازی هەرێم بە نایاسایی ناوبرا و رێوشوێنەكانیش بۆ هەڵوەشاندنەوەی گرێبەستە نەوتیەكانی هەرێم لەلایەن بەغداوە دەستپێكرد، هەرچەندە حكومەتی هەرێم و دەسەڵاتەكانی یاسادانان و جێبەجێكردن و سەرۆكایەتی هەرێم بڕیارەكەیان بەنادەستوری ناوبردووە بەڵام حكومەتی عێراق بەردەوام جەخت لەجێبەجێكردنی بڕیاری دادگای باڵای فیدراڵی دەكەنەوە.
بابەتی لێکچو
More News
 copy.jpg)
Most Popular
-
بەشە ئاردی 700 هەزار کەس دەبڕدرێت
هەواڵ2025-09-14
1
-
دامەزراوەی ڤیژن و ناوەندی نەهرین یاداشتنامەیەکیان واژۆکرد
هەواڵ2025-09-15
2
-
دیواری رۆژئاوا، ئەو شوێنەی جولەکەکان لە ئەقسا بە پیرۆزتری دەزانن
هەواڵ2025-09-14
3
-
مووچە زامنکرا.. بەستەڵەکی نێوان هەرێم و بەغدا توایەوە
هەواڵ2025-09-16
4
-
دوو بازرگانی ماددەی هۆشبەر بەهاوکاریی ئاسایشی سلێمانی لە سعودییە دەستگیرکران
هەواڵ2025-09-15
5
-
ئەنجوومەنی دەوڵەت وەڵامی ئەنجوومەنی وەزیرانی عێراق دەداتەوە
هەواڵ2025-09-18
6
-
موقتەدا سەدر هەڵبژاردن رەتدەکاتەوە و چاوەڕێی دوو ئەگەرە
هەواڵ2025-09-17
7
-
بێ دەنگی تەواو، هۆکارێکە بۆ گەشەکردنی خانەکانی مێشک
تەندروستی2025-09-16
8
هەواڵ
ئەنجوومەنی دەوڵەت وەڵامی ئەنجوومەنی وەزیرانی عێراق دەداتەوە
2025-09-18
کۆبوونەوەی ئەنجوومەنی دەوڵەت لەبارەی
داهاتی نانەوتیی هەرێمی کوردستان کۆتایی هات و چاوەڕوان دەکرێت ئەمڕۆ وەڵامی ئەنجومەنی
وەزیرانی عێراق بداتەوە.
بەگوێرەی زانیارییەکان لە کۆبوونەوەکەدا شاندێکی
هەرێمی کوردستان بەشداربوون، کۆبوونەوەکە بە هەنگاوێکی گرنگ بۆ چارەسەری گرفتی
مووچەی هەرێمی کوردستان دادەنرێت.
ئەنجوومەنەکە ئەمڕۆ چوارەم کۆبوونەوەی لەسەر پرسی داهاتی ناوخۆی هەرێمی کوردستان ئەنجامدا و، تێیدا تاوتوێی پرسی داهاتی نانەوتیی
هەرێم، کە یەکێکە لە خاڵە ناکۆکانی نێوان حکومەتی هەرێم و عێراق.
هەر بەگوێرەی زانیارییەکان؛ پێشبینیدەکرێت
ئەمڕۆ ئەنجوومەنی دەوڵەت ئەنجامی کۆبوونەوەکە بە راپۆرتێک بۆ ئەنجوومەنی وەزیرانی
عێراق بەرزبکاتەوە.
رای ئەنجوومەنەکە لە بارەی کێشەی هەولێر و
بەغدا لەسەر داهاتی ناوخۆ بە یەکلاکەرەوە ناو دەبرێت و بۆ چارەسەری پرسی داهاتیی
ناوخۆی هەرێمی کوردستان لەنێوان هەولێر و بەغدا.
لە کاتێکدا ژمارەیەک لە چاودێران پێیان وایە، ئەو ئەرکەی
بە ئەنجوومەنی دەوڵەت سپێردراوە؛ کاری ئەو نییە و ناتوانێت چارەسەر بۆ کێشەکە
بدۆزێتەوە، بەڵکو دەبێت کێشەی داهاتی ناوخۆی هەرێم، دادگای باڵای فیدراڵی بڕیاری
لەبارەوە بدات.
