هەواڵ
وەزارەتی بازرگانی هەرێم: 375 هەزار تەن گەنم لە جووتیاران وەرگیراوە
2022-08-01
وەزارەتی بازرگانی حكومەتی هەرێمی كوردستان رایگەیاند، لە هەرێمی كوردستان هەشت سایلۆی حكوومی هەن كە ڕۆژانە بەردەوامن لەوەرگرتنی گەنم و ساڵانە بڕی 375 هەزار تەن گەنم لەڕێگەی ئەم سایلۆیانەوە لە جووتیاران وەرگیراوە.
وەزارەتی بازرگانی ئەوەشی خستووەتەڕوو: ئەمساڵ بەهۆی كەمیی بەرهەمی گەنم ئەو بڕە كەمتر بوو لەساڵانی پێشوو، كە نزیكەی ٣٠٠ هەزار تەن وەرگیراوە.
دەشڵێت: پڕۆسەی وەرگرتنی گەنمی جووتیاران ئەمساڵ زیاتر لە ٥٠ ڕۆژی خایاند و بەراورد بە ساڵانی پێشوو كاتەكەی درێژ تر بوو، هەروەها پلەبەندیی لەسەر جۆر و كوالیتی گەنمی ئەمساڵ دانەنرابوو و هەمووی بە پلەیەك وەردەگیرا لەگەڵ بڕێك خەسم كە بۆ ئەمساڵ بۆ هەر تەنێك گەنم بڕی ٨٥٠ هەزار دینار دیاریكرابوو وە لە دوای رادەستكردنی گەنمەكانیان جووتیاران ڕاستەوخۆ بەماوەیەكی كەم شایستە داراییەكان وەردەگرت.
نەوزاد كامیل بەڕێوەبەری گشتیی بازرگانی هەرێم رایگەیاند: پاش ئەوەی پڕۆسەی وەرگرتنی گەنم لە هەرێمی كوردستان لە سایلۆكان ڕاگیرا، هێشتا ژمارەیەكی زۆر بارهەڵگری گەنم لە بەردەم سایلۆكاندا وەستابوون، دواتر ڕەزامەندی وەرگیرا كە ئەو بارهەڵگرانەش وەربگیرێت، بەم جۆرەش كۆتا ئامار تائێستا بڕی گەنمی وەرگیراو لە هەڕێم گەیشتۆتە دووسەد و نەوەد و یەك هەزارو پێنجسەد و نەوەد و هەشت تەن و سێ سەدوهەشتا كیلۆ.
سلێمانی/ بڕی (١٢٩٫٦١٧.٧٨٠) سەد و بیست و نۆ هەزار و شەشسەد و حەڤدە تەن و حەوتسەد و هەشتا كیلۆ گەنم وەرگیراوە.
هەولێر/ بڕی (١٠٩٫٧٨٥.٥٠٠) سەد و نۆ هەزار و حەتسەد و هەشتا و پێنج تەن وپێنجسەد كیلۆ گەنم وەرگیراوە.
دهۆك/ بڕی ( ٥٢٫١٩٥.١٠٠) پەنجا و دوو هەزار و سەد و نەوەد و پێنج تەن و سەد كیلۆ گەنم وەرگیراوە.
كۆی گشتیی پارەی هاتوو بۆ جووتیاران بۆ ساڵی ٢٠٢٢ بریتییە لە (١٠٣٫٩٥٠) سەد و سێ ملیار و نۆسەد و پەنجا ملیۆن دینار.
بڕی ئەو پارەی كە ماوە نزیكەی (١٥١) سەد و پەنجا و یەك ملیار دینارە بۆ كۆی گەنمی وەرگیراو.
بابەتی لێکچو
More News
 copy.jpg)
Most Popular
-
بەشە ئاردی 700 هەزار کەس دەبڕدرێت
هەواڵ2025-09-14
1
-
دامەزراوەی ڤیژن و ناوەندی نەهرین یاداشتنامەیەکیان واژۆکرد
هەواڵ2025-09-15
2
-
دیواری رۆژئاوا، ئەو شوێنەی جولەکەکان لە ئەقسا بە پیرۆزتری دەزانن
هەواڵ2025-09-14
3
-
مووچە زامنکرا.. بەستەڵەکی نێوان هەرێم و بەغدا توایەوە
هەواڵ2025-09-16
4
-
ئەنجوومەنی دەوڵەت وەڵامی ئەنجوومەنی وەزیرانی عێراق دەداتەوە
هەواڵ2025-09-18
5
-
دوو بازرگانی ماددەی هۆشبەر بەهاوکاریی ئاسایشی سلێمانی لە سعودییە دەستگیرکران
هەواڵ2025-09-15
6
-
موقتەدا سەدر هەڵبژاردن رەتدەکاتەوە و چاوەڕێی دوو ئەگەرە
هەواڵ2025-09-17
7
-
بێ دەنگی تەواو، هۆکارێکە بۆ گەشەکردنی خانەکانی مێشک
تەندروستی2025-09-16
8
هەواڵ
ئەنجوومەنی دەوڵەت وەڵامی ئەنجوومەنی وەزیرانی عێراق دەداتەوە
2025-09-18
کۆبوونەوەی ئەنجوومەنی دەوڵەت لەبارەی
داهاتی نانەوتیی هەرێمی کوردستان کۆتایی هات و چاوەڕوان دەکرێت ئەمڕۆ وەڵامی ئەنجومەنی
وەزیرانی عێراق بداتەوە.
بەگوێرەی زانیارییەکان لە کۆبوونەوەکەدا شاندێکی
هەرێمی کوردستان بەشداربوون، کۆبوونەوەکە بە هەنگاوێکی گرنگ بۆ چارەسەری گرفتی
مووچەی هەرێمی کوردستان دادەنرێت.
ئەنجوومەنەکە ئەمڕۆ چوارەم کۆبوونەوەی لەسەر پرسی داهاتی ناوخۆی هەرێمی کوردستان ئەنجامدا و، تێیدا تاوتوێی پرسی داهاتی نانەوتیی
هەرێم، کە یەکێکە لە خاڵە ناکۆکانی نێوان حکومەتی هەرێم و عێراق.
هەر بەگوێرەی زانیارییەکان؛ پێشبینیدەکرێت
ئەمڕۆ ئەنجوومەنی دەوڵەت ئەنجامی کۆبوونەوەکە بە راپۆرتێک بۆ ئەنجوومەنی وەزیرانی
عێراق بەرزبکاتەوە.
رای ئەنجوومەنەکە لە بارەی کێشەی هەولێر و
بەغدا لەسەر داهاتی ناوخۆ بە یەکلاکەرەوە ناو دەبرێت و بۆ چارەسەری پرسی داهاتیی
ناوخۆی هەرێمی کوردستان لەنێوان هەولێر و بەغدا.
لە کاتێکدا ژمارەیەک لە چاودێران پێیان وایە، ئەو ئەرکەی
بە ئەنجوومەنی دەوڵەت سپێردراوە؛ کاری ئەو نییە و ناتوانێت چارەسەر بۆ کێشەکە
بدۆزێتەوە، بەڵکو دەبێت کێشەی داهاتی ناوخۆی هەرێم، دادگای باڵای فیدراڵی بڕیاری
لەبارەوە بدات.
