هەواڵ

زانیاری زیاتر لەبارەی دۆخی زیندانیانی بادینان، یەكێكيان دۆخی تێكچووە و بردوویانە بۆ نەخۆشخانە

Mic
2022-08-04

بەیانی ئەمڕۆ شڤان سەعید، یەكێك لە سزادراوانی بادینان بەهۆی بەردەوامبونی لە مانگرتن دۆخی تەندروستی تیچووە و گەیەندراوەتە نەخۆشخانە، بەوتەی یەكێك لە كەسە نزیكەكانیشی ئێستا دۆخی تەندروستی جێگیربووە و گەڕاوەتەوە بۆ چاكسازی.
ئەمرۆ دوای ئەوەی دۆخی تەندروستی شڤان سەعید تێكچوو نێردراوە بۆ نەخۆشخانە و پاشانیش بردوویانە بۆ نەخۆشخانە، ئەیهان سەعید نوێنەری زیندانیانی بادینان بە مایكی وت:"لەچاكسازی گەوران تووشی نەخۆشی بووە و گومان دەكرێت تووشی شەكرە بوبێت.
ئەیهان سەعید وتیشی: ئێستا لەنەخۆشخانە گەڕاوەتەوە بۆ چاكسازی گەورانی هەولێر، بەڵام وەك خۆی دەڵێت دۆخی تەندروستییان بەگشتی باش نییە.
ماوەی زیاتر لە ١٠ ڕۆژە ٥٢ زیندانی لە چاكسازی گەوران كە ١٢یان سزادراوانی بادینان و شیلادزێن، دەستیان بە مانگرتن لە خواردن كردووە.
دووی ئەم مانگە دوای كۆبوونەوەیان لەگەڵ سەرۆكی داواكاری گشتی و سەرۆكی دەستەی مافی مرۆڤ و بەڕێوەبەری زیندانی چاكسازی گەورانی هەولێر، ژمارەیەك لەپارێزەران چاویان بە زیندانیانی بادینان كەوتووە و پارێزەرەكەشیان دوای كۆبوونەوەكە وتی  دۆخیان خراپە.
بەشدار حەسەن یەكێك لە پارێزەرانی ئەو دۆسیەیە بەمایكی وت: لەبارەی مانگرتنی دەسگیركراوانی بادینان، لە زیندانی چاكسازی هەولێر، لەگەڵ سەرۆكی داواكاری گشتی، سەرۆكی دەستەی مافی مرۆڤ و بەڕێوبەری زیندانی چاكسازی گەورە، بۆ ماوەی سێ كاتژمێر كۆبووینەتەوە و دواتر بەشێك لە دەستگیركراوەكانمان بینی.
ئەو پارێزەرە وتیشی: بەشێك لە دەستگیركراوە مانگرتووەكان دۆخی تەندرووستیان خراپبوو، بەڵام نێچیرڤان بەدیع ژیانی لە مەترسیدابوو، هەروەها ئەمجەد ڕێكانی بەهۆی ئەوەی توشبووی نەخۆشی ڤایرۆسی جگەرە، بەهۆكاری ئەوەی باری تەندروستی نا جێگیربوو نەمانتوانی بیبینین.
بەشدار حەسەن ئەوەشی خستەڕوو: دواتر لە كۆبونەوەمان لەگەڵ سەرۆكی دەستەی دادوەری و مافی مرۆڤ دڵنیاییان پێداین، ئازادكردنی مەرجدار ڕانەگیراوە، لەئێستادا بڕیارەكە لای داواكاری گشتیە، سەرۆكی ئەنجومەنی دادوەری، داوای لە سەرۆكی داواكاری گشتی كردووە بابەتەكە یەكلایی بكاتەوە بە ڕاشكاوانە بۆچونی خۆیانی لە سەر بدەن.
 پاش ئەوەی دادگای هەولێر بڕیاری ئازادكردنی بەشێك لە دەستگیركراوانی بادینانی دەركرد و بەپێی بریارەكە دەبوایە یەكەم ڕۆژی جەژنی قوربان ئازاد بكرانایە، بەڵام بەبێ بوونی هیچ بیانوییەك بڕیارەكە ڕاگیراوە، لە بەرامبەردا لە ڕۆژی 22ی تەمموزەوە نزیكەی 60 لە دەستگیركراوانی بادینان، مانگرتنیان لە خواردن و خواردنەوە تا مردن ڕاگەیاندووە.
پێشتریش مونا یاقو، سەرۆكی دەستەی سەربەخۆی مافەكانی مرۆڤ لە ھەرێمی كوردستان ڕایگەیاند: ھەرسێ لایان كۆك بوون لەسەر ئەوەی، بە ھیچ شێوەیەك كاركردن بە ئازادكردنی مەرجدار ڕاناگیرێت، بە مەرجێك مەرجە یاساییەكان بیگرێتەوە.
سەرۆكی دەستەی سەربەخۆی مافەكانی مرۆڤ وتیشی: ھەر كەسێك خۆی بە شایانی بزانێت بە پێی ئەو تەسەلسولەی لە یاسادا ھاتوە، داواكاری پێشكەش بكات، داواكاری گشتی ڕای خۆی دەڵێت و پاشان ئەنجومەنی دادوەری بڕیاری خۆی دەدات، پاش ئەوەی بە جودا تەماشای ھەر یەك لە كەیسەكان دەكەن.
دوای ئەو لێدوانەش دلێر سابیر خۆشناو،ڕاوێژكار لە وەزارەتی كاروكاروباری كۆمەڵایەتی حكومەتی هەرێم لەكۆنگرەیەكی رۆژنامەوانیدا رایگەیاند: ئێمە شەش چاكسازیمان هەیە لەناو بەشێك لەچاكسازیەكان پرۆژەی بەرهەمهێنان هەیە و سزادراوەكان پارە پەیدا دەكەن، ئەمڕۆ كاردەكەین بۆ ئەوەی ئەو رێكارانەی پێویستە بۆ سزادراوان دابنرێت.
راوێژكارەكەی وەزارەتی كارو كاروباری كۆمەڵایەتی حكومەتی هەرێم دەڵێت: بەو شێوازە پێشكەوتوو نین كە بڵێین هەموو شتێك هەیە، بەڵام لەهەوڵداین بگەینە پێوەرە نێودەوڵەتیەكان، لەڕووی خزمەتگوزارییەوە خزمەتگوزاری باشیان پێشكەش دەكرێت  و خوێندنیان بەردەوامە.
دلێر سابیر دەڵێت: لەچاكسازیەكان خزمەتگوزاری تەواو پێشكەش دەكرێت و زیندانیەكان ئەگەر پێویستیان بە نەشتەرگەری بێت بۆیان دەكرێت.

بابەتی لێکچو

More News

Most Popular

هەواڵ

دوو کۆبونەوەی باڵا نەیتوانی مووچە دابەشبکات و ئەنجامی دوو کۆبونەوەی دیکە ماوە

Mic
2025-07-14


کۆبونەوەی دادگای باڵای فیدراڵی و کۆبونەوەی لوتکەی یەکێتی و پارتی هیچ هەواڵێکی خۆشیان بۆ مووچە خۆران پێنەبوو، بڕیارە لە 24 کاتژمێری داهاتوودا دوو کۆبونەوەی باڵا لە بەغدا بەڕێوەبچێت و تێدا پرسی موچەی هەرێم تەوەری سەرەکی دەبێت.

ئەمڕۆ 14ـى تەمموز، دادگای باڵای فیدراڵی عێراق تایبەت بە دوو سکاڵا لەبارەی نەناردنی مووچەی هەرێمی کوردستانەوە کۆبووەوە، هەرچەندە موچە خۆران چاوەڕێبوون دادگا بڕیاری ناردنی مووچە بدات، بەڵام دادگاکە بڕیاردانی لەسەر سکاڵاکان بۆ 28ـی تەمموز دواخست.

پرسی مووچەی مووچە خۆرانی هەرێم، ئەمڕۆ پارتی و یەکێتی لە ئاستی باڵادا کۆکردەوە، شاندی یەکێتی بە سەرۆکایەتی بافڵ تاڵەبانی، سەرۆکی یەکێتی لەگەڵ شاندی پارتی بە سەرۆکایەتی مەسعود بارزانی، سەرۆکی پارتی کۆبونەوە.

دوای کۆتاییهاتنی کۆبونەوەکە، راگەیەندراوێکیان بڵاوکردەوە کە بەشێکی تایبەتبوو بە پرسی مووچە و ئاماژە بەوەکراوە، هەموو هەوڵەکان چڕ بکرێنەوە بۆ چارەسەری کێشە و دابینکردنی مووچە شایستە داراییەکانی هەرێمی کوردستان
وابڕیارە ئەمشەو، کۆبونەوەی چوارچێوەی هەماهەنگیی بەڕێوەدەچێت، کە لە لایەنە سەرەکیە شیعەکانی ناو حکومەت پێکهاتووە، سەرۆک وەزیرانی عێراق ئامادەی کۆبونەوەکە دەبێت و پرسی ناردنی مووچەی هەرێم تەواوەرێکی کۆبونەوەکە دەبێت.

سبەینێ، ئەنجومەنی وەزیرانی عێراق کۆدەبێتەوە و تاوتوێی ئەو راپۆرتە دەکات، کە لیژنە وەزارییەکەی حکومەتی عێراق ئامادەی کردووە لەسەر پرسی مووچەی هەرێم.

شێروان دووبەردانی، پەرلەمانتاری فراکسیۆنی پارتی لە پەرلەمانی عێراق بە میدیای حزبەکەی راگەیاندووە، دواخستنی دانیشتنەکەی ئەمڕۆی دادگای فیدراڵی هیچ یاسایی نەبوو، تەنیا نەیانویست بڵێن لە تواناماندا نییە بڕیار بدەین، دواخستنی دادگای فیدراڵی بۆ 28 مانگ پەیامێکی ناراستەوخۆیە کە ناتوانن مووچە بنێرن.

لەبارەی هەڵوێستی فراکسیۆنی پارتی لە بەرامبەر دواخستنی مووچەی فەرمانبەرانی هەرێمی کوردستان وتی: کۆتا وادەی چاوەڕوانیمان یەک هەفتەی دیکەیە و ئەگەر تا ئەو کاتە پرسی مووچەی فەرمانبەرانی هەرێمی کوردستان چارەسەر نەکرێت، هەڵوێستمان دەبێت.

TVPodcastهەواڵبنکۆڵکاری دەربارەی ئێمە 18-

ریکلاممان لەگەڵ بکە

+964 (0)770 153 6483

[email protected]

Designed and developed by AVESTA GROUP

Mic News. ©2021 All rights reserved