هەواڵ
دوای رەتكردنەوەی داواكەی سەدر بۆ هەڵوەشاندنەوەی پەرلەمان، وەزیرەكەی هەڕەشە دەكات
2022-08-14
ساڵح محەممەد عێراقی، وەزیری سەدر، پەیامێكی ئاراستەی چوارچێوەی هەماهەنگی كردووە و تێیدا نوسیویەتی: كێ بوو دوای راگەیاندنی هاوپەیمانی رزگاركردنی نیشتیمان، موشەكی ئاراستەی هەولێر و ئەنباری ئازیز كرد؟ بیرتان چووەوە؟.
ساڵح محەمەد عێراقی كە بە وەزیرەكەی سەدر ناسراوە، لە پەیامەكەیدا حەوت رووداوی وەبیر سیاسییەكانی چوارچێوەی هەماهەنگی هێناوەتەوە و رایگەیاندووە: مانگرتنی ئەوانمان لەبیرە لای ناوچەی سەوز دوای راگەیاندنی ئەنجامەكانی هەڵبژاردن كە چوارچێوەی هەماهەنگی گەورەترین دۆڕاو بوو تێیدا". دەشڵێت: "ئەی سێیەكی پەكخەر سەپاندنی ویست نەبوو.
وەزیرەكەی سەدر ئەوەشی خستەڕوو: مەحاڵە تۆمارە دەنگییەكانتان لەبیر كردبێت كە بنەمای راستەقینەی سەپاندنی ویست بوو بە هێز و هەڕەشە، سووتاندنی نەخۆشخانەكان و وێستگەكانی كارەبا و سندووقەكانی دەنگدان نابێ لەبیر بكرێن.
ساڵح محەمەد عێراقی باسی لەوەش كردووە: كشاندنەوەی 73 پەرلەمانتار و 10 دەستپێشخەری بە دڵنیاییەوە سەپاندنی ویست نین، ئێوە جەماوەرتان زۆر نییە و لە دژی گەلەكەتان شەڕی مان و نەمان دەكەن و هیچكات گەندەڵی ئێوە بەردەوام نابێت.
وەزیرەكەی سەدر هەروەها باسی هێرشە مووشەكییەكەی سەر هەولێر و ئەنبار دەكات و دەڵێت: كێ بوو دوای راگەیاندنی هاوپەیمانی رزگاركردنی نیشتیمان، موشەكی ئاراستەی هەولێر و ئەنباری ئازیز كرد؟ بیرتان چووەوە؟، پێم وانیە راستگۆ بن و دەوڵەتێكی یاساییتان بوێت، بەڵام هێشتا دەڵێن "نا نا ئەی عێراق."
ساڵح محەمەد عێراقی لە كۆتاییشدا هۆشداریی توند بە چوارچێوەی هەماهەنگی دەدات و دەڵێت: پێم وانیە ئێوە بنكەیەكی فراوان و رەوتێكی گەورە بن، بەڵكو ئێوە لەگەڵ میلەتەكەتاندا ململانێ لەسەر "بوونتان" دەكەن، وا وەیلا ئەگەر لەسەر ئەم خراپەكارییەتان بەردەوام بن.
وتەكانی وەزیرەكەی سەدر لەكاتێكدایە، ئەمڕۆ ئەنجومەنی دادوەری عێراق بە سەرۆكایەتی فایەق زێدان، سەرۆكی ئەنجومەنی دادوەری لەبارەی چەند تەوەرێك كۆبوەوە لەوانهش، دۆخی عێراق و پرسی هەڵوەشاندنەوەی پەرلەمانی عێراق، كە موقتەدا سەدر، رێبەری رەوتی سەدر ماوەی هەفتەیەكی دیاریكردووە بۆ هەڵوەشاندنەوەی.
دواتر ئەنجومەنی دادوەری عێراق لە ڕاگەیەندراوێكدا بڵاویكردەوە: ئەنجومەنەكەمان دەسەڵاتی ئەوەی نیه، كە دەست لەكاروباری دەسەڵاتی یاسادانان و دەسەڵاتی جێبەجێكردن وەربدات و هەربۆیە دەسەڵاتی ئەوەمان نیە، كە ئەنجومەنی نوێنەرانی عێراق هەڵبوەشێنینەوە.
لە بەشێكی دیكەی ڕاگەیەندراوەكەدا ئەوەخراوەتەڕوو: داواكارین، كە دادگا تێكەڵ بە ململانێ سیاسییەكان نەكرێت، چونكە بەهەمان دووری لەگەڵ هەموو لایەنەكان وەستاوین.
پێشتر موقتەدا سەدر، ڕێبەری ڕەوتی سەدر ڕایگەیاندبوو، ماوەی یەك هەفتە بۆ دادگا دیاری دەكەین، تاوەكو لەبارەی هەڵوەشاندنەوەی ئەنجومەنی نوینەرانی عێراق قسەی خۆی بكات، ئەگەر لەگەڵ گەل نەبوو ئەوكات قسەیەكی دیكەیان دەبێت.
لەلایەكی دیكەوە بەپێی هەواڵی میدیاكانی عێراق،كوتلەی دەستلەكاركێشاوەی ڕەوتی سەدر لەپەرلەمانی عێراق سكاڵای لەسەر هەرسێ سەرۆكایەتی كۆماری عێراق و پەرلەمان و ئەنجومەنی وەزیران تۆماركرد و داوای هەڵوەشاندنەوەیان و ئەنجامدانی هەڵبژاردنی پێشوەختە لەعێراق دەكات.
بابەتی لێکچو
-
سەنتەری میترۆ: رێکخەرەکەمان کەوتووەتە بەر هێرشی سوپایەکی ئەلیکترۆنی
هەواڵ2025-10-02
-
ئیلۆن مەسک یەکەم کەسە لە مێژوودا سامانەکەی گەیشتە 500 ملیار دۆلار
هەواڵ2025-10-02
-
ئەمریکا فشارەکانی چڕکردووەتەوە.. یەکێتی دەیەوێت ئەم سێ پۆستە یەکلایی بکاتەوە
هەواڵ2025-09-30
-
چاوەڕوان دەکرێت ئەمڕۆ بەغدا مووچەی مانگی حەوت خەرجبکات
هەواڵ2025-09-30
More News
 copy.jpg)
Most Popular
تەندروستی
بەکارهێنانی مەیکەپی دژە ئاو مەترسیدارە؟
2025-10-04
توێژینەوەیەک کە لە گۆڤاری زانستی ژینگە و تەکنۆلۆژیادا بڵاو کراوەتەوە ئاماژەی بەوە داوە، بەشێک لە بابەتی جوانکارییەکان کە ئەمڕۆ بەکار دێت، ڕێژەیەکی زۆر لە ماددە کیمیایییە ژەهراوییەکان لە پێکهاتەیاندا هەیە وەک پۆڵی فلۆرۆ ئەڵکیل (PFAS ) . کە بەداخەوە لە پێکهاتەی ماددە جوانکارییەکاندا ئەم ماددە نانووسرێت بۆ ئەوەی خەڵک هۆشیار بێت.
ئیدارەی خۆراک و دەرمانی ئەمریکی (FDA) باس لەوە دەکات، بەشێک لە بابەتە جوانکارییەکانی وەکوو بۆیەی نینۆک و کرێمەکان و سوراو و قەڵەم چاو و ماسکەرا، دەکرێت ئەم ماددانەی تێ بکرێت بۆ ئەوەی زۆرتر بە درەوشاوەیی دەربکەوێت. بۆیە زۆر گرنگە ئەو بابەتە جوانکارییانە بەکار دێت کە دڵنیان لەوەی ئۆریجیناڵە و کوالێتی بەرزە.
