هەواڵ

هۆكاری دەستلەكاركێشانەوەی وەزیری دارایی عێراق ئاشكرابوو

Mic
2022-08-16

عەلی عەللاوی، وەزیری دارایی عێراق ئەمڕۆ لە كۆبوونەوەی هەفتانەی ئەنجومەنی وەزیراندا دەستلەكاركێشانەوەی خۆی پێشكەش كرد و مستەفا كازمیش پەسەندی كردووە، بەشێك لەمیدیاكانی عێراقیش هۆكارەكەی ئاشكرا دەكەن.
بەوتەی سەرچاوەیەكی باڵای حكومەتی عێراق، كە لە كۆبوونەوەكەی ئەنجوومەنی وەزیراندا بەشداربووە و نەیویستووە ناوی ئاشكرا بكرێت، عەلی عەلاوی وەزیری دارایی عێراق لە كۆبوونەوەی ئەمڕۆی ئەنجومەنی وەزیراندا دەستلەكاركێشانەوەی خۆی پێشكەش كردووە و لە كۆبوونەوەكەدا هۆكارەكانی بڕیارەكەی خستووەتەڕوو.
هەر بەپێی وتەی ئەو سەرچاوە باڵایەی حكومەتی عێراق، دەستلەكاركێشانەوەكە لەلایەن مستەفا كازمی سەرۆكوەزیرانی عێراقەوە پەسەندكراوە.
عەلی عەلاوی لە مانگی شووباتی 2022دا لەلایەن پەرلەمانی عێراقەوە بانگهێشت كرا بۆ پرساندنی سەبارەت بە گرانیی نرخی كەلوپەل و خۆراك لە عێراق، بەڵام بانگهێشتنامەكەی رەتكردەوە بەهۆی ئەوەی لەسەر داوای موقتەدا سەدر، رێبەری رەوتی سەدر بوو، پاش ڕەتكردنەوەی داواكەی موقتەدا سەدریش حاكم زاملی جێگری یەكەمی ئەوكاتی سەرۆكی پەرلەمانی عێراق هەڕەشەی قەدەغەی گەشتكردن و لێسەندنەوەی متمانەی لە وەزیری دارایی عێراق كرد، بۆیە دواتر عەللاوی چووە ژێر باری بانگهێشتنامەكە و چووە پەرلەمانی عێراق.
عەلی عەلاوی وەزیری دارایی عێراق، جگە لەتۆمەتباركردنی بەبەرزكردنەوەی بەهای دۆلار بەرامبەر دینالری عێراقی، لەلایەن بەشێك لە لایەنە شیعەكان بەتایبەتیش ڕەوتی سەدر تۆمەتباركرا بەوەی لەماوەی دوو ساڵی دەستبەكاربوونیدا وەكو وەزیری دارایی نرخی خۆراك بەشێوەیەكی بەرچاو بەرزبووەتەوە، جگە لەوەی هۆكاری سەرەكی ئەو بەرزبوونەوەیە بڕیارێكی ئەو بووە بەهاوبەشی بانكی ناوەندی عێراق بەدابەزاندنی بەهای دیناری عێراقی بەرامبەر دۆلاری ئەمریكی. 
بەشێكی لایەنە سیاسییەكانی عێراق دەڵێن دابەزاندنی بەهای دیناری عێراقی بەرامبەردۆلاری ئەمریكی  بە بڕیار و پلانی عەلی عەللاوی جێبەجێكراوە.

بابەتی لێکچو

More News

Most Popular

هەواڵ

مەترسییەکانی بە قەزابوونی قەرەتەپە لایەنە کوردییەکان یەکدەخات

Mic
2025-07-08


دوای ئەوەی ئەنجومەنی پارێزگای دیالە بڕیاری بە قەزابوونی ناحەی قەرەتەپەی دەرکرد، لایەنە کوردییەکان بە توندی دژی بڕیارەکە وەستاونەتەوە، جەختدەکەنەوە، بڕیارەکە هەوڵێکە بۆ تێکدانی دیمۆگرافیای ناوچەکە و هەروەها، بڕیارەکە پێچەوانەی مادەی 140ـى دەستورە.

ئەنجومەنی پارێزگای دیالە بەکۆی دەنگ، بڕیاری بە قەزابوونی ناحیەی قەرەتەپەی پەسەندکرد، کە ناحیەیەکی سەر بە قەزای خانەقین بوو، بەپێی بڕیارەکە، جگەلەوەی قەرەتەپە لە خانەقین دادەبڕێت، ناحیەکانی کۆکس و جەبارە لە کفری دادەبڕێت و دەخرێنە سەر قەزا تازەکە.

بڕیارەکە نیگەرانی لایەنە کوردییەکانی لێکەوتووەتەوە و و پێیانوایە، بڕیارەکە هەوڵێکە بۆ تێکدانی دیمۆگرافیای ناوچەکە و پێچەوانەی مادەی 140ـى دەستورە.

بۆ رەتکردنەوەی بڕیارەکە، ئەمڕۆ سەرجەم لایەنە کوردییەکان لە خانەقین کۆدەبنەوە، بە وتەی شێرکۆ میروەیس، لێپرسراوی مەڵبەندی یەکێتی لە خانەقین لە کۆبونەوەکەدا، بڕیارێکی بەکۆمەڵ دەدەن بۆ رەتکردنەوەی ئەو ستەمەی لە کورد دەکرێت .

لێپرسراوی مەڵبەندی یەکێتی لە خانەقین وتیشی: پێشێلکارییەکە مەترسییە لەسەر هەموو کوردستان و ئایندەی کورد لە ناوچە کوردستانییەکانی دەرەوەی ئیدارەی هەرێمی کوردستان.

ئەوس مەهداوی، نوێنەری یەکێتی لە ئەنجومەنی پارێزگای دیالە رایگەیاند، ناحیەی قەرەتەپە هێشتا تایبەتمەندیی بەقەزابوونی تێدانییە، ژمارەی دانیشتووانەکەشی لە 400 هەزار تێپەڕ ناکات، تاوەکو بێتە قەزا، بەڵام وەزیری پلاندانان، وەک کارێکی سیاسی ئەوەی کردووە، چونکە ئەوەی ئێستا بەڕێوەبەری ناحیەکەیە لە رووی سیاسییەوە سەر بە ئەوە، ئەو کارەش بۆ بانگەشەی هەڵبژاردن بەکاردەهێنێت.

TVPodcastهەواڵبنکۆڵکاری دەربارەی ئێمە 18-

ریکلاممان لەگەڵ بکە

+964 (0)770 153 6483

[email protected]

Designed and developed by AVESTA GROUP

Mic News. ©2021 All rights reserved