هەواڵ

بۆچی نرخی ماسی لەعێراق لەناكاو هەرزان بوو؟

Mic
2022-09-20

نرخی ماسیی لە بازاڕەكانی عێراق و هەرێمی كوردستان دابەزینی بەخۆیەوە بینیوە، سەرۆكی كۆمەڵەی بەرهەمی ماسیی عێراق دەڵێت بڵاوبوونەوەی ڤایرۆس و هاوردەكردنی ماسی لە توركیا و ئێران دیارترین هۆكارەكانی دابەزینی نرخی ماسین.
ئەیاد تالبی، سەرۆكی كۆمەڵەی بەرهەمی ماسیی عێراق بە میدیا ناوخۆییەكانی ڕاگەیاند: چەند هۆكارێك لە پشت هەرزانبوونی نرخی ماسییەوەن، كە یەكێك لەوانە بڵاوبوونەوەی ڤایرۆسە لەسەر سامانی ماسی.
وتیشی: هۆكارێكی دیكەی دابەزینی نرخی ماسی دەگەڕێتەوە بۆ هاوردەكردنی ماسی لە وڵاتانی دەوروبەر بەتایبەت توركیا و ئێران، كە نرخیان نزمە و كیلۆیەكیان لەنێوان هەزار و 500 بۆ دوو هەزار دیناردایە.
لە چەند مانگی ڕابردوودا نرخی ماسی لەسەرجەم ناوچەكانی عێراق بەشێوەیەكی بەرچاو بەرزبوەوە و بەجۆرێك نرخی هەر كیلۆیەك گەشتە 11 هەزار دینار، بەڵام ماوەی زیاتر لە 10 ڕۆژە بۆ كەمتر لەنیوەی ئەو بڕە دابەزیووە.

More News

Most Popular

هەواڵ

هێزيکی ئاسایش وێنەگری دیجیتاڵ میدیایی 'مایک'یان دەستبەسەرکرد

Mic
2024-03-25

سلێمانی ـ MIC

لەکاتی ڕووماڵی خۆپیشاندانی مامۆستایان و فەرمانبەرانی ناڕازیی ئەمڕۆ دووشەممە، هێزێکی ئاسایشی سلێمانی، گریڤان فەرمان یان بۆ ماوەیەک دەستبەسەرکرد و دەستیان بەسەر کەلوپەلە رۆننامەوانیەکدا گرت.

گریڤان فەرمان بە دیجیتاڵمیدیای MIC وت”هێزەکەی ئاسایش سەرجەم ئەو وێنە و دیمەنانەی خۆپیشاندانەکە، کە تۆمارم کردبوون سڕییانەوە و رێگەشیان نەدا رووماڵەکە بکەین.”

وتیشی” پاش سڕینەوەی دیمەنەکان ناچاریان کردین شوێنی خۆپیشاندانە جێبهێڵین.”
مامۆستایان و فەرمانبەرانی ناڕازی ئەمڕۆ لەدژی نەدانی مووچەکانیان و پرۆژەی هەژماری من، خۆپیشاندانیان ئەنجامدا و هەوڵیاندا بچنە دەباشان وچاویان بە بافڵ تاڵەبانی سەرۆکی یەکێتی بکەوێت، بەڵام لەلایەن هێزە ئەمنییەکانەوە رێگری کرا لە خۆپیشاندانەکە.

هەروەها رێگری کرا لە چەند کەناڵێکی میدیایی کە رووماڵی خۆپیشاندانەکە بکەن.