هەواڵ
كۆمپانیای سۆمۆ: بریاری دادگای فیدراڵی هەناردەی نەوتی هەرێمی كەمكردووەتەوە
2022-09-20
بەڕێوەبەری كۆمپانیای فرۆشتنی نەوتی عێراق " سۆمۆ" رایگەیاند، داوایان لە كۆمپانیا جیهانییەكان كردووە نەوتی خاو لە هەرێمی كوردستان نەكڕن، حكومەتی هەرێمی كوردستانیش ناچارە بڕیارەكەی دادگای فیدراڵی جێبەجێ بكات.
عەلا یاسری، بەڕێوەبەری كۆمپانیای سۆمۆ، بە ئاژانسی فەرمیی عێراقی راگەیاند: بەپێی بڕیارەكەی دادگای فیدراڵی هەموو ئەو گرێبەستانەی كە حكومەتی هەرێمی كوردستان واژووی كردوون بۆ دەرهێنان و هەناردەكردنی نەوت پووچەڵن.
عەلا یاسری وتیشی: وەزارەتی نەوت رێكاری گرتووەتەبەر بۆ گواستنەوەی ئەم دۆسیەیە بەتەواوەتی دۆسیەی نەوتی هەرێمی كوردستان بۆ ژێر دەسەڵاتی حكومەتی فیدراڵی، بەڵام حكومەتی هەرێمی كوردستان ئەم هەنگاوەی لا پەسەند نەبوو، بۆیە وەزارەتی نەوت رێكاری یاسایی گرتەبەر.
بەڕێوەبەری كۆمپانیای سۆمۆ دەشڵێت: حكومەتی هەرێمی كوردستانیش ناچارە بڕیارەكەی دادگای فیدراڵی جێبەجێ بكات.
بەوتەی عەلا یاسری كۆمپانیای سۆمۆ داوای لە هەموو كۆمپانیا جیهانییەكان كردووە نەوتی خاو لە هەرێمی كوردستان نەكڕن.
بەوتەی بەڕێوەبەری كۆمپانیای سۆمۆ، ساڵی رابردوو هەرێمی كوردستان، رۆژانە نزیكەی 420 هەزار بەرمیل نەوتی خاوی هەناردە كردووە، بەڵام ئەمساڵ بڕی هەناردەی رۆژانەی دابەزیوە بۆ 355 هەزار بەرمیل لە رۆژێكدا.
عەلا یاسری ئەوەشی خستەڕوو: حكومەتی هەرێمی كوردستان نەوتی خاو بە نرخێكی كەمتر دەفرۆشێت بەراورد بە نرخی فرۆشتنی نەوت لە لایەن حكومەتی فیدراڵەوە، جیاوازیی نێوان هەردوو نرخەكە 16 بۆ 20 دۆلار دەبێت بۆ هەر بەرمیلێك.
دادگای فیدراڵیی عێراق لە 15-2-2022 بڕیاری دا كە یاسای نەوت و گازی هەرێمی كوردستان نادەستوورییە، دادگاكە هەروەها بڕیاری دا كە دەبێ حكومەتی هەرێمی كوردستان تێكڕای نەوتی بەرهەمهێندراوی خۆی رادەستی وەزارەتی نەوتی عێراق بكات، هاوكات مافی دایە وەزارەتی نەوتی عێراق لە یاسایی، راستی و دروستی گرێبەستە نەوتییەكان و گرێبەستە گازییەكانی حكومەتی هەرێمی كوردستان لەگەڵ وڵاتان و كۆمپانیا بیانییەكان بكۆڵێتەوە.
لە بەرامبەردا، حكومەتی هەرێمی كوردستان بڕیارەكەی دادگای فیدراڵی بە سیاسی ناودەبات و رەتیدەكاتەوە، تائێستاش چەند جارێك ئەمریكیەكان هەوڵیانداوە دۆسیەی نەوت لەنێوان هەرێمی كوردستان و حكومەتی عێراقی فیدراڵ چارەسەر بكەن.
More News
.jpg)
 copy.jpg)
Most Popular
تەندروستی
ئەو مۆزە سەرسوڕهێنەرەی بۆ ڕزگارکردنی ژیان دروستکراوە "Super banana "
 (3) (1).jpg)
2023-11-26
لە زۆربەی وڵاتانی جیهان بە تایبەتی ئەفریقا کەسانێک هەن
بەدەست برسێتی زۆرەوە دەناڵێنن بۆ چارەسەرکردنی ئەم کێشەیە زانایان بەدوای زۆر چارەسەردا
گەڕاون هەرچەنە حکومەتی ئەو وڵاتە لە ڕێگەی دابەشکردنی حەب و کەپسول و تەواوکەری
خۆراکیەوە هەوڵی چارەسەرکردنی ئەم کێشەیەی داوە،
بەڵام
نەیانتوانی جڵەوی بارودۆخەکە بکەن بەڵام کۆمپانیای "ویلبەرفۆرس "لە
ئۆگاندا هەستان بە دروستکردنی جۆرە مۆزێکی تایبەت بە ناوی “SUPER BANANA” کە لە ڕووی جیناتەوە گۆڕانکاری تێداکراوە بە جۆرێک ژمارەیەکی زۆر
ڤیتامینی تێدایە بە بەراورد بە مۆزی ئاسایی، بە تایبەت ڤیتامین A و ماددە خۆراکیە گرنگەکان بیرۆکەی دامەزراندنی
ئەم کۆمپانیایە دروستکردنی SUPER
BANANA هی
پیاوێک بوو بە ناوی Wilberforce ، کە بەدەست برسێتیەوە دەیناڵاند دایک و باوکی توانیان چارەسەری
بکەن بەڵام زۆرینەی هاوڕێکانیان گیانیان لەدەستدا ئەو نەیتوانی چیتر بەرگەی مردنی
ئەو هەموو کەسە بگرێت و بۆیە بڕیاریدا بیر لە ڕێگە چارەیەک بکاتەوە و بەو جۆرە super banana ەی داهێنا،
ئەم مۆزە لە کۆمەڵێک تاقیگەی
کشتوکاڵی لە ئۆگاندا بەرهەمدەهێنرێت بەو پێێەی یەکێکە لەو وڵاتانەی ساڵانە
ژمارەریەکی زۆری منداڵ بەهۆی کەمی ڤیتامین A گیان لەدەست دەدەن یاخود لەگەشە دوادەکەون وبە ئاسانی نەخۆش دەکەون بەهۆی ئەم مۆزەوە توانرا ژیانی
چەندین کەسی برسی و هەژار ڕزگار بکرێت و لە ئیستدا چەندین منداڵ نە گەشەیان
دەوەستێت نە بەهۆی کەم خۆراکیەوە دەمرن.
