هەواڵ
شەوی رابردوو ئێران و توركیا پێكەوە هێرشیان كردە سەر هەرێمی كوردستان
2022-10-02
شەوی رابردوو لەلایەك سوپای توركیا بۆردومان و تۆپبارانی ناوچەی برادۆست و ئامێدییان كردووە و هێرشی زەمینییان ئەنجامداوە دژ بە پەكەكە، لەلایەكیش ئێران لەڕێگەی تۆپخانەكانیەوە بارەگاكانی هەردوو كۆمەڵەی شۆڕشگێری زەحمەتكێشانی ئێران و كۆمەڵەی شۆڕشگێڕی كوردستانی ئێرانیان بۆردوومان كردووە.
درەنگانی شەوی رابردوو لە گوندی سگێرێ لە قەزای ئامێدی شەڕ و رووبەڕووبونەوەی زەمینی لە نێوان سوپای توركیا و پەكەكە روویدا، دواتر توركیا لە رێگەی فڕۆكەی جەنگی ناوچەكەی بۆردومان كرد، ئەوەش هاوكات بووە لەگەڵ بۆردوومانی ئێران بۆسەر ناوچەی برادۆست سەر بە پارێزگای هەولێر.
تا درەنگانی شەوی رابردوو سوپای پاسدارانی ئێران، ناوچەكانی كەپرە و شیلان و بەردەسۆر و ئەستیرۆكان و كونەگورگ لە سنووری باڵەكایەتی و ناوچەكانی بەربزین و بن گوندی پەڕێز و گوندی كەتینە و گوندی دەرھۆڵ لە ناوچەی برادۆستی لە سنوری پارێزگای ھەولێر تۆپباران كردووە.
بەشێوەیەك لە ماوەی تەنھا پێنچ خولەكدا ئێران زیاتر لە 60 تۆپی ئاڕاستەی ئەو ناوچانە كردووە، لەگەڵ تۆپبارانەكەی ئێرانیش، سوپای توركیا لە رێگەی تۆپخانەكانییەوە ناوچەی ڕۆبی و ڕواڵ و گەلی ڕەش و تارستا و كەم كۆڕا-ی لە برادۆست تۆپباران كرد.
تائێستا لەبارەی زیانەكانی ئەو دوو هێرشە لەلایەن ئێران و توركیاوە نە كۆمەڵەكان و نە پەكەكە هیچ راگەیەندراوێكیان بڵاونەكردووەتەوە، بۆردوومانەكانیش هاوكاتن لەگەڵ خۆپیشاندانەكانی رۆژهەڵاتی كوردستان و ئێران كە ماوەی 15 رۆژە بەهۆی گیانلەدەستدانی كچە كوردی خەڵكی سەقز بەناوی ژینا ئەمینی درێژەی هەیە و تائێستاش بەردەوامە.
زیاتر لە هەفتەیەكە كۆماری ئیسلامی ئێران بەچڕی بۆردوومانی چەند ناوچەیەكی هەرێمی كوردستان دەكات و رۆژی پێنج شەممەی رابردووش كۆماری ئیسلامی ئێران چەند بارەگایەكی كۆمەڵەكان و حزبی دیموكراتی كوردستانی ئێرانیان لەكۆیە و زرگوێز و پردێ لەهەرێمی كوردستان بۆردوومان كرد بەهۆیەوە 10 كەس گیانیان لەدەستدا و نزیكەی 40 كەسیش برینداربوون.
بابەتی لێکچو
-
سەنتەری میترۆ: رێکخەرەکەمان کەوتووەتە بەر هێرشی سوپایەکی ئەلیکترۆنی
هەواڵ2025-10-02
-
ئیلۆن مەسک یەکەم کەسە لە مێژوودا سامانەکەی گەیشتە 500 ملیار دۆلار
هەواڵ2025-10-02
-
ئەمریکا فشارەکانی چڕکردووەتەوە.. یەکێتی دەیەوێت ئەم سێ پۆستە یەکلایی بکاتەوە
هەواڵ2025-09-30
-
چاوەڕوان دەکرێت ئەمڕۆ بەغدا مووچەی مانگی حەوت خەرجبکات
هەواڵ2025-09-30
More News
 copy.jpg)
Most Popular
تەندروستی
بەکارهێنانی مەیکەپی دژە ئاو مەترسیدارە؟
2025-10-04
توێژینەوەیەک کە لە گۆڤاری زانستی ژینگە و تەکنۆلۆژیادا بڵاو کراوەتەوە ئاماژەی بەوە داوە، بەشێک لە بابەتی جوانکارییەکان کە ئەمڕۆ بەکار دێت، ڕێژەیەکی زۆر لە ماددە کیمیایییە ژەهراوییەکان لە پێکهاتەیاندا هەیە وەک پۆڵی فلۆرۆ ئەڵکیل (PFAS ) . کە بەداخەوە لە پێکهاتەی ماددە جوانکارییەکاندا ئەم ماددە نانووسرێت بۆ ئەوەی خەڵک هۆشیار بێت.
ئیدارەی خۆراک و دەرمانی ئەمریکی (FDA) باس لەوە دەکات، بەشێک لە بابەتە جوانکارییەکانی وەکوو بۆیەی نینۆک و کرێمەکان و سوراو و قەڵەم چاو و ماسکەرا، دەکرێت ئەم ماددانەی تێ بکرێت بۆ ئەوەی زۆرتر بە درەوشاوەیی دەربکەوێت. بۆیە زۆر گرنگە ئەو بابەتە جوانکارییانە بەکار دێت کە دڵنیان لەوەی ئۆریجیناڵە و کوالێتی بەرزە.
