هەواڵ

كۆمپانیای جێبەجێكاری كامێرا نوێیەكانی تیژڕەوی سكاڵای دیكە تۆماردەكات، ئەمرۆ كامێرایەك سوتێندرا

Mic
2022-10-06

كامێرا نوێیەكانی تیژڕەوی لەسلێمانی دووجار تەقەی لێكراوە و جارێكیش سوتێندراوە، بەڵام حكومەت و كۆمپانیای جێبەجێكار هێشتا سورن لەسەر ئەوەی دایبنێن، لەكاتێكدا داواكاری گشتی و ئەنجومەنی پارێزگای سلێمانیش ڕەتیانكردووەتەوە.
لەسەر رێگەی ناحیەی پیرەمەگروون كامێراكانی تۆماركردنی تیژڕەوی ئاگریان تێبەردرا، ئەمە دووەمجارە لەم مانگەدا كە هەوڵی تێكدانی كامێراكانی تۆماركردنی تیژڕەوی لەسەر رێگەی سلێمانی – دووكان دەدرێت و پێشتریش لەمانگی هەشتی ئەمساڵ تەقەی لێكرا.
لاوەند فەرەیدوون، پارێزەری كۆمپانیای ئێرلی فیوچەر، كە خاوەنی كامێراكانە بە مایكی راگەیاند: كامێراكانی تۆماركردنی تیژڕەوی لە پیرەمەگروون ئاگریان تێبەردراوە و جگە لە سووتاندن تەقە لە كامێرای دیكەش كراوە.
پارێزەری كۆمپانیاكە سەبارەت بە تەقەكردنی چەند رۆژی رابردوو وتیشی: رۆژی دووشەممە سێی ئەم مانگە كاتژمێر یەكی پاشنیوەڕۆ ئاگاداركراینەوە لەوەی چەند فیشەكێك نراوە بە كامێراكانی تیژڕەوییەوە لەسەر رێگای سلێمانی – دووكان، ئەوەش زیانی بە كامێراكان گەیاندووە، بۆیە جارێكی دیكە سكاڵا تۆمار دەكەین.
پێشتریش لە رۆژی 22ی ئابی 2022 دا لە سەر هەمان رێگە، تەقە لە كامێرا جێگیرەكانی تیژڕەوی كرا و كۆمپانیاكەش لەسەر دۆسیەكە سكاڵای تۆماركردووە.
لاوەند فەرەیدوون دەشڵێت: تا وەزارەتی ناوخۆ پرۆژەكە وەرنەگرێت و بەتەواوی رادەستیان نەكرێت، كامێرا جێگیرەكان ناخرێنەكار.
دانانی كامێرا جێگیرەكانی تیژڕەوی لە سنووری سلێمانی، ناڕەزایەتی ئەنجوومەنی پارێزگای شارەكەی لێكەوتەوە و لە رۆژی 23ی ئابدا، بە زۆرینەی دەنگ پرۆژەكەیان رەتكردەوە و داوایان كرد، وەزارەتی ناوخۆ گرێبەستی دانانی كامێرەكان لەگەڵ كۆمپانیای جێبەجێكار هەڵبوەشێنێتەوە.
بەگوێرەی گرێبەستی نێوان كۆمپانیای جێبەجێكار و وەزارەتی ناوخۆ، لە سنووری پارێزگای سلێمانی و هەڵەبجە و ئیدارەكانی گەرمیان و راپەڕین، 225 كامێرای جێگیری تیژڕەوی دادەنرێت، كە بەشێكیان بەشێوەی سیستمی (پۆینت بۆ پۆینت) كاردەكەن.
پێشتر عەمید سەعدوڵا عەزیز، بەرێوەبەری كارگێری هاتووچۆی سلێمانی كە سەرپەرشتی جێبەجێكردنی گرێبەستی كامێرا نوێیەكانی هاتووچۆ دەكات بەمایكی وت: كاركردن تێیدا وەكو كۆمپانیا دەستیان پێكردووە، بەڵام وەكو هاتووچۆی سلێمانی تائێستا هیچ پێگەیەكیان لێ وەرنەگیراوەو هیچ كارمەندێكی هاتوچۆش بەپێی گرێبەستەكە لەگەڵیان دەستبەكار نەبووە.
وتیشی: تائێستا سیستەمی كامێرای پۆینت توو پۆینت بە سێرڤەری هاتووچۆی سلێمانییەوە نەبەستراوەتەوە و هیچ كارمەندێكی هاتووچۆش نەخراوەتەكار و هیچ كامێرایەكی نوێش كارناكات.
كۆمپانیای جێبەجێكاری سیستەمە نوێیەكەی كامێرای تیژڕەوی، وەك خۆشیان دانی پێدا دەنێن  403 ئۆتۆمبێلی مۆدێل نوێی 2022 ی داوە بەحكومەتی هەرێمی كوردستان كە بەشێكیان نێردراون بۆ هەولێر تا رێگەخۆشكەر بێت لەوێش سیستەمەكە جێبەجێ بكرێت.
 هەرچەندە فشارەكان بۆ راگرتنی سیستەمە نوێیەكە زۆربوون، بەڵام تائێستا كۆمپانیای جێبەجێكاری سیستەمی كامێرای پۆینت توو پۆینت لەكارەكانی بەردەوامە و ئەوەش ترسی لای هاوڵاتیان دروستكردووە كە بەجێبەجێكردنی بارگرانییەكی دیكەیان لەڕووی داراییەوە بۆ دروستبكات.

بابەتی لێکچو

More News

Most Popular

زانست

زیلاندیا...هەشتەمین کیشوەری کە لە ئاوەکاندا نوقم بوو

Mic
2023-09-28

تەنها شتێک کە لەم پارچە ژێرئاوکەوتووە لە سەرووی ڕووی زەریاکەدا دەردەکەوێت، نیوزلەندا و دوورگەکانی دەوروبەریەتی، بەڵام خودی زیلاندیا لە مێژە وەک نهێنی ماوەتەوە.

کاتێک ٨٣ ملیۆن ساڵ لەمەوبەر کیشوەری سەروو کۆنی گۆندوانا لەیەک جیا بووەوە، بەشێکی زۆری لە ژێر شەپۆلەکاندا نوقم بوو کاتێک دوور دەکەوتەوە، بەپێی هەندێک لە زانایانی جیۆلۆجی، ئەم پارچە ژێرئاوکەوتووە کە پێی دەوترێت زیلاندیا - دەتوانرێت بە کیشوەری هەشتەمی زەوی هەژمار بکرێت.

ئێستا تەنها ئەوەی لە سەرووی ڕووی زەریاکەدا دەرکەوتووە، نیوزلەندا و دوورگەکانی دەوروبەریەتی، بەڵام خودی زیلاندیا لە مێژە وەک نهێنی ماوەتەوە نزیکەی 94%ی کیشوەری 4.9 ملیۆن کیلۆمەتری چوارگۆشە لە ژێر ئاودایە، ئەمەش وردەکارییەکانی بەشی باکووری بارستەی زەوی.
لەم دواییانەدا بە بەکارهێنانی داتای جیۆکیمیایی و ئایزۆتۆپی لە نمونەی بەردی تازە هەڵکەندراو و هەروەها خوێندنەوەی بومەلەرزەزانی، جیۆلۆجیستێکی جیۆلۆجی نیوزلەندا ئەندی تولۆک و هاوکارەکانی نەخشەیەکی پێداچوونەوەیان بۆ ئەو ناوچەیە دروستکرد بۆ لێکۆڵینەوە لە چۆنیەتی دەرکەوتنی کیشوەرەکە.

وەک لە ڕاپۆرتێکدا کە لە ماڵپەڕی ئاگاداری زانستدا بڵاوکراوەتەوە، ئاماژەی بەوە کردووە، نمونەی بەردەکان کە هەندێکیان تەمەنیان وەک دایناسۆرەکانە، لە شوێنەکانی کونکردنی گەڕان و ژمارەیەک لوتکەی بەرکەوتوو لە باشووری زیلاند، وەک دوورگەکانی چاتام و ئەنتیپۆدس وەرگیراون.

شیکاری پێکهاتەی کیمیایی، لەگەڵ بەڵگە جیۆلۆجیەکانی تر، لێکچوونەکانی لە نەخشەکانی لەگەڵ جیۆلۆجیای ڕۆژئاوای ئەنتارکتیکا ئاشکرا کرد، ئەمەش پێشنیاری ژێرئاوکەوتنی پەراوێزی زیلاندیا دەکات تا ٢٥٠ ملیۆن ساڵ لەمەوبەر، بەسەر ئەو شوێنەی کە ئێستا فەلاتی کامپبێل لە کەنارەکانی ڕۆژئاوای نیوزلەندا . ژێرئاوکەوتن کاتێک ڕوودەدات کە دوو لێواری توێکڵی زەوی پاڵ بە یەکەوە بنێن، لێوارێک پاڵدەنێتە خوارەوە بۆ ناو پۆششی زەوی.
تولۆچ و تیمەکەی لە توێژینەوەکەیاندا کە لە گۆڤاری Tectonics لە 12ی ئەیلولدا بڵاوکرایەوە، ڕوونیکردەوە "هەردوو وڵاتی زیلاندیا و ئەنتارکتیکا لە ناوخۆدا شێواوییەکی زۆریان هەیە" چەند ساڵێک بەر لە ئێستا.

پاشان لە قۆناغی کۆتایی کریتاسی نزیکەی ٧٩ ملیۆن ساڵ لەمەوبەر، زیلاندیا و ڕۆژئاوای ئەنتارکتیکا دڕا و زەریای هێمنیان پێکهێنا ئەوەی بۆ ماوەیەکی زۆر جیۆلۆجی سەرسام کردووە ئەوەیە کە چۆن توێکڵی زیلاندیا توانیویەتی ئەوەندە تەنک بێت پێش ئەوەی بشکێت تەنکییەکی هاوشێوە لە ئەنتارکتیکای ڕۆژئاواشدا دەردەکەوێت.

تولۆک و هاوکارەکانی بەڵگەیان دۆزیەوە کە ئاراستەی فراوانبوونەکە لە نێوان ٨٠ بۆ ١٠٠ ملیۆن ساڵ لەمەوبەر بە ڕێژەی ٦٥ پلە جیاواز بووە، ئەوان پێیان وایە ڕەنگە ئەمە ڕێگەی بە تەنکبوونەوەی بەربڵاوی توێکڵی کیشوەری داوە، ئەم ئەنجامانە پێکەوە بناغەیەکی تۆکمە بۆ شیکارییەکی وردتر بۆ ئەم فراوانییە سەیرەی زەوی دروست دەکەن.

TVPodcastهەواڵبنکۆڵکاری دەربارەی ئێمە 18-

ریکلاممان لەگەڵ بکە

+964 (0)770 153 6483

[email protected]

Designed and developed by AVESTA GROUP

Mic News. ©2021 All rights reserved