هەواڵ

زانیاری نوێ لەبارەی ئەو یەختەی لەیۆنان ژێرئاوكەوت، خەڵكی دوو وڵاتن

Mic
2022-10-06

نوێنەری دەزگای لوتكە بۆ كاروباری ئاوارە و پەنابەران لەیۆنان ئاشكرایكرد ئەو یەختەی لەنزیك دوورگەی كیسیرا لەیۆنان ژێرئاوكەوتووە، 95 كەسی تێدابووە و تائێستا 80 كۆچبەر ڕزگاركراون.
حسێن حەمەساڵح، نوێنەری دەزگای لوتكە لە یۆنان بەمایكی وت: كاتژمێر 2:47  شەوی ڕابروو یەختێك لە نزیك دورگەی (كیسیرا ) بە 95  كۆچبەرەوە ژێر ئاو كەوت، وتیشی تا ئێستا 80  كۆچبەر  ڕزگار كراوەن  و چەندین تەرمیش دۆزراونەتەوە ، كە بە هۆی ئاستەنگیەكانی شوێنەكە و گیر خواردنی گۆچبەرەكان بە زەحمەت توانراوە ڕزگار بكرێن.
نوێنەری دەڤای لوتكە لەیۆنان ئەوەشی خستەڕوو: بە پێی زانیاریە سەرەتایەكان و بە پێی وتەی ڕزگار بووەكان كۆچبەرەكان عێراقی و ئەفغانیی بوون ،  كە بە هۆی خراپی تەندروستیانەوە 11 كۆچبەر ڕەوانەی نەخۆشخانە كراون و لە ژێر چاودێری چڕدان.
وەك ئەو نوێنەرەی دەزگای لوتكە لەیۆنان دەڵێت: بە پێی زانیاریەكانی دەزگای لوتكە بەهۆی هەڵكردنی بایەكی بەهێزەوە  یەختەكە خۆی بە بەردێكی گەوری ناو دەریاكەدا كێشاوە  و بەوهۆیەوە یەختەكە تێكشكاوەو ژێر ئاو كەوتووە و تا ئێستاش پۆلیسی كەناراوەكانی یونان لە گەڕان  بەردەوامن.
لەلایەكی دیكەوە فیدراسیۆنی سەرتاسەری پەنابەرانی عێراق  ڕایگەیاند:درەنگانی شەوی ڕابردوو ڕێکەوتی 5/10/2022 لە دەریایی ئیجە لەسنوری دەریایی یۆنان لەنزیک دوورگەی ( کیسیرا ) بەلەمێکی پەنابەران بە  95  پەنابەرەوە ژێر ئاوکەوت کە پێی لێدوانی پەنابەرە ڕزگارکراوەکان ژمارەیان نەوەت و پێنچ کەس بوە، کەبەهۆی سەختی و خراپی کەش و هەواو شەپۆلەسەختەکانی دەریاوەوە بوە کە بەلەمی پەنابەرەکان بەر بەردێکی شاخاوی ناوچەکە کەوتووە.
پۆلیسی ئێشکگری دەریایی یۆنان ڕایگەیاند توانیویانە  80 پەنابەر ڕزگاربکەن کە بریتین لە 55 پیاو ، حەوت ژن ، 18 منداڵ، پەنابەرەکانیش پێک هاتوون لە پەنابەرانی ( عێراق ، ئێران ، ئەفغانستان) و چارەنوسی پانزە پەنابەر نادیارە.


More News

Most Popular

-18

ئایا لە منداڵدا مەڵاشوو دەکەوێت؟

Mic
2024-02-21

ئاکۆ کەریم جەلال پسپۆری نەخۆشییەکانی منداڵان و گەشەی منداڵ لەو بارەیەوە ئاماژەی بەوەکردووە، لە سەردەمی کۆندا مەڵاشوو کەوتن نەخۆشییەکی باو بووە، لە ئێستاشدا لای هەندێک کەس هەیە، بە منداڵێکیان دەوت مەڵاشووی کەوتووە کاتێک منداڵەکە ماوەیەک خواردنی کەمبووایە و پرخەی لووتی هەبووایە و بێتاقەت و بێهیز بووایە و خەوی کەم بووایە، بۆ چارەسەر منداڵەکەیان دەبرد بۆ لایی ئافرەتێکی شارەزا پەنجەیەکی دەکرد بە قورگیا بۆ ئەوەی مەڵاشووی بەرزبکرێتەوە و ببرێتەوە شوێنی خۆی.
ئەو پسپۆڕە ئاشکرایکردووە، لە رووی زانستییەوە مەڵاشوو کەوتن وەک نەخۆشی هەیە و هەبووە و هەر دەشبێت، بەڵام دەستەواژەی مەڵاشوو کەوتن هەڵەیە چونکە مەڵاشوو ناکەوێت، هۆکاری ئەم نەخۆشییە لە رووی زانستییەوە ئەوەیە کاتێک منداڵ تووشی هەوکردنی ڤایرۆسات دەبێت هەندێک جار لەوزەتێنی سێهەم کە پێی دەوترێت "ئەدینۆید" یان پێیدەڵێن "گۆشتە زیادە"، دەکەوێتە بەشی سەرەوەی قورگ لە پشت رێرەوی لووت کە لە هەموو مرۆڤێکدا هەیە گەورە دەبێت بەمەش منداڵەکە هەناسەدانی بە لووت ئەستەم دەبێت و خواردنی کەم دەبێتەوە و بێهێز و بێتاقەتی دەکات.
ئاکۆی پزیشک روونیکردووەتەوە، ئەگەر منداڵەکە چەند رۆژێک خواردنی کەمبێتەوە ئەوا تووشی وشکبوونەوە دەبێت دەرئەنجام لە منداڵی کەمتر لە یەک ساڵ مەڵاشووی دەقووپێت بۆ ناوەوە لە ئەنجامی کەمبوونەوەی ئاوی لەشی، (ئاشکرایە منداڵ لە ٪٧٠ بۆ ٪٦٥ لەشی لە ئاو پێکهاتووە).
سەبارەت بە ڕێگەی کۆنی جاران کە ئافرەتێک بە پەنجە مەڵاشووی منداڵەکەی دەهێنایەوە ئەو پسپۆڕە دەڵێت "جاران لە نەبوونی پزیشک و هۆشداریی تەندروستیی وا لێکدراوەتەوە کە مەڵاشووی منداڵەکە کەوتووەتە پشتی لووتیەوە بۆیە لووتی گیراوە، بۆ چارەسەر کەسێک بە پەنجە پەستانی خستووەتە سەر بەشی سەرەوەی قورگی منداڵەکە و هەوڵیداوە مەڵاشووی بگەرێنێتەوە شوێنی خۆی، بەڵام بەهۆی ئەو پەستانە زۆرە بۆتە هۆی ئەوەی ئەو لەوزەتێنە بتەقێت بەمەش قەبارەکەی بچووکبووەتەوە و رێرەوی لووتی منداڵەکە کراوەتەوە بەمەش منداڵەکە بۆ ماوەیەکی کاتی باش بووە، بەڵام ئەم رێگە کۆنە هەڵەیە چونکە ئازارێکی زۆر بۆ منداڵەکە دروست دەبێت و ئەگەری هەوکردن و خوێن بەربوون زیاد دەبێت، لەگەڵ ئەوەشدا ترس و شڵەژانی دەروونی بۆ منداڵەکە دروست دەبێت".
لەو کۆتاییدا ئەو پسپۆرە ئەوەی خستووەتە روو، لە ئێستادا ئەم نەخۆشییە بە قەترەی لوت و شروب چارەسەر دەکرێت، هەندێک جاریش بە نەشتەرگەریی، هیچ پێویست ناکات ئەو چارەسەرەی جاران بکرێت.