هەواڵ

هێزێكی ئەمریكی لەیۆنان 500 كۆچبەر لەمردن ڕزگاردەكات

هێزێكی ئەمریكی لە دوورگەیەكی یۆنان 500 كۆچبەر لەمردن ڕزگار دەكەن، دەزگای لوتكە بۆ كاروباری ئاوارە و پەنابەرانیش دەڵێت هێشتا ناسنامەیان دیار نییە.

حسێن حەمە صاڵح نوێنەری دەزگای لوتكە بۆ كاروباری ئاوارە و پەنابەران لەیۆنان ڕایگەیاند : لە درەنگانێكی شەوی ڕابردوودا بەلەمێكی ماسیگرتن كە 500 كۆچبەری هەڵگرتبوو لە دورگەی كریتی كەوتۆتە مەترسیەوە.
وتیشی: بە پێی  زانیاریەكانی دەزگای لوتكە ئۆپەراسیۆنێكی گەورەی ڕزگاركردن لە كەناراوەكانی كریتی بەڕێوەچووە ، كە لەلایەن پۆلیسی كەناراوەكانی یونانەوە بەهۆی بە هێزی شەپۆلی دەریاوە  كە خێرای  هەوا نەتوانراوە ڕزگار بكرێن  ، داوای هاوكاری لە هێزێكی  ئەمریكی سەربازی كراوە  كەلە دورگەی كریتی  جێگیرە، بۆ ڕزگار كردنی كۆچبەرەكان  كە سەرجەمیان  ڕزگار كراون و گواستراونەتەوە بۆ شارۆچكەی ( خانیا ).
بەوتەی نوێنەری دەزگای لوتكە لەیۆنان تا ئێستا ناسنامەی كۆچبەرەكان ئاشكرا نەبووە.

تەندروستی

ئەو مۆزە سەرسوڕهێنەرەی بۆ ڕزگارکردنی ژیان دروستکراوە "Super banana "

لە زۆربەی وڵاتانی جیهان بە تایبەتی ئەفریقا کەسانێک هەن بەدەست برسێتی زۆرەوە دەناڵێنن بۆ چارەسەرکردنی ئەم کێشەیە زانایان بەدوای زۆر چارەسەردا گەڕاون هەرچەنە حکومەتی ئەو وڵاتە لە ڕێگەی دابەشکردنی حەب و کەپسول و تەواوکەری خۆراکیەوە هەوڵی چارەسەرکردنی ئەم کێشەیەی داوە،
 بەڵام نەیانتوانی جڵەوی بارودۆخەکە بکەن بەڵام کۆمپانیای "ویلبەرفۆرس "لە ئۆگاندا هەستان بە دروستکردنی جۆرە مۆزێکی تایبەت بە ناوی “SUPER BANANA” کە لە ڕووی جیناتەوە گۆڕانکاری تێداکراوە بە جۆرێک ژمارەیەکی زۆر ڤیتامینی تێدایە بە بەراورد بە مۆزی ئاسایی، بە تایبەت ڤیتامین A و ماددە خۆراکیە گرنگەکان بیرۆکەی دامەزراندنی ئەم کۆمپانیایە دروستکردنی SUPER BANANA  هی پیاوێک بوو بە ناوی Wilberforce ، کە بەدەست برسێتیەوە دەیناڵاند دایک و باوکی توانیان چارەسەری بکەن بەڵام زۆرینەی هاوڕێکانیان گیانیان لەدەستدا ئەو نەیتوانی چیتر بەرگەی مردنی ئەو هەموو کەسە بگرێت و بۆیە بڕیاریدا بیر لە ڕێگە چارەیەک بکاتەوە و بەو جۆرە super banana ەی داهێنا،
 ئەم مۆزە لە کۆمەڵێک تاقیگەی کشتوکاڵی لە ئۆگاندا بەرهەمدەهێنرێت بەو پێێەی یەکێکە لەو وڵاتانەی ساڵانە ژمارەریەکی زۆری منداڵ بەهۆی کەمی ڤیتامین A گیان لەدەست دەدەن یاخود لەگەشە دوادەکەون وبە ئاسانی  نەخۆش دەکەون بەهۆی ئەم مۆزەوە توانرا ژیانی چەندین کەسی برسی و هەژار ڕزگار بکرێت و لە ئیستدا چەندین منداڵ نە گەشەیان دەوەستێت نە بەهۆی کەم خۆراکیەوە دەمرن.