هەواڵ
خوێندكاران بەردەوامن لەناڕەزایی دەربڕین
2022-11-27
دوای هەوڵەكان بۆ ڕێگیریكردن لەخۆپیشاندان و ناڕەزایەتیەكان، خوێندكارانی زانكۆی گەرمیان ڕێگای سەرەكی هاتووچۆی كەلار ـ سلێمانیان داخست، خوێندكارانی زانكۆ لەهەڵەبجەش بەهەمانشێوە خۆپیشاندانیان ئەنجامدا.
پێش نیوەڕۆی ئەمڕۆ، بۆ زیاتر فشار خستنەسەر دەسەڵات و لایەنە پەیوەندیدارەكان، لە شارۆچكەی كەلاری ناوەندی ئیدارەی گەرمیان،خۆپیشاندانی خوێندكارانی زانكۆ و پەیمانگاكان دەستی پێكردەوە .
بەوتەی خوێندكاران هەر لەبەیانیەوە هێزێكی زۆری ئەمنی لەدەوروبەری زانكۆی گەرمیان كۆكرابوویەوە، بەڵام خوێندكاران لەبەردەم زانكۆ كۆبونەوەو درێژەیان بەخۆپیشاندان دا، پاشان وەك خۆیان دەڵێن خوێندكاران كۆدەنگ بوون بۆ زیادبوونی فشارەكان، خۆپیشاندانیان لە بەردەم زانكۆوە گواستەوە بۆ سەر ڕێگای كەلار ـ سلێمانی و رێگاكەیان داخست.
داواكارییەكانی خوێندكارانیش بریتین لە بەیاساییكردنی پڕۆژەیاسایی دەرماڵە و دابینكردنی، داشكاندنی زیاتری كرێی خوێندنی پارالێڵ و ئێواران و دانپێدانانی ئەو زانكۆیانەی تا ئێستا لە لایەن حكومەتی عێراقەوە دانی پێدا نەنراوە
هەروەها داواكاری خوێندكاران بریتیە لە دانانی ناونیشانی وەزیفی بۆ ئەو بەشانەی كێشەیان هەیە لە زانكۆ و پەیمانگاكانی هەرێم، گەڕاندنەوەی شكۆی زانكۆ و ڕاگرتنی سوكایەتی بە خوێندكارانی زانكۆ و حەرەمی زانكۆكانی هەرێم .
ئازادكردنی هیوا خالد خوێندكاری زانكۆ، كە لە ڕۆژانی ڕابردوودا لە خۆپیشاندانەكان دەستگیركراوە و تا ئێستا ئازادنەكراوە یەكێكی دیكە بوو لەداواكارییەكانی خوێندكارانی گەرمیان.
بەهەمانشێوەی خوێندكارانی گەرمیان، لەهەڵەبجەش خوێندكارانی زانكۆ گردبوونەوە و داوایان كرد دەرماڵەیان پێبدرێت و كرێی خوێندنی پارالێل داببەزێنرێت.
خوێندكارانی زانكۆ و پەیمانگەكان لەهەرێم چەند هەفتەیەكە بەردەوامن لەخۆپیشاندان، حكومەتی هەرێم هێشتا داواكاریەكانیانی جێبەجێ نەكردووە لەكاتێكدا لەساڵی 2014 ەوە دەرماڵەی بەپاساوی قەیرانی دارایی بڕیوە، كە بۆ خوێندكارانی ناوشار 40 هەزار و دەرەوەی شاریش 60 هەزار دینارە، هەرچەندە ساڵی رابردوو لەژێر فشاری خۆپیشاندانی خوێندكاران بڕیاریدا بۆ ماوەی ساڵێك خەرجی بكات بەڵام بڕیارەكە تەنها شەش مانگ بڕیكرد.
بابەتی لێکچو
-
دروزەکان نزیکن لەوەی کۆمەڵکوژ بکرێن
هەواڵ2025-07-15
-
سکاڵای نوێ لە دادگای فیدراڵی لەبارەی دۆسیەی نەوتی هەرێمەوە تۆمارکرا
هەواڵ2025-07-15
-
کۆمپانیا بیانییەکان دەکشێنەوە؟..هێرشە درۆنییەکان ژێرخانی ئابوری هەرێم دەکەنە ئامانج
هەواڵ2025-07-15
-
دوو کۆبونەوەی باڵا نەیتوانی مووچە دابەشبکات و ئەنجامی دوو کۆبونەوەی دیکە ماوە
هەواڵ2025-07-14
More News
 copy.jpg)
Most Popular
-
Mic Exclusive: یەکێتی پێشنیازێک بۆ رادەستکردنی نەوت دەداتە پارتی
هەواڵ2025-07-14
1
-
ئەتاتورک لە ئەشکەوتی جاسەنە بەڵێنی سەربەخۆی بە کورد دا و جێبەجێی نەکرد
هەواڵ2025-07-12
2
-
قاسملۆ ئەو سەرکردە کوردەی لەسەر مێزی دانوستان و ئاشتی تیرۆر کرا
هەواڵ2025-07-13
3
-
بارزانی و تاڵەبانی بۆ تێپەڕاندنی ئاڵنگارییەکان کۆدەبنەوە
هەواڵ2025-07-13
4
-
دادگای فیدراڵی لەسەر مووچە کۆدەبێتەوە و مەسرور بارزانیش پەیامێک بۆ سەرۆکی دادگاکە دەنێرێت
هەواڵ2025-07-13
5
-
جێگری سەرۆکی پەرلەمانی عێراق داوادەکات کورد هەڵوێست رابگەیەنێت دژی بەغدا
هەواڵ2025-07-12
6
-
ئەردۆغان: لە پەرلەمانەوە کار بۆ سەرخستنی پڕۆسەی ئاشتی دەکەین
هەواڵ2025-07-12
7
-
سکاڵای نوێ لە دادگای فیدراڵی لەبارەی دۆسیەی نەوتی هەرێمەوە تۆمارکرا
هەواڵ2025-07-15
8
هەواڵ
دروزەکان نزیکن لەوەی کۆمەڵکوژ بکرێن
2025-07-15
دوو رۆژە هێرشی
سوپای سوریا بۆسەر دروزەکان دەستیپێکردووە، ئەمڕۆ ڤیدیۆی بە کۆمەڵکوشتنیان و
دەستبردنی بۆ پیرۆزییەکانیان"سمێڵ تاشین" تۆڕەکۆمەڵایەتییەکانی تەنی، بۆ
پاراستنی خۆیان و شوناسیان بە هەموو توانایانەوە رووبەڕووی سوپای سوریا بوونەتەوە.
دروزەکان
کۆمەڵگەیەکی رەسەن و خاوەن بیروباوەڕێکی تایبەت بە خۆیانن و مەڵبەندی
نیشتەجێبونیان پارێزگای سوەیدای سوریا و دەوروبەریەتی، دابونەریت و کلتورەکەیان،
هەروەها شێوازی جلوبەرگ و سمێڵ و ریشیان، لە خەڵکی سوریایان جیادەکاتەوە.
لەساڵانی
رابردوودا لەگەڵ ئەوەی پێکهاەیەکی رەسەنی سوریان، کەچی کەمتر لە ئاستی ناوچەکە و
نێودەوڵەتی ناسراوبوون، بەڵام لەگەڵ کەوتنی دەسەڵاتی بەشار ئەسەددا، پرسی دروزەکان
بوو بە باسی میدیاکان، بەتایبەت کاتێک دەسەڵاتی ئەحمەد شەرعیان رەتکردەوە و
رووبەڕوی چەکدارەکانی بوونەوە.
دروزەکان
تائێستا توانیویانە پارێزگاری لە دەسەڵاتی خۆبەڕێوەبەری خۆیان بکەن لە سوریان دوای
ئەسەد، ئەوان پێێان وایە ئەحمەد شەرع هیچ گۆڕانێک لە بیروبۆچونیدا رووینەداوە
بەرامبەریان، بۆیە بە هەموو توانایانەوە پارێزگاری پێگە و دەسەڵاتی خۆیان دەکەن.
ئیسرائئیل
لەدوای کەوتنی بەشار ئەسەد و هێرشەی گروپەکانی سەر بە ئەحمەد شەرع بۆسەر دروزەکان،
پشتیواننی خۆی بۆ دروزەکان راگەیاند، ئەمڕۆیش، ئەمیچای چیکلی، وەزیری ڕاگەیاندن و
کاروباری رەوەندی جوی ئیسرائیل رایگەیاند، نابێت لە بەرانبەر تیرۆری ئیسلامی-نازیی ڕژێمی قاعیدەدا بێدەنگ بین یان
بێ هەڵوێست بین و داوای لەناوبردنی ئەحمەد شەرعی کرد.
ئەم سوکایەتى و
بێڕێزیانەى چەکدارانى شەرع دەیکەن، بەتاڵکردنەوەى هەموو ئەو بەڵێن و دروشمانەیە کە
ئەحمەد شەرع بۆ سوریاى نوێى هۆنیوەتەوە، پێشمان دەڵێت کردەوەی چەکدارەکانی لەسەر زەوی،
وێنەیەکی جیاواز نیشان دەدات و ئایندەیەکی نادیار بۆ پێکەوەژیانی ئایینی و نەتەوەیی
لە سووریای نوێدا دەخاتەڕوو
لە ئێستادا
دروزەکان شەڕی مان و نەمان دەکەن و بەتەواوی پڕچەکن و وەک هێزێک رووبەڕووی سوپاکەی
ئەحمەد شەرع وەستاونەتەوە، سوپاکەی شەرعیش دەیەوێت بە هەر نرخێک بێت ناوچەکانی
درۆزەکان کۆنترۆڵ بکات و بۆ گەیشتن بەو ئامانجە دەست ناپارێزێت.
