هەواڵ
قەرزی كشتوكاڵی لەهەرێم دەستپێپێكرد
2022-11-28
وەزارەتی كشتوكاڵی حكومەتی ماوەبەسەرچووی ھەرێم بڵاویكردەوە، زیاتر لە ٣٠٠ جوتیار و خاوەن پڕۆژە مامەڵەی وەرگرتنی قەرزی كشتوكاڵیان پێشكەشی وەزارەت كردووە.
وەزارەتی كشتوكاڵی حكومەتی ماوەبەسەرچووی هەرێم رایگەیاند: لەماوەی دوو مانگی رابردوو تاوەكو ئێستا لەسەرجەم فەرمانگە كشتوكاڵییەكانی پارێزگاكان و ئیدارە سەربەخۆكانی ھەرێمی كوردستان، ٣٠٠ جوتیار و خاوەن پڕۆژە مامەڵە و داواكاریان بۆ سوودمەند بوون لە قەرزی كشتوكاڵی پێشكەش كردووە، لەو مامەڵانەش ١٠٠یان نێردراوە بۆ بانكی قرتاس.
ھەروەھا جوتیارێكی دەشتی قەراج لە قەزای مەخمور یەكەمین جوتیارە، لەسەر رووبەری پەنجا دۆنم زەوی كشتوكاڵ دەكات و بەبڕی چل ملیۆن دینار لەو پڕۆژەیە سوودمەند بووە، بۆ دابینكردنی ئامێرەكانی راكێشانی كارەبا و ئامێرە كشتوكاڵییەكانی تر.
پێدانی قەرز بە دەرچووانی بەشە كشتوكاڵی و ڤێتەرنەرییەكان، دوابەدوای ئیمزاكردنی یاداشتی لێكتێگەشتنی نێوان وەزارەتی كشتوكاڵ و سەرچاوەكانی ئاو و بانكی القرتاسی ئیسلامی بووە، بەمەبەستی پاڵپشتی و رەخساندنی دەرفەتی قەرزی بانكی بە شێوەی قیستی درێژخایەن، بە بڕی ١٥ ملیۆن تاوەكو ١٠٠ ملیۆن دینار لە قۆناغی یەكەم بۆ پڕۆژەی بچووك و مام ناوەند.
بابەتی لێکچو
More News
.jpg)
.jpg)
 copy.jpg)
Most Popular
هەواڵ
لە قەڵادزێ بەڕێکەوت و لە فەرەنسا خنکا
2024-04-25
لە
قەڵادزێ بەڕێکەوت و لە فەرەنسا خنکا
سلێمانی
- MIC
ژیلان
محەمەد ئەمین، کچە کوردێکی تەمەن 24 ساڵە و یەکێکە لە قوربانییەکانی رووداوەکەی
دوێنێ سێشەممەی نێوان فەرەنسا و بەریتانیا.
ژیلان
لەگەڵ چەند کەسێکی دیکەدا و یەکێک بووە لەو 100 سەرنشینەی کە لەناو بەلەمێکی
پەڕینەوەدابوون لە فەرەنساوە بۆ بەریانیا.
بەڵام
پێش گەیشتنیان چەند کەسێک دەکەونە ناو ئاوەکەوەو دەخنکێن کە یەکێکیان ژینایە.
زانیاری
ئەوە هەیە، رووداوەکە بەهۆی زۆری ژمارەی سەرنشینانی سەر بەلەمەکەوە بوبێت،
بەتایبەت کاتێک کە بەلەمەکە کەوتوەتە ڕێ، ژمارەیەک کۆچبەری ئەفریقیش لەڕێگەی
بەکارهێنانی فشارەوە چونەتە ناو بەلەمەکەوە و هەندێکیش دەڵێن شەڕ و ئاڵۆزی
روویداوە.
هێشتا
بەتەواوی هۆکاری خنکانی ژیلان و ئەوانی دیکە نییە، روونیش نییە کە ئاخۆ جگە لە
ژیلان لەناو خنکاوەکاندا کوردی دیکە هەیە یان نا، بەڵام ئەوەی دەزانرێت کە بەشێکی
زۆری کۆچبەرەکانی سەر بەلەمەکە عێراقی بوون و لەناو عێراقیەکانیشدا ژمارەیەک کورد
هەبوون.
تائێستا
نازانرێت کە ئاخۆ ژیلان محەمەد بەتەنها کۆچیکردوە یان خزم و کەسوکاری لەگەڵدا
بووە.
ساڵانە
لەکاتی پەڕێنەوەی کۆچبەران لەنێوان فەرەنسا بۆ بەریتانیا دەیان کۆچبەر دەخنکێن،
ئەوەش لەپێناو گەیشتنیان بۆ ئەو وڵاتە و مافی بەدەستهێنانی مانەوەیان.
هەرچەندە
لەچەند رۆژی رابردوودا پەرلەمانی بەریتانیا یاسای ناردنی کۆچبەرانی نایاسایی
وڵاتەکەی بۆ رواندا پەسەند کرد ئەوەش وەک هەولیک بۆ رێگریکردن لە چوونی کۆچبەران
بۆ ئەو وڵاتە، بەڵام لەگەڵ ئەوەشدا هێشتا کۆچبەران بە یەکێک لە وڵاتە دڵخوازەکەی
خۆیان دەزانن بۆ مانەوەیان و وەرگرتنی مافی پەنابەری.
