هەواڵ

غاز ماڵێكی دیكەی وێرانكرد

Mic
2023-01-19

لەکاتی کارکردن، غازی ماڵێک لەشارەدێی تەکییە ئاگری گرت و تەقییەوە، بەهۆیەوە ژنێک بریندارە و زیانی زۆری مادی بەر ماڵەکە گەیشتوە.
بەیانی ئەمڕۆ، لەشارەدێی تەکیەی سەر بەشارۆچکەی چەمچەماڵ لەهەرێمی كوردستان بەهۆی تەقینەوەی غازەوە ماڵێک ڕووخاو و زیانی گیانی و مادەی لێکەوتەوە.
شەریف ڕەحیم، جێگری بەڕێوەبەری تەندروستی چەمچەماڵ، ڕایگەیاند : لەماڵێکی شارەدێی تەکییە، ژنیک ویستویەتی غازی ماڵەکە دابگیرسێنێت، بەهۆی ئەوەی پێشووتر غازەکە لێیچووە، ئاگری گرتووە.
وتیشی: ژنەکە بەشێک لەجەستەی سووتاوە، بەڵام تەندروستی باشە و لەسەنتەری فریاکەوتنی چەمچەماڵە.
هەروەها بەهۆی تەقینەوەی غازەکەوە خانووی ماڵەکە ڕووخاوە و هێزەکانی پۆلیس لە شوێنی ڕووداوەکە دەستیان بەلێکۆڵینەوە کردوە.
یەكەمجار نییە غازی ماڵان لەهەرێمی كوردستان دەبێتەهۆی ئاگركەوتنەوە، بەم ڕووداوەی ئەمڕۆوە شەشەم رووداوی گڕگرتنی غازە لەهەرێمی كوردستان لەكۆتایی ساڵی رابردوو و سەرەتای ئەمساڵەوە، بەوهۆیەشەوە تائێستا زیاتر لە 20 كەس گیانیان لەدەستداوە و دەیانی دیكەش برینداربوون.

More News

Most Popular

هەواڵ

وردەكاری دواخستنی دانیشتنێكی دادگای فیدراڵی عێراق لەبارەی درێژكردنەوەی تەمەنی پەرلەمانی كوردستان

Mic
2023-01-31

دانیشتنی دادگای باڵای فیدراڵیی عێراق لەبارەی درێژکردنەوەی تەمەنی پەرلەمانی کوردستان بۆ حەوتی شوبات دواخرا، نوێنەرانی هەرێم پاساوی ئامادەنەبوونیان  خراپیی کەشوهەواوە بووە.
 بڕیار بوو ئەمڕۆ سێشەممە، 31-01-2023، دادگای باڵای فیدراڵیی عێراق لەبارەی سکاڵایەک کۆببێتەوە کە لە دژی درێژکردنەوەی تەمەنی ئەم خولەی پەرلەمانی کوردستان تۆمارکراوە، بەڵام رێبوار ئەوڕەحمان وتەبێژی فراكسیۆنی نەوەی نوێ لەپەرلەمانی عێراق رایگەیاند: ئەمڕۆ لە دانیشتنی دادگای فیدراڵی تایبەت بە درێژكردنەوەی نایاسایی پەرلەمان و سەرۆكایەتییەكان كە لەلایەن سەرۆكی جوڵانەوەی نەوەی نوێ و سروە عەبدولواحید سەرۆكی فراكسیۆنی نەوەی نوێ تۆماركرابوو دواخرا بۆ حەوتی مانگی دوو كرایە دانیشتنێكی كراوە.
 بڕیاربوو ئەمڕۆ دادگای باڵای فیدراڵیی عێراق لەبارەی دوو سکاڵا کۆببێتەوە کە ئەوانیش یەكەمیان ئەو سكاڵایەی لەسەر درێژکردنەوەی تەمەنی پەرلەمانی کوردستان تۆمارکرابوو، دووەمیش سکاڵا لەسەر هەرسێ سەرۆکایەتییەکەی عێراق تۆمارکرابوو و سکاڵاکار داوا دەکات راسپاردنی محەممەد شیاع سوودانی بۆ پێکهێنانی حکومەت هەڵبوەشێندرێتەوە.
 سکاڵای یەكەم بە ناوی سروە عەبدولواحید، سەرۆکی فراکسیۆنی نەوەی نوێ لە پەرلەمانی عێراق پێشکەشکراوە، لە پاش ئەوەی لەگەڵ سێ سکاڵای دیکەدا یەکخران، کە لەلایەن یوسف محەممەد، سەرۆکی پێشووی پەرلەمانی کوردستان؛ شاسوار عەبدولواحید، سەرۆکی جووڵانەوەی نەوەی نوێ و کاوە عەبدولقادر، سەرۆکی فراکسیۆنی نەوەی نوێ لە پەرلەمانی کوردستان پێشکەش کرابوون و 18ـی کانوونی یەکەمی 2022، یەکەم دانیشتن لەبارەی سکاڵاکان کرا.
 سکاڵاکار لەو سکاڵایەدا داوای پووچەڵکردنەوەی یاسای ژمارە 12ـی رۆژی 9-10-2022ـی تایبەت بە درێژکردنەوەی خولی پێنجەمی پەرلەمانی کوردستان دەکات بەهۆی دژایەتیی لەگەڵ هەردوو ماددەی 5 و 20ـی دەستووری عێراق، جگە لەوەش لە داواکەدا هاتووە: مافی دەستووریی دیاریکراو لە ماددەی 51ـی یاسای هەڵبژاردنی پەرلەمانی کوردستان ژمارە 1ـی ساڵی 1992 پێشێل دەکات.
رۆژی 9ـی تشرینی یەکەمی 2022، پەرلەمانتارانی پارتی و یەكێتی و بەشێك لەفراكسیۆنی گۆڕان و پێكهاتەكان تەمەنی ئەم خولەی پەرلەمانیان تاوەکو کۆتایی ساڵی 2023 درێژکردەوە، خولی پێنجەم رۆژی 06-11-2022 کۆتایی هات، درێژکردنەوەی تەمەنی پەرلەمان  هێزەکانی ئۆپۆزیسیۆنی تووڕەکرد و لەنێوان بەشدارینەکردن لە کۆبوونەوەکانی پەرلەمان و بایکۆتکردنی و هەڵپەساردنی ئەندامێتی خۆیانهێشتەوە.