هەواڵ
رێكخەری راسپاردە نێودەوڵەتیەكانی حكومەتی هەرێم وەڵامی راپۆرتەكەی سەنتەری میترۆ دەداتەوە
2023-01-19
ڕێكخەری راسپاردە نێودەوڵەتییەكان لەسەر پرسی ئازادیی ڕۆژنامەوانی و میدیایی وەڵامی سەنتەری میترۆ دەداتەوە و ڕایدەگەیەنێت لە ماوەی 20 ساڵی رابردوودا 262 میدیای جۆراوجۆر مۆڵەتیان پێ بەخشراوە و لە ساڵی ڕابردووشدا هیچ ڕۆژنامەنووسێك بەبێ بڕیاری دادوەردەستگیر نەكراوە.
دیندار زێباری، ڕێكخەری ڕاسپاردە نێودەوڵەتییەكانی حكومەتی ماوەبەسەرچووی هەرێمی كوردستان ڕایگەیاند: گرنگە ئاماژە بەوە بكەین كە ئازادییە میدیاییەكان لە هەرێمی كوردستان ڕێزیان لێدەگیرێت و پەرەیان پێدەدرێت، لە سەندیكای ڕۆژنامەنووسانی كوردستان هەشت هەزار ڕۆژنامەنووس تۆماركراون، بەلایەنی كەمیشەوە هەزار كەس هەن كە بەبێ ئەندامییەتیی ئەو سەندیكایە كاری ڕۆژنامەگەری دەكەن.
وتیشی: لە ماوەی 20 ساڵی ڕابردوودا هەزار و 262 میدیای دیجیتاڵی و ڕۆژنامەوانی مۆڵەتیان بەدەستهێناوە: 50 ماڵپەڕ، 138 ڕادیۆ، 958 ڕۆژنامە و گۆڤار، 31 كەناڵی مانگی دەستكرد و 85 وێستگەی پەخشی ناوخۆیی.
وەك دینداری زێباری دەڵێت: بە لەبەرچاوگرتنی ئەم ژمارەیە دەتوانین بڵێین كە لە هەر 778 هاوڵاتی هەرێمی كوردستان، یەكێكیان ڕۆژنامەنووسە.
لەوەڵامی سەنتەری میترۆ، ڕێكخەری ڕاسپاردە نێودەوڵەتییەكان ڕایگەیاند: سەنتەری میترۆ نیگەرانیی خۆی لەبارەی بەكارهێنانی یاسای تر جگە لە یاسای ڕۆژنامەوانی ژمارە 35ی ساڵی 2007 بۆ كەیسەكانی پەیوەست بە ڕۆژنامەگەری پیشانداوە، دیارە دەسەڵاتی دادوەری پێوەری تایبەتی خۆی هەیە بۆ جیاكردنەوەی یاسا پەیوەندیدارەكان لە یاسا ناپەیوەندیدارەكان و جێبەجێكردنیان لە چوارچێوەیەكی دادوەریی درووستدا، هەرچەندە ئەوە بۆ دەسەڵاتی دادوەرییە كە جێبەجێكردنی یاساكان لە دادگادا ڕوون بكاتەوە، بەڵام جەخت لەوە دەكەینەوە كە یاسای ڕۆژنامەگەری چالاكە و پێویستە وەك خۆی جێبەجێ بكرێت.
ڕۆژی دووشەممە 16ی كانوونی دووەمی 2023، سەنتەری میترۆ بۆ داكۆكی لە ڕۆژنامەنووسان، ڕاپۆرتی ساڵانەی خۆی سەبارەت بە دۆخی ئازادییەكانی ڕۆژنامەوانی لە ساڵی 2022 لە هەرێمی كوردستان بڵاوكردەوە، بەپێی راپۆرتەكە 431 پێشێلكاری بەرامبەر 301 رۆژنامەنوس و دەزگایی میدیای ئەنجامدراوە.
More News
 copy.jpg)
Most Popular
-
سەرۆکی دادگای باڵای فیدراڵی خانەنشینکرا
هەواڵ2025-06-29
1
-
هەولێر و بەغداد دەستدەکەنەوە بە کۆبوونەوە
هەواڵ2025-06-28
2
-
دەستلەکارکێشانەوەی سەرۆک و ئەندامانی دادگای فیدراڵی عێراق دەخاتە بۆشایی دەستورییەوە
هەواڵ2025-06-28
3
-
گەڕان بۆ ئاڤێستا کۆتایی دێت… ئەو کچەی ئاو بردی و سێ مانگە بێسەروشوێنە
هەواڵ2025-06-28
4
-
هەڵبژاردن شەڕی نەوەی نوێ و کۆمەڵ گەرم دەکات
هەواڵ2025-07-01
5
-
وردەکاریی هێرشە موشەکییەکەی شاری کەرکوک
هەواڵ2025-07-01
6
-
راپرسییەک بۆ پێوانەکردنی ئاستی دابڕانی کلتوریی لە هەرێمی کوردستان
هەواڵ2025-06-30
7
-
هۆکارە تەندروستییەکانی خانەنشینکردنی حاکم جاسم عەبود
هەواڵ2025-06-30
8
هەواڵ
هەڵبژاردن شەڕی نەوەی نوێ و کۆمەڵ گەرم دەکات
2025-07-01
شەڕی میدیایی جوڵانەوەی نەوەی نوێ و
کۆمەڵی دادگەریی لەگەڵ نزیکبوونەوە لە هەڵبژاردن گەرمتردەبێت، بەشێکیش وەک هۆکارێک
بۆ پەرتبوونی دەنگی ناڕازی پێناسەی دەکەن.
نزیکبونەوەی لە هەڵبژاردنی پەرلەمانی کوردستان شەڕی میدیایی
جوڵانەوەی نەوەی نوێ بە سەرۆکایەتی شاسوار عەبدولواحید و کۆمەڵی دادگەریی کوردستان
بە سەرۆکایەتی عەلی باپیر گەرم دەکات.
دەستپێکردنی پشووی هاوینەی پەرلەمانی کوردستان کە سەرۆکە
بەتەمەنەکەی لە لیستی نەوەی نوێیە، دیسانەوە بووەتە بابەتێکی دیکەی جەنگی میدیایی
نێوان نەوەی نوێ و کۆمەڵی دادگەریی.
کۆمەڵی دادگەریی، تاکە هێزی سیاسی هەرێمی کوردستانە کە بەهۆی
ناڕازیبوونی بە ئەنجامەکانی هەڵبژاردن بایکۆتی پەرلەمانی کوردستانی کردووە.
نەوەی نوێ ترسی هەیە هەڵوێستەکەی کۆمەڵ کاریگەری لەسەر شەقام
هەبێت و بەشێکی دەنگی ناڕازی لە رێگەی ئەو هەڵوێستەوە بۆ خۆی ببات بە تایبەت کە
تائێستا پەرلەمان کارا نەبووە.
ئەوەی وایکردووە ئەو گریمانەیە بەهێزبێت، هێرشی توندی میدیایی
نەوەی نوێیە بۆ سەر بڕیارەکەی کۆمەڵ بۆ بایکۆتکردنی پەرلەمانی کوردستان.
نەوەی نوێ، کۆمەڵی دادگەری بەوە
تۆمەتبارکردووە کە کۆتا هەڵبژاردن بەهۆی ساختەکاریی رۆژی هەڵبژاردن و جیاکردنەوەی
دەنگەکانەوە بایکۆتی پەرلەمانی کردووە، کەچی دیسان بەشداریی هەڵبژاردن دەکاتەوە.
کۆمەڵ لەسەرەتاوە بێدەنگیی هەڵبژارد، بەڵام دواتر وەڵامی
هێرشەکەی نەوەی نوێی دایەوە و جوڵانەوەکەی بە "ئاڕاستەکراو" تۆمەتبار
کرد.
کۆمەڵی دادگەری بە تایبەت رەخنەی لەو هەڵوێستەی نەوەی نوێ گرتووە
کە لە پەرلەمانی عێراق دەنگی بە یاسای "بە تاوانکردنی هاوڕەگەزخوازیی و ڕەگەز
گۆڕین" نەداوە.
هاوڵاتییان رای جیاوازییان لەسەر شەڕی میدیایی نەوەی نوێ و
کۆمەڵی دادگەری هەیە، بەشێکیان وەک بابەتێکی ئاسایی و هەڵمەتێکی پێشوەختەی
هەڵبژاردن لێی دەڕوانن، بەڵام زۆرن ئەوانەشی پێیان وایە شەڕی میدیایی حزبە
ئۆپۆزسیۆنەکان کاریگەری لەسەر پەرتکردنی دەنگە ناڕازییەکان دەبێت.
نەوەی نوێ و کۆمەڵی دادگەری لە کاتێکدا شەڕی میدیایان دژ بە
یەکتر گەرمکردووە کە دوو پارتەکە لەگەڵ لایەنە ئۆپۆزسیۆنەکانی دیکەدا لە هەوڵی
دروستکردنی یەک لیست بوون بۆ هەڵبژاردنی پەرلەمانی عێراق، بەڵام هەوڵەکەیان شکستی
هێنا.
جوڵانەوەی نەوەی نوێ لە پەرلەمانی کوردستان خاوەنی 15 کورسییە و
لە پەرلەمانی عێراقیش خاوەنی 9 کورسییە، کۆمەڵی دادگەری لە پەرلەمانی عێراق خاوەنی
یەک کورسییە، ئەگەرچی لە پەرلەمانی کوردستان 3 کورسی بەدەستهێناوە، بەڵام وەک
خۆیان رایانگەیاندووە، بەهۆی " ساختەکاری"یەوە بایکۆتی خولی شەشەمی
پەرلەمانی کوردستانیان کردووە.
