هەواڵ
زانیاری لەبارەی ئەو ژنە دووگیانەی بەهۆی گڕگرتنی ماڵەكەی گیانیلەدەستدا
2023-01-22
لەناحیەی چوارقوڕنە لە ئیدارەی راپەڕین، بەهۆی سووتانی ماڵێكەوە ژنێكی 25 ساڵ كە دووگیان بووە، گیانی لەدەستدا، وتەبێژی بەرگریی شارستانیی ئیدارەی راپەڕین دەڵێت ژنەكە بە تەنیا لە ماڵ بووە و هاوسەرەكەی لە ماڵەوە نەبووە.
نەقیب عەلی قادر، وتەبێژی بەرگریی شارستانیی ئیدارەی راپەڕین بە مایكی وت: ئەمڕۆ كاتژمێر 07:52 هێزەكانمان لە رووداوێكی ئاگركەوتنەوە لە گەڕەكی چۆمان لە ناحیەی چوارقوڕنە ئاگادار كرانەوە.
وتیشی: بەداخەوە دیاربوو رووداوەكە زووتر روویداوە و نزیك كاتژمێر حەوت بووە، بەڵام كەس ئێمەی ئاگادار نەكردبوەوە، بۆیە تاوەكو هێزەكانمان گەیشتن ژنێك لە ماڵەكەدا سووتا بوو.
بەپێی زانیاریەكان ژنەكە ناوی ئاشتی موسڵیحە و تەمەنی 25 ساڵە، دووگیان بووە و بە تەنیا لە ماڵەوە بووە، چونكە هاوسەرەكەی لە دەوام بووە و پێشمەرگەیە.
لەبارەی هۆكاری رووداوەكەش، وتەبێژی بەرگریی شارستانیی راپەڕین وتی: ژنەكە لە ماڵەوە نووستبووەو هیتەری كارەبا كاری كردووە، بەڵام پلاكی هیتەرەكە تواوەتەوە و بەهۆیەوە ئاگركەوتووەتەوە و ژنەكە گیانی لەدەستداوە.
More News
 copy.jpg)
Most Popular
-
سەرۆکی دادگای باڵای فیدراڵی خانەنشینکرا
هەواڵ2025-06-29
1
-
هەولێر و بەغداد دەستدەکەنەوە بە کۆبوونەوە
هەواڵ2025-06-28
2
-
دەستلەکارکێشانەوەی سەرۆک و ئەندامانی دادگای فیدراڵی عێراق دەخاتە بۆشایی دەستورییەوە
هەواڵ2025-06-28
3
-
گەڕان بۆ ئاڤێستا کۆتایی دێت… ئەو کچەی ئاو بردی و سێ مانگە بێسەروشوێنە
هەواڵ2025-06-28
4
-
هەڵبژاردن شەڕی نەوەی نوێ و کۆمەڵ گەرم دەکات
هەواڵ2025-07-01
5
-
وردەکاریی هێرشە موشەکییەکەی شاری کەرکوک
هەواڵ2025-07-01
6
-
راپرسییەک بۆ پێوانەکردنی ئاستی دابڕانی کلتوریی لە هەرێمی کوردستان
هەواڵ2025-06-30
7
-
هۆکارە تەندروستییەکانی خانەنشینکردنی حاکم جاسم عەبود
هەواڵ2025-06-30
8
هەواڵ
هەڵبژاردن شەڕی نەوەی نوێ و کۆمەڵ گەرم دەکات
2025-07-01
شەڕی میدیایی جوڵانەوەی نەوەی نوێ و
کۆمەڵی دادگەریی لەگەڵ نزیکبوونەوە لە هەڵبژاردن گەرمتردەبێت، بەشێکیش وەک هۆکارێک
بۆ پەرتبوونی دەنگی ناڕازی پێناسەی دەکەن.
نزیکبونەوەی لە هەڵبژاردنی پەرلەمانی کوردستان شەڕی میدیایی
جوڵانەوەی نەوەی نوێ بە سەرۆکایەتی شاسوار عەبدولواحید و کۆمەڵی دادگەریی کوردستان
بە سەرۆکایەتی عەلی باپیر گەرم دەکات.
دەستپێکردنی پشووی هاوینەی پەرلەمانی کوردستان کە سەرۆکە
بەتەمەنەکەی لە لیستی نەوەی نوێیە، دیسانەوە بووەتە بابەتێکی دیکەی جەنگی میدیایی
نێوان نەوەی نوێ و کۆمەڵی دادگەریی.
کۆمەڵی دادگەریی، تاکە هێزی سیاسی هەرێمی کوردستانە کە بەهۆی
ناڕازیبوونی بە ئەنجامەکانی هەڵبژاردن بایکۆتی پەرلەمانی کوردستانی کردووە.
نەوەی نوێ ترسی هەیە هەڵوێستەکەی کۆمەڵ کاریگەری لەسەر شەقام
هەبێت و بەشێکی دەنگی ناڕازی لە رێگەی ئەو هەڵوێستەوە بۆ خۆی ببات بە تایبەت کە
تائێستا پەرلەمان کارا نەبووە.
ئەوەی وایکردووە ئەو گریمانەیە بەهێزبێت، هێرشی توندی میدیایی
نەوەی نوێیە بۆ سەر بڕیارەکەی کۆمەڵ بۆ بایکۆتکردنی پەرلەمانی کوردستان.
نەوەی نوێ، کۆمەڵی دادگەری بەوە
تۆمەتبارکردووە کە کۆتا هەڵبژاردن بەهۆی ساختەکاریی رۆژی هەڵبژاردن و جیاکردنەوەی
دەنگەکانەوە بایکۆتی پەرلەمانی کردووە، کەچی دیسان بەشداریی هەڵبژاردن دەکاتەوە.
کۆمەڵ لەسەرەتاوە بێدەنگیی هەڵبژارد، بەڵام دواتر وەڵامی
هێرشەکەی نەوەی نوێی دایەوە و جوڵانەوەکەی بە "ئاڕاستەکراو" تۆمەتبار
کرد.
کۆمەڵی دادگەری بە تایبەت رەخنەی لەو هەڵوێستەی نەوەی نوێ گرتووە
کە لە پەرلەمانی عێراق دەنگی بە یاسای "بە تاوانکردنی هاوڕەگەزخوازیی و ڕەگەز
گۆڕین" نەداوە.
هاوڵاتییان رای جیاوازییان لەسەر شەڕی میدیایی نەوەی نوێ و
کۆمەڵی دادگەری هەیە، بەشێکیان وەک بابەتێکی ئاسایی و هەڵمەتێکی پێشوەختەی
هەڵبژاردن لێی دەڕوانن، بەڵام زۆرن ئەوانەشی پێیان وایە شەڕی میدیایی حزبە
ئۆپۆزسیۆنەکان کاریگەری لەسەر پەرتکردنی دەنگە ناڕازییەکان دەبێت.
نەوەی نوێ و کۆمەڵی دادگەری لە کاتێکدا شەڕی میدیایان دژ بە
یەکتر گەرمکردووە کە دوو پارتەکە لەگەڵ لایەنە ئۆپۆزسیۆنەکانی دیکەدا لە هەوڵی
دروستکردنی یەک لیست بوون بۆ هەڵبژاردنی پەرلەمانی عێراق، بەڵام هەوڵەکەیان شکستی
هێنا.
جوڵانەوەی نەوەی نوێ لە پەرلەمانی کوردستان خاوەنی 15 کورسییە و
لە پەرلەمانی عێراقیش خاوەنی 9 کورسییە، کۆمەڵی دادگەری لە پەرلەمانی عێراق خاوەنی
یەک کورسییە، ئەگەرچی لە پەرلەمانی کوردستان 3 کورسی بەدەستهێناوە، بەڵام وەک
خۆیان رایانگەیاندووە، بەهۆی " ساختەکاری"یەوە بایکۆتی خولی شەشەمی
پەرلەمانی کوردستانیان کردووە.
