هەواڵ

هەڵەبجە بووە 19 هەمین پارێزگای عێراق

Mic
2023-03-13

ئەمڕۆ پەرلەمانی عێراق ڕێکارە کارگێڕیەکانی بە پارێزگابوونی هەڵەبجەی پەسەند کرد، پەرلەمانتارێكی نەوەی نوێش دەڵێت١٧ جار لە وەزارەتی پلاندانان و ئەنجومەنی وەزیران بەدواداچوونیان بۆ بەپارێزگابوونی هەڵەبجە كردووە.

ئاریان تاوگۆزی پەرلەمانتاری نەوەی نوێ لە پەرلەمانی عێراق رایگەیاند: ئەنجومەنی وەزیرانی عێراق دەنگی بە پارێزگابوونی هەڵەبجە داوە و رەوانەی پەرلەمانی كردووە و وەك ١٩یەمین پارێزگای عێراق لە قەڵەمی داوە.

وتیشی: ١٧ جار لە وەزارەتی پلاندانان و ئەنجومەنی وەزیران بەدواداچوونیان بۆ بەپارێزگابوونی هەڵەبجە كردووە.

ئەو پەرلەمانتارەی نەوەی نوێ ئەوەشی خستەڕوو: حكومەتی عێراق ئەمرۆ پرسی بەپارێزگابوونی هەڵەبجەی تەواوكردووە و فەرمانەكەشی ڕەوانەی پەرلەمان كردووە و لە ئێستادا پارێزگای هەڵەبجە بووە ١٩یەمین پارێزگای عێراق.

هاوكات، لەسەر داوای نەوەی نوێ وەزارەتی پلاندانانی عێراق رێكارەكانی بە پارێزگابوونی هەڵەبجەی پەسەندكرد و رەوانەی ئەنجومەنی وەزیرانی كردبوو.

دوێنێ لە نوسراوێكدا كە فڕاكسیۆنی نەوەی نوێ لە پەرلەمانی عێراق ئاڕاستەی ئەنجومەنی وەزیرانی كردووە هاتووە: وەزارەتی پلاندانان رێكارەكانی بە پارێزگابوونی هەڵەبجەی پەسەندكردووە و وەك پارێزگایەكی سەربەخۆ مامەڵەی لەگەڵدا دەكات و "سیمبولی" ژمارە ١٦ـی پێدراوە.

پارێزگای هەڵەبجە كە ناوەندەكەی شاری هەڵەبجەیە، دەكەوێتە نێوان ھێڵی درێژی ٤٦ پلەی رۆژھەڵات و ھەر دوو بازنەی پانیی ٣٥ بۆ ٣٦ پلەی باكوور. بە دووری ٨٣ كیلۆمەتر دەكەوێتە باشووری رۆژھەڵاتی شاری سلێمانییەوە.

هەڵەبجە لە ساڵی ١٨٨٩دا كراوە بە قەزا و لەدوای نەجەفەوە دووەم قەزای عێراق بوو لەو كاتەدا، دواتر ١٣ی ئازاری ٢٠١٤دا لەلایەن حكومەتی هەرێمی كوردستانەوە بڕیاری بە پارێزگابوونی بۆ دەرچوو.

More News

Most Popular

هەواڵ

هێزيکی ئاسایش وێنەگری دیجیتاڵ میدیایی 'مایک'یان دەستبەسەرکرد

Mic
2024-03-25

سلێمانی ـ MIC

لەکاتی ڕووماڵی خۆپیشاندانی مامۆستایان و فەرمانبەرانی ناڕازیی ئەمڕۆ دووشەممە، هێزێکی ئاسایشی سلێمانی، گریڤان فەرمان یان بۆ ماوەیەک دەستبەسەرکرد و دەستیان بەسەر کەلوپەلە رۆننامەوانیەکدا گرت.

گریڤان فەرمان بە دیجیتاڵمیدیای MIC وت”هێزەکەی ئاسایش سەرجەم ئەو وێنە و دیمەنانەی خۆپیشاندانەکە، کە تۆمارم کردبوون سڕییانەوە و رێگەشیان نەدا رووماڵەکە بکەین.”

وتیشی” پاش سڕینەوەی دیمەنەکان ناچاریان کردین شوێنی خۆپیشاندانە جێبهێڵین.”
مامۆستایان و فەرمانبەرانی ناڕازی ئەمڕۆ لەدژی نەدانی مووچەکانیان و پرۆژەی هەژماری من، خۆپیشاندانیان ئەنجامدا و هەوڵیاندا بچنە دەباشان وچاویان بە بافڵ تاڵەبانی سەرۆکی یەکێتی بکەوێت، بەڵام لەلایەن هێزە ئەمنییەکانەوە رێگری کرا لە خۆپیشاندانەکە.

هەروەها رێگری کرا لە چەند کەناڵێکی میدیایی کە رووماڵی خۆپیشاندانەکە بکەن.