هەواڵ

پلاسخارت: بێكاری و نەبوونی ئازادی رادەربرین لە عێراق و هەرێم بوونیان هەیە

نوێنەری نەتەوەیەكگرتووەكان لە عێراق رایگەیاند، زیادبوونی رێژەی بێكاری و نەبوونی ئازادی رادەربڕین لە دیاترین كێشەكانی هەرێم و عێراقن و هەردوولا پێویستیان بە گفتوگۆی زیاترە، وتیشی  پرسی گەندەڵی پێویستی بە چارەسەرە.

جینین پلاسخارت نوێنەری نەتەوە یەكگرتووەكان لە عێراق لە دیداری سلێمانی رایگەیاند: نەتەوە یەكگرتووەكان پشتیوانی تەواو لە عێراق و هەرێم دەكات تاوەكو بگاتە ئاستێكی ئەرێنی سەقامگیری ئەمنیی و سیاسی.

نوێنەری نەتەوەیەكگرتوەكان لەعێراق باسی لەوەشكرد:  گرنگە سەرنج بخەینە سەر دامەزراندنی بەرنامەی كاری گرنگ لە حكومەتی عێراق و هەرێمدا، بودجەی ساڵی ٢٠٢٣ گرنگە بۆ عێراق و هەرێم بەڵام بە تەنها نابێتە هۆی رزگاركردنی وڵاتەكە و گەندەڵی دارایی لە عێراق و هەرێم بوونی هەیە و پێویستە چاكسازی تێدا بكرێت.

جێنین پلاسخارت ئەوەشی خستەڕوو: پێویستە پەیوەندییەكانی نێوان هەرێم و بەغدا تاڕادەیەك بەرەوپێشەوە بچێت، بەڵام هێشتا پێویستی بە كاری زیاترە.

" بەرزبوونەوەی رێژەی بێكاری و كێشەی ئەمنی و نەبوونی ئازادی رادەربرین لە دیارترین گرفتن كە لە عێراق و هەرێمدا بوونیان هەیە و پێویستە بە زوویی چارەسەریان بۆ بدۆزرێتەوە" نوێنەری نەتەوەیەكگرتوەكان لەعێراق وای وت.
 

هەواڵ

ئەمریکا: دۆخی مافی مرۆڤ لە هەرێمی کوردستان خراپتر بووە

وەزارەتی دەرەوەی ئەمریکا رایگەیاند، دۆخی ئازادییە بنەڕەتی و مەدەنییەكان لە هەرێمی كوردستان خراپتر بوون. دەشڵێت، " زیندانەکان و ناوەندەکانی چاکسازی لە هەرێم لە دۆخێکی خراپدان".

ئەمڕۆ سێشەممە، وەزارەتی دەرەوەی ئەمریکا لە راپۆرتێکدا لەسەر رەوشی ئازادی رادەربڕین و مافی مرۆڤ راپۆرتێکی بڵاوکردوە و تێدا دەڵێت" کوشتن و بێسەروشوێنکردن و ئەشکەنجەدان و بارودۆخی سەختی ناو زیندانەکان و چەندین پێشێلكاری تر تۆماركراون، وتیشی، دەستگیرکردن و لێپێچینەوەی ناڕەوا دژی رۆژنامەوانان كراوە و كێشە بۆ ئازادیی گردبوونەوە دروستكراوە.
ئەوەشی خستەڕوو، زیندانەکان و ناوەندەکانی چاکسازیی لە هەرێم لە دۆخێکی خراپدان و رێژەی قەرەباڵغی نێو زیندانەکان گەیشتووتە ١٥٧٪.