ئایا زۆرخواردنەوەی ئاو دەبێتەهۆی مردن؟

خواردنەوەی ئاو پێویستە بۆ تەندروستی باش، بەڵام زۆر خواردنەوەی ئاو دەبێتە هۆی دابەزینی ئاستی سۆدیۆم، ئەمەش دەكرێت ببێتەهۆی حاڵەتێكی سووك تا مەترسیدار بۆ سەر ژیان كە پێی دەوترێت.

 توێژینەوەیەكی نوێ كە لە گۆڤاری نیو ئینگلاند جۆرناڵ ئۆف مێدیسین بڵاوكراوەتەوە، دەركەوتووە كە كەمبوونەوەی ناتریمی دەبێتە هۆكاری هێڵنجدان و ڕشانەوە، گرژبوون و لاوازی ماسولكەكان، ژانە سەر وخواڵوویی وماندووی لەدەستدانی وزە.

كەواتە پێویستە چەندێك ئاو بخۆمەوە؟

بەپێی نوێترین توێژینەوەكان ژنان ڕۆژانە پێویستە ٢.٧لیتر ئاو بخۆنەوە، لەبەرامبەردا پیاوان ڕۆژانە پێیوستە ٣.٧ لیتر ئاو بخۆنەوە ڕۆژانە.

بۆچی كەمبوونەوەی ئاستی سۆدیۆم لە خوێندا مەترسیدارە؟

كاتێك بەهەر هۆكارێكی تەندروستی یاخود بەهۆكاری زۆرخواردنەوەی ئاستی سۆدیۆم لە لەشدا دادەبەزێت توشی حاڵەتێك دەبین پێی دەوترێت (hyponatremia)، ئەمەش وادەكات ڕێژەی باڵانسی ئەلیكترۆلایتەكان لەلەشدا دابەزێت و ئاستی ئاو بەرزبێتەوە، كە  دەبێتە هۆكاری ئاوسانی خانەكان، تێكچوونی فشاری خوێن و كاری ماسولكەكان ودەمارە خانەكان.

تەندروستی

لە سوڕی مانگانەدا چی بكەم بۆ ئەوەی ئازارم كەم بێتەوە؟

بەشێك لە خانمان لەكاتی سوڕی مانگانەدا هەست بە كرژبوون و ئازارێكی تاڕادەیەك قورس دەكەن،  كە وادەكات كارە ئاساییەكانی ڕۆژانەیان بۆ سەختتربێت، بۆ ئەوەی ئازارەكانی پەیوەست بە سوڕی مانگانەت كەم بكەیتەوە ئەم ڕێنماییانە جێ بەجێ بكە:

كاتی سوڕی مانگانە هەوڵبدە شیرینی، چەوری وسوێری و كافاین كە لە چا و قاوەدا هەیە كەم بكەیتەوە.

حەبە ئازارشكینەكانی وەك ئیبوپروفین (٦٠٠-٨٠٠) میلیگرامی بخۆ بۆ كەمكردنەوەی ئازارەكەت

هەوڵبدە بەشێوازی بازنەیی مەساجی بەشی خوارەوەی سكت بكە.

باشترە خواردنی سەوزە ومیوە زیاد بكەیت لە ژەمەكانت، ژەمەكانت با سوك بن  و زوو زوو خورادن بخۆ.

شتێكی گەرم لە شێوەی " جەوەنە" بخەرە سەر سكت.

خواردنەوە گەرمەكان بخۆوە.

هەوڵبدە دوربكەویتەوە لە سترێس و دڵە ڕاوكێ، پیاسەیەكی كەم یان یۆگا وهەرچالاكییەكی دیكە وادەكات كەمتر هەست بەئازار بكەیت.

هەوڵبدە بە ئاوێكی گەرم خۆت بشۆیت.

بۆچی لەكاتی سوڕی مانگانە هەست بە ئازار دەكەم؟.

لەكاتی سوڕی مانگانەدا دیواری منداڵدان كرژ دەبێت بۆ ئەوەی یارمەتی داماڵینی ناوپۆشی منداڵدان بدات لەكاتی سوڕی مانگانەدا، ئەمەش فشار دەخاتە سەر مولولەی خوێنەكان و وادەكات  ڕۆشتنی خوین بۆ ئەو بەشەی جەستە كەم بێتەوە بەمەش ئۆكسجینی تەواو ناگاتە خانەكانی منداڵدان، لەم حاڵەتەشدا لە نەبوونی ئۆكسجیندا خانەكانی منداڵدان دەست ئەكەن بەدەردانی ماددەی كیمیایی كە دەبنە هۆی هەستكردن بە ئازار،لەگەڵ ئەوەشدا ئەم ماددە كیمیاییانە دەبنە هۆی دەردانی ماددەیەكی دیكە بەناوی پڕۆستاگلاندین، ئەمەش وادەكات زیاتر دیواری منداڵدان كرژ ببێت و ئازارێكی زۆرتر دروست بكات.