هەواڵ

کارمەندێکی تەندروستی دەڵێت لە نەخۆشخانەی شار دەرمانی بەسەرچوو دەدرێتە نەخۆش

کارمەندێکی نەخۆشخانەی شار دەبێتە هۆی ئاشکراکردنی دەرمانی بەسەرچوو لە نەخۆشخانەکە و دەڵێت هەندێک کەس لە پشت کارەکەوەن.

سەرچاوەیەک لە نەخۆشخانەی شار بە MIC ی راگەیاند" کارمەندێکی نەخۆشخانەکە بەناوی زامۆ عومەر سەعید کە کارمەندی بەشی دەرمانە لە نەخۆشخانەکە، پێدانی دەرمانی بەسەرچووی بە نەخۆش ئاشکراکردووە و ئەوەش بۆتە هۆی مەترسی بۆ سەر ژیانیه."

بەگوێرەی سەرچاوەکە، زامۆ عومەر سەعید، دژی ئەوە بووە کە دەرمانی ساختە بدرێتە نەخۆش و هەوڵیداوە زانیارییەکان بگەیەنێتە لایەنی بەرپرس و میدکاکان، بەڵام رێگری لێکراوە."

زاموا لە بەرواری 25-2-2023 زانیارییەکانی گەیاندۆتە کەسێکی دیکە و لەڕێگەی ئەو سەرچاوەیەشەوە بە مایک گەیشتووە، کە چۆن هەندێک کارمەند و کەسی ناو نەخۆشخانەکە دەرمانی بەسەرچوو دەدەن بە نەخۆش، بەتایبەتی ئەو دەرمانانەی کە کاریگەری راستەوخۆیان لەسەر تەندروستی نەخۆشەکە دەبێت."'

هەروەها ئاماژەی بۆ ئەوەشکردووە کە " هەندێک کەس کە لەشێوەی باندن هەڵدەستن بە ئەنجامدانی کارەکە و دەرمانەکە بۆ چەند کۆمپانیایەکی دەرمان ساغ دەکەنەوە."

بەگوێرەی بەدواداچوونێکی MIC لەناو بازاڕەکانی هەرێمی کوردستاندا بە دەیان جۆر دەرمانی ساختە و بەسەرچوو هەن و هەنێکیان لەناو نەخۆشخانەکان و دەرمانخانەکاندا بەسەر نەخۆشدا و بە بەرواری نوێوە دەدرێنە نەخۆش.

لەسەر پرسەکە MIC پەیوەندیکرد بە بەرپرسانی نەخۆشخانەکەوە، بەڵام ئامادە نەبوون لەسەر رووداوەکە هیچ زانیارییەک بدەن

دیجیتاڵمیدیای MIC لە بەرواری 25-2-2023 هەمان زانیاری لەسەر رووداوەکە بڵاوکردەوە. بەڵام بەهۆی فشاری بەرپرسانی تەندروستی بڵاوکردنەوەی هەواڵەکە بۆ ماوەیەک راگیرا.

هەواڵ

سودانی ئەمشە و بڕیار لە رەشنوسی رێککەوتنی هەرێم و بەغدا دەدات

شاندی حکومەتی هەرێم و حکومەتی عێراق لەسەر پرسی نەوت و مووچە گەیشتوون بەرێککەوتن، رێککەوتنەکە تەنها ئەوەی ماوە سودانی ئیمزای لەسەربکات، لە کۆبونەوەی ئەمشەوی چوارچێوەی هەماهەنگیدا ئیمزاکردن یان رەتکردنەوەی رێککەوتنەکە یەکلایی دەبێتەوە.

چەند رۆژێکە شاندی حکومەتی هەرێم و حکومەتی عێراق لە گفتوگۆدان بۆ گەیشتن بە رێگەچارەیەک بۆ لابردنی بەربەستەکانی بەردەم هەناردەکردنەوەی نەوتی هەرێم، هەرچەندە تائێستا ناوەڕۆکی رێککەوتنەکە بڵاونەکراوەتەوە، بەڵام هەردولا رێککەوتوون لەسەر هەناردەکردنەوەی نەوتی هەرێم و رادەستکردنی نیوەی داهاتی ناخۆ لەلایەن هەرێمەوە بە بەغدا، لەبەرامبەردا بەغدا مووچەی هەرێم دەنێرێت.

مەسرور بارزانی، سەرکی حکومەتی هەرێمی کوردستان دوای کۆتاییهاتنی کۆبونەوەی ئەمڕۆ ئەنجومەنی وەزیران بڵاویکردەوە، هەرێم هەموو نەرمییەکی نواندووە بۆ دەستپێکردنەوەی هەناردەکردنی نەوتی هەرێم لە ڕێگەی کۆمپانیای سۆمۆ و گەڕاندنەوەی داهاتی فرۆشتنی نەوتی هەرێم بۆ وەزارەتی دارایی فیدڕاڵ.

بەنوەی سەرۆکی حکومەت، ئێستا هەرێمی کوردستان و کۆمپانیا نەوتییەکان، بە هەموو شێوەیەک ئامادەیی هاوکاریان لە گەل حکومەتی فیدڕال پێشان داوە بۆ هەناردە کردنەوەی نەوت ئەویش لە پێناوی بڕینی هەموو ئەو پاسا و بیانووانەی کە بەغدا بەکاریهێناون بۆ نەناردنی مووچەی موچەخۆرانی خەڵکی کوردستان.

سەرۆکی حکومەت رایگەیاند، چاوەڕێی بڕیاری حکومەتی فیدڕاڵ دەکەن بۆ پەسەندکردنی ئەو لەیەکتێگەیشتنە هاوبەشانەی کە لە چەند ڕۆژی ڕابردوودا، لە نێوان هەردوولا بە ئامادەبوونی نوێنەری کۆمپانیا نەوتییەکان هاتووەتە ئاراوە

بەپێی زانیارییەکان، سێ رۆژە شاندی بەغدا و هەرێم لەسەر رەشنوسێک رێککەوتوون، هەرچەندە چاوەڕوان دەکرا لە کۆبونەوەی 1ـى تەموز ئونجومەنی وەزیرانی عێراق بڕیار لەسەر رەشنوسەکە بدات، بەڵام سودانی دەیەوێت رەزامەندی لایەنەکان چوارچێوەی هەماهەنگی وەربگرێت.

ئەمشەو چوارشەممە کۆبونەوەی چوارچێوەی هەماهەنگی لە بەسڕە ئەنجام دەدەرێت و سودانی بەشدار دەبێت و رەشنوسی رێککەوتنەکە لەگەڵ خۆی دەباتە سەر مێزی چوارچێوەی هەماهەنگی بۆ واژۆ کردن و وەرگرتنی رەزامەندی.

لە ئەگەری رەزامەندی چوارچێوەی هەماهەنگی، ئەوا سودانی ئیمزا لەسەر رێککەوتنەکە دەکات و دەچێتە بواری جێبەجێکردنەوە، هەرچەندە تائێستا رووننییە هەناردەکردنوەی نەوت پێش ناردنی موچە دەکەوێت، یان پێش هەناردەکردنەوەی نەوت موچە لەلایەن بەغداوە دەنێردرێت.