هەواڵ

هەرێمی کوردستان لەچاوەڕوانی هێرشی ئێرانیدا.. ئەمریکا چی دەکات؟

حکومەتی کۆماری ئیسلامی ئێران بەڕوونی هێرشکردنە سەر خاکی هەرێمی کوردستانی راگەیاند لەژێر ناوی لێدان لەبنکە و بارەگاکانی حزبەکانی رۆژهەڵات، ئەگەر تاوەکو 19 -9 ئەو هێزانە چەک نەکرێن.

هەڕەشەی ئێران لەکاتێکدایە کە ئەمریکا دەستی پێکردوە بەجموجوڵی سەربازی و ئاڵوگۆڕی هێزەکانی لەنێوان سوریاو عێراق و هەندێک پێیانوایە کە بۆ خۆئامادەکردنە لەبەرامبەر ئەگەری روودانی هەر هێرشێکی ئیرانی لەناوچەکەدا.

وتەبێژی وەزارەتی دەرەوەی ئێران دەڵێت، بە عێراق و نەتەوە یەکگرتووەکانیان راگەیاندووە کاتی دیاریکراو بۆ چەککردنی حیزبەکانی رۆژهەڵاتی کوردستان لە هەرێمی کوردستان درێژناکەنەوە.

ناسر کەنعانی، وتەبێژی وەزارەتی دەرەوەی ئێران ئەمڕۆ (دووشەممە، 28-08-2023) لە کۆنفرانسێکی رۆژنامەوانیدا رایگەیاند"بەپێی رێککەوتنێک کە لەگەڵ حکومەتی عێراق کردوومانە، دەبێ گرووپە دژبەرەکان چەک بکرێن و بنکە چەکدارییەکانیان چۆڵ بکەن و بگوازرێنەوە بۆ ئەو کەمپانەی حکومەتی عێراق بۆیان دیاری دەکات".

وتیشی"، کاتی دیاریکراو بۆ جێبەجێکردنی ئەو رێککەوتنە 28ـی خەرمانانی 1402ـی هەتاوی واتە 19-09-2023ـە و بە هیچ شێوەیەک ئەو کاتە درێژ ناکەنەوە و، ئەو بابەتەیان بە حکومەتی عێراق و نەتەوە یەکگرتووەکانیش راگەیاندووە.
چەندین ساڵە پارتە ئۆپۆزسیۆنەکانی ئیران لەناو خاکی عێراق و هەرێمی کوردستاندا نیشتەجێن، بەتایبەت حزبەکانی رۆژهەڵاتی کوردستان، بەڵام لەدوای ساڵی 1191 وە، ئێران بەردەوام لەڕێگەی ئاسمانییەوە، هیرشیکردۆتە سەر بنکەو بارەگاکانیان لەناوچەکانی سلێمانی و کۆیە و هەولێر.
سکرتێری ئەنجوومەنی باڵای ئاسایشی نیشتمانیی ئێران و راوێژکاری ئاسایشی نیشتمانیی عێراق لە 19-03-2023 بە سەرپەرشتی محەممەد شیاع سوودانی، سەرۆکوەزیرانی عێراق رێککەوتنێکی ئەمنییان لە بەغدا لەبارەی چالاکی حیزبەکانی رۆژهەڵاتی کوردستان لە خاکی هەرێمی کوردستان واژۆ کرد. رێککەوتنەکە بە ناوی پاراستنی ئاسایشی سنوورەکانی نێوان دوو وڵاتە.

محەممەد باقری، سەرۆکئەرکانی هێزە چەکدارەکانی ئێران رۆژی 11-07-2023 رایگەیاند، ئەگەر عێراق تاوەکو دوایین مانگی هاوین پابەندییەکانی بۆ چەککردنی حیزبە دژبەرەکانی ئێران جێبەجێ نەکات، هێرشی تووندتر لە جاران دەکرێتە سەر ئەو حیزبانە.

تەندروستی

بەکارهێنانی مەیکەپی دژە ئاو مەترسیدارە؟

توێژینەوەیەک کە لە گۆڤاری زانستی ژینگە و تەکنۆلۆژیادا بڵاو کراوەتەوە ئاماژەی بەوە داوە، بەشێک لە بابەتی جوانکارییەکان کە ئەمڕۆ بەکار دێت، ڕێژەیەکی زۆر لە ماددە کیمیایییە ژەهراوییەکان لە پێکهاتەیاندا هەیە وەک پۆڵی فلۆرۆ ئەڵکیل (PFAS ) . کە بەداخەوە لە پێکهاتەی ماددە جوانکارییەکاندا ئەم ماددە نانووسرێت بۆ ئەوەی خەڵک هۆشیار بێت.

ئیدارەی خۆراک و دەرمانی ئەمریکی (FDA) باس لەوە دەکات، بەشێک لە بابەتە جوانکارییەکانی وەکوو بۆیەی نینۆک و کرێمەکان و سوراو و قەڵەم چاو و ماسکەرا، دەکرێت ئەم ماددانەی تێ بکرێت بۆ ئەوەی زۆرتر بە درەوشاوەیی دەربکەوێت. بۆیە زۆر گرنگە ئەو بابەتە جوانکارییانە بەکار دێت کە دڵنیان لەوەی ئۆریجیناڵە و کوالێتی بەرزە.