تەندروستی

نیشانەکانی ناو نینۆکەکان ئاماژەن بۆ ئەم نەخۆشیانە

نینۆک ئاوێنەیەکی تەندرووستی مرۆڤە، بەو پێیەی گۆڕانکارییەکانی تیادا ئاماژەن بۆ کێشەی تەندروستی، هەندێکیان سادەن، وەک کەمی کالیسیۆم، هەندێکیشیان مەترسیدارن، وەک نەخۆشییەکانی دڵ و شێرپەنجەی پێست.

ماریون مۆرس کارپی پسپۆڕی پێستی ئەڵمانی ڕوونیکردەوە، نینۆکی تەندروست ڕەق و تاڕادەیەک پەمەییە و ڕوویەکی نەرمی هەیە، جەختیشیکردەوە لەسەر پێویستی ڕاوێژکردن بە پزیشک ئەگەر تێبینی ئەم گۆڕانکاریانەی خوارەوەت کرد لە شێوە و ڕەنگی نینۆکەکاندا:

📌خاڵە سپییەکان لەسەر پلێتی نینۆکەکان
ئەمەش زۆرجار ئاماژەیە بۆ کەمی کالیسیۆم، کە دەتوانرێت بە خواردنی شیر و بەرهەمەکانی چارەسەر بکرێت.

📌گۆڕانی ڕەنگی هیلالی نینۆک
ئەگەر ڕەنگی هیلالی نینۆک بگۆڕێت بۆ پەمەیی، ئەمە ڕەنگە مژدەی کێشەکانی دڵ بێت، کە لە بەرامبەردا کاریگەری نەرێنی لەسەر دابینکردنی ئۆکسجین بۆ هیلالی نینۆک دەبێت.

📌نینۆکەکان لە پێشەوە دابەش دەبن یان درزی بچووکیان تێدایە
ئەمەش ڕەنگە ئاماژە بێت بۆ کەمی بایۆتین، کە دەتوانرێت بە خواردنی فاسۆلیا و بەرهەمە شیرییەکان بەرەنگاریی ببنەوە.

📌نینۆک بە هیچ شێوەیەک گەشە ناکات یان دەشکێت
ئەمەش ئاماژەیە بۆ کەمی ڤیتامین B12، کە دەتوانرێت بە خواردنی گۆشتی بێ چەوری وەک گۆشتی مانگا و بەراز و بەرخ ، مریشک ، ماسی چارەسەربکرێت.

📌بوونی پەڵەی قاوەیی یان زیادبوونی ئەستووری نینۆک
ئەمەش ڕەنگە ئاماژە بێت بۆ شێرپەنجەی پێست.

📌ڕەنگی نینۆک دەگۆڕێت بۆ ڕەش
ئەمەش ڕەنگە ئاماژە بێت بۆ ئەوەی پێی دەوترێت هیماتۆما، کە بریتییە لە کێشەیەک کە لە ئەنجامی برینێکەوە دروست دەبێت.

هەواڵ

گەڕان بۆ ئاڤێستا کۆتایی دێت… ئەو کچەی ئاو بردی و سێ مانگە بێسەروشوێنە

7 رۆژی تر سێ مانگ بەسەر دیارنەمانی ئاڤێتستا یوسف تێپەڕ دەبێت، بڕیارە سەرەتای مانگی داهاتوو گەڕان بە دوای چارەنووسیدا کۆتایی بێت.

 85 رۆژە ئاڤێستا یوسف بەرزنجی دیارنەماوە و تیمەکانی سەرقاڵی دیاریکردنی چارەنوسین، بەڵام تا ئێستا هیچ سەرداوێکیان لەسەر روداوەکە دەستنەکەوتووە. 

رۆژی 5ـی نیسانی 2025، ئاڤێستا یوسف و خێزانەکەی بە مەبەستی گەشتکردن چوونە هاوینەهەوارەکانی سنوری قەزای مێرگەسۆر، بەڵام بە گێڕانەوەی کەسوکارەکەی " ئاڤێستا کەوتوەتە ناو روباری تەنگاتور" و لەوکاتەوە بێسەروشوێن بووە. 

رۆژی 5ـی تەمموزی 2025، دوای سێ مانگ گەڕان بەدوای چارەنوسی ئاڤێستا یوسف کۆتایی دێت، بەبێ ئەوەی بتوانرێت هیچ ئاماژەیەکی دۆزینەوەی دیاری بکرێت. 

روداوەکە لە سنوری ئیدارەی سەربەخۆی سۆران بووە، هەر بۆیە زۆرینەی گەڕان لەلایەن تیمەکانی ئەوانەوە ئەبجام دراوە،  بەرگری شارستانیی سۆران رایگەیاندووە،  ڕۆژانە چوار تا هەشت تیم بەدوای تەرمی مامۆستا ئاڤێستا دەگەڕێین و پرۆسەکە تا ڕۆژی 5-7 بەردەوام دەبێت و دواتر کۆتایی دێت". 

دیارنەمانی ئاڤێستا یوسف چەند سیناریۆیی جیاوازی هێنایە بەرباس، بەڵام کەسوکارەکەی لەبارەی چیرۆکی روداوەکەوە گێڕایانەوە، ئاڤێستا لەگەڵ براکەی بۆ وێنەگرتن چوونەتە کەناری روبارەکە، بەڵام لەو کاتەدا براکەی دەکەوێتە ناو رووباری تەنگاتوور، ئەویش هەوڵی رزگارکردنی دەدات و رزگاری دەکات، بەڵام خۆی دەکەوێتە ناوی و دەخنکێت.