تەندروستی

هۆکارەکانی زۆر میزکردنی شەوانە لە ئافرەتان چین؟

گۆڤاری نەمسایی بۆ نەخۆشیەکانی میزەڵدان ڕوونیکردەوە کە زۆر میزکردن لە شەودا لە ئافرەتان ڕەنگە بەهۆی ڕەفتاری نەشیاوی خواردنەوە بێت، وەک خواردنەوەی بڕێکی زۆر شلەی کافاین پێش خەوتن ،گۆڤارەکە هۆکارەکەی بۆ چەند حاڵەتێک گەڕاندۆتەوە ، وەک دووگیانی بەهۆی زیادبوونی فشار لەسەر گورچیلە و بۆری میز، یان وەرگەڕانی زێ و وەرگەڕانی منداڵدان.

هەروەها ژنان لەوانەیە تووشی ئەم حاڵەتە ببن بە هۆکاری پەیوەندیدار بە بۆری میزەوە، وەک میزڵدان چالاکی زۆر، هەوکردنی میزڵدان بەهۆی هەوکردنی بۆری میز، بەردی میزڵدان، وەرەمی میزڵدان، هەروەها تێکچوونی ئەو ڕێڕەو دەمارانەی کە میزکردن کۆنتڕۆڵ دەکەن بەهۆی نەخۆشیەوە، وەک چەندە نەخۆشی ئیسکەلەرۆسیس و نەخۆشی پارکینسۆن و شەکرە، جگە لەوەش زۆر میزکردن لە شەودا لە ئافرەتاندا ڕەنگە ئاماژە بێت بۆ سستبوونی دڵ.

لە لایەکی ترەوە ئەم حاڵەتە ڕەنگە بەهۆی فشاری دەروونی یان تێکچوونێکی دەروونییەوە بێت.
خانمان پێویستە ڕاوێژ بە پزیشک بکەن بۆ دیاریکردنی هۆکاری ڕاستەقینەی پشت میزکردنی زۆر لە شەواندا بۆ ئەوەی لەکاتی خۆیدا چارەسەری پێویستیان بۆ بکرێت و دووربن لە دەرەنجامە مەترسیدارەکان.

خانمان دەتوانن بەم جۆرە  میزکردنی زۆر لە شەودا کەم بکەنەوە بە کەمکردنەوەی شلەمەنی خواردنەوە بە تایبەت ئەوانەی کافاینیان تێدایە هەروەها ئەو خۆراکانەی دەوڵەمەند بە شلە 3 کاتژمێر پێش خەوتن.

هەواڵ

راپرسییەک بۆ پێوانەکردنی ئاستی دابڕانی کلتوریی لە هەرێمی کوردستان

دامەزراوەی ڤیژن فاوندەیشن، بۆ لێکۆڵینەوەی ستراتیژی، کار لەسەر پرۆژەیەک دەکات بۆ پێوانەکردنی ئاستی دابڕانی کلتوریی لە ناوچە جیاجیاکانی لە هەرێمی کوردستان، بۆ ئەومەبەستە فۆرمێکی ئەلیکترۆنی بڵاودەکاتەوە.

لە پێناسەی پرۆژەکەدا دامەزراوەی ڤیژن ئاماژە بەوەدەکەن، "کۆمەڵگای کوردستانی لە هەرێمی کوردستان سەرەڕای بوونی ژێرخانێکی دەوڵەمەندی کلتووری و تۆڕێک پەیوەندی هەمەجۆر لەناو کۆمەڵگاکەماندا، بەڵام هێشتا بەربەست و گرفتی گەورەی ناوخۆیی و بگرە جۆرێک لەدابڕانی کلتوریش هەیە، کە دەکرێ وەکو مەترسی سەیر بکرێ، بۆ هاوبەشی و یەکگرتویی کۆمەڵگا".

ئاماژە بەوەکراوە کە ئەو ناوچانەی هەرێمی کوردستان کە بە "شێوەزاری بادینی" دەدوێن و دەنوسن و دەخوێننەوە، لەگەڵ ئەو ناوچانەی کە بە "سۆرانی" دەدوێن و دەنوسن و دەخوێننەوە دابڕانە کلتورییەکە زیاتر بەدیدەکرێت.

ئامانجی پرۆژەکە دەرخستنی راستی و روونی و قەبارەی ئەو دابڕانە کلتووریەی لە نێوان ناوچە جیاوازەکانی هەرێمی کوردستاندا هەن، بۆ دەستنیشانکردنی بەربەست و رێگرییەکانی بەردەم ئاڵوگۆڕی کلتوورییە.

بەپێی پرۆژەکەی دامەزراوەی ڤیژن، لەکۆتاییدا پەڕاوێکی پێشنیاز بۆ حکومەتی هەرێمی کوردستان و پەرلەمان ئامادەدەکرێت و لەپێناوی "گەشەپێدانی کلتووری و چارەسەرکردنی گرفت و لابردنی بەربەستەکان". 

لێرە دەتوانیت فۆرمەکە پڕبکەیتەوە:

https://docs.google.com/forms/d/e/1FAIpQLSdJmmTCgpRhFI-5XhJlNMNmci6tLRQdgDAm7DtiRf_pbr5sHw/viewform?pli=1