تەندروستی

ئەو خواردنەوانەی لەشمان لە ژەهر پاک دەکەنەوە

📌چای گوڵە بەیبوون: ئەم چایە زۆر بەسوودە ژمارەیەکی زۆر خەڵک دەیخۆنەوە بڕێکی زۆر مادەی دژە ئۆکسان و ئاکتۆنیان تێدایە، کە سوودی زۆریان لە پاکردنەوەی جەستە دەبێت.

📌ئاوی لیمۆ: ئاوی لیمۆ ژمارەیەکی زۆر مادەی خۆراکی گرنگ و پێکهاتەی سوودبەخشی تێدایە ولە بەیانیان یان شەوان پێش خەوتن لەگەڵ ئاوی گەرم بخورێتەوە سوودێکی زۆری بۆمان دەبێت.

📌چای گوڵ:جۆرەکانی گوڵ تەنها نیشانەیەک نییە بۆ خۆشەویستی بەڵکو، سودێکی زۆری لە پاک کردنەوەی جگەر دەبێت و وزەیەکی زۆر بە جەستە دەبەخشێت.

📌چای نەعنا : نەعنا یەکێکە لە ڕووەکە سوود بەخشەکان و کاتێک وەک چا دەخورێتەوە سوودێکی زۆر بە ئەندامەکانی جەستە دەبەخشێت و لەشمان لە ژەهر پاک دەکاتەوە.

📌چای شۆفان: شۆفان ڕێژەیەکی زۆر مادەی ڤیتامین و ڕیشاڵەکانی تێدایەو ژمارەیەکی یەکجار زۆر سوود بە تەندروستی دەگەیەنێت و لەشمان پاک دەکاتەوە.

هەواڵ

ڤیدیۆی ناو زیندانەکانی عێراق وەزارەتی داد رووگیردەکات

لەناو زیندانەکانی عێراقەوە ڤیدیۆی توندوتیژییەکانی تاوانباران بڵاودەبنەوە کە بەبێ ئاگاداریی ئیدارەی گرتووخانەکان، دەستدرێژیی دەکەنە سەر یەکتریی و بە مۆبایل وێنەی دەگرن و پاشان لە تۆڕە کۆمەڵایەتییەکان بڵاویدەکەنەوە.

کەسێک ناوی "باسمی نەجەف"ە، تاکێک پێڵاوی بەدەستەوەیە و دەیکێشێت بە شان و ملی زیندانییەکانی دیکەدا لە گرتووخانەی تاجی و بەجوێن و قسەی ناشرین سوکایەتییان پيدەکات.

ڤیدیۆکە مێژووەکەی دەگەڕێتەوە بۆ مانگێک لەمەوبەر، کاتێک تۆمارکراوە کە توانراوە ئەو کەسە دەستگیربکرێت کە ویستویەتی ماددەی هۆشبەر بگەیەنێتە دەستی زیندانییەکان.

بەڕێوەبەرێتی چاکسازییەکان عێراق، جەخت لەوە دەکاتەوە کە لەڕێگەی کامێرای چاودێرییەوە لەکاتی خۆیدا روداوەکەیان بینیوە و سزای یاسایی ئەو کەسانەش دراوە کە مۆبایل و کەرەستەکانی بەنهێنی گەیاندووەتە دەستی زیندانییەکان.

هەروەها لە ڤیدیۆیەکی دیکەدا، زیندانییەکان بەشێوەیەکی نائاکاریی پاڵکەوتوون و وا دەردەکەوێت کە سوکایەتی بە کەسێتیی یەکتریی دەکەن.

دیمەنەکان زۆر بەخێرایی بون بە ترێند لە تۆڕە کۆمەڵایەتییەکان و وەزارەتی دادی عێراقی ناچارکرد روونکردنەوە لەوبارەیەوە بڵاوبکاتەوە.

وەزارەتی داد، کە وەزیرەکەی کوردە و ناوی خالید شوانییە، ئەگەرچی ئەوە پشتڕاستدەکەنەوە کە دیمەنەکان لە زیندانەکاندا تۆمارکراون، بەڵام جەخت لەوە دەکەنەوە کە "زۆرینەی ئەو ڤیدیۆیانە کۆنن".

سەبارەت بە ڤیدیۆ تازەکانیش وەزارەتەکە دەڵێت: "دەستیان بە لێکۆڵینەوە کردووە بۆ زانینی هۆکاری بڵاوکردنەوەی ئەو ڤیدیۆیانە".

بەپێی ئامارەکانی وەزارەتی داد، 300٪ی زیندانەکانی عێراق پڕبون لە سزادراو، بە واتایەکی دیکە زیندانەکان سێهێندەی توانای ئاسایی خۆیان سزادراویان تێدا گلدراوەتەوە.