هەواڵ

ئەنجامەکانی هەڵبژاردن دیلان دەکاتە سەرۆکوەزیرانی هۆڵەندا؟

بەگوێرەی ئەنجامە بەراییەکانی هەڵبژاردنی پێشوەختەی پەرلەمانی هۆڵەندا، پارتەکەی دیلان یەشیلگۆز کە پارتی گەل بۆ ئازادی و دیموکراسییە لە پلەی سێیەم هاتووە و 23 کورسی بەدەستهێناوە.

رۆژی چوارشەممە، 22ی تشرینی دووەمی 2023، هۆڵەندییەکان چوونە سەر سندووقەکانی دەنگدان بۆ هەڵبژاردنی ئەندامانی نوێی پەرلەمان و بەگوێرەی ئەنجامە بەراییەکانی، پارتی ئازادی هۆڵەندا، کە بە پارتێکی راستڕۆ و "دژەکۆچبەر و دژە ئیسلامی" ناسراوە، 35 کورسی لە کۆی 150 کورسیی پەرلەمان بەدەستهێناوە، ئەمەش لەکاتێکدایە، لە هەڵبژاردنەکانی ساڵی 2021دا، خاوەنی 17 کورسی بوو. 

بەو ئەنجامە ئەو پارتە راستڕۆیە سەرپشک دەکات بۆ سەرپەرشتیکردنی گفتوگۆکانی پێکهێنانی کابینەی نوێی حکومەتی هۆڵەندا. 

لە دوای راگەیاندنی ئەنجامە بەراییەکانی هەڵبژاردن، خیرت ڤیڵدەرز، سەرۆکی پارتی ئازادی لە پەیامێکدا رایگەیاند "چیدیکە پارتەکەمان نابێت پشتگوێ بخرێت و داوا لە پارتەکانی دیکە دەکەم، پێکەوە کاربکەین و ئێمە حوکمڕان دەبین." 

هەرچی هاوپەیمانیێتی سەوزەکان و پارتی کارە لە پلەی دووەم هاتووە بە بەدەستهێنانی 26 کورسی. لە پلەی سێیەمدا پارتەکەی دیلانە کە پارتی گەل بۆ ئازادی و دیموکراسییە و، بەگوێرەی ئەنجامە بەراییەکان تەنیا 23 کورسی بەدەستهێناوە، ئەمەش لەدوای ئەوەی لە هەڵبژاردنەکانی ساڵی 2021ـدا، خاوەنی 34 کورسی بوون.

پارتی گەل بۆ ئازادی و دیموکراسی لەماوەی 13 ساڵی رابردوودا، پارتی دەسەڵاتدار بووە، مارک رووتە سەرۆکی پارتەکە، لەو ماوەیەدا، سەرۆکوەزیرانی هۆڵەنداش بووە.

بەڵام لە تەممووزی ئەم ساڵ، لە دوای ئەوەی کابینەکەی لەسەر چارەسەرکردنی قەیرانی کۆچبەران لە هۆڵەندا، رێکنەکەوتن، بڕیاری هەڵوەشاندنەوە و هەڵبژاردنی پێشوەختەی دا.

بۆ بەدەستهێنانی زۆرینە، لایەنەکان پێویستیان بە بەدەستهێنانی 76 کورسییە و هیچ پارتێک بەتەنیا ئەو ژمارە کورسیەی بەدەستنەهێناوە و هەمووان پێویستیان بە پێکهێنانی هاوپەیمانێتییە بۆ پێکهێنانی کابینەی نوێی حکومەتی هۆڵەندا. 

چاوەڕوان دەکرێت رۆژی 5-12-2023 پەرلەمانی ئێستا کۆبێتەوە و رۆژی 6-12-2023ـیش پەرلەمانی نوێ کۆبێتەوە. مارک رووتە و کابینەکەی لە راپەڕاندنی ئەرکەکانیان بەردەوام دەبن تاوەکو حکومەتی نوێ دەستبەکاردەبێت.

بەرنامەی هەڵبژاردنی پارتی ئازادی بریتیی بووە لە بەڕێوەچوونی گشتپرسییەک بۆ دەرچوون لە یەکێتی ئەوروپا. راگرتنی وەرگرتنی تەواوی پەناخوازان و گەڕاندنەوەی سەرجەم کۆچبەران لەسەر سنوورەکانی هۆڵەندا.  

Tech

"homeOS"... ئەپڵ بە ڕۆبۆتێکی ناوازە بازاڕی ئامێرە زیرەکەکانی ماڵەوە دەکاتە ئامانج

بەپێی ڕاپۆرتێکی نوێی بلومبێرگی ئەمریکی، ئەپڵ هەوڵدەدات بوونی خۆی لە بازاڕی ئامێرە زیرەکەکانی ماڵەوە لە ڕێگەی ستراتیژییەکی نوێ و گەورە مەبەستەوە بەهێز بکات.

ئێستا کۆمپانیای ئەپڵ خەریکی پەرەپێدانی سیستەمێکی نوێی کارپێکردنە کە بە homeOS ناسراوە، لەگەڵ شاشەیەکی زیرەک و ئامێرێکی پێشکەوتووی ڕۆبۆتی سەر مێز.

بلومبێرگ ئاماژەی بەوەدا کە گرنگیدانی ئەپڵ بە بازاڕی ئامێرە زیرەکەکانی ماڵەوە لەسەر بنەمای سێ پێکهاتەی سەرەکییە کە بریتین لە شاشە، زیرەکی دەستکرد و نەرمەکاڵا.

کۆمپانیاکە بەنیازە شاشەی ماڵەوە بە نرخێکی گونجاو بخاتە بازاڕەوە، هاوشێوەی ئایپاد، کە دەتوانرێت لە دەوروبەری ماڵەکەدا دابنرێت، هاوشێوەی بڵندگۆکانی HomePod.

ئەم شاشانە ڕێگە بە بەکارهێنەران دەدەن دەستیان بگات بە چەندین تایبەتمەندی وەک سەیرکردنی ناوەڕۆک و پەیوەندیکردنی FaceTime و گەڕان بە ئینتەرنێتدا.

پێشبینی دەکرێت زیرەکی دەستکرد ڕۆڵێکی گرنگ بگێڕێت لە ستراتیژی ئەپڵ بۆ ئامێرە زیرەکەکانی ماڵەوە، هەروەها سیستەمی زیرەکی ئەپڵ ڕێگە بە بەکارهێنەران دەدات بە وردی کۆنترۆڵی ئامێر و بەرنامەکان بکەن، هەروەها ئۆتۆماتیکی پێشکەوتوو لە ئامێرەکانی ماڵەوە بەدەست بهێنن.

بلومبێرگ ئاماژه ی به وه دا که ئه م ئامێره ڕۆبۆتییه که پێشبینی ده کرێت به نرخی هه زار دۆلار بخرێته بازاڕه وه ، یه که م به ڕهه م ده بێت که به ته واوی له سه ڕ پلاتفۆرمی زیره کی ده ستکردی Apple Intelligence پەرەی پێبدرێت، بەو پێیەی دەتوانێت لە ژینگەی دەوروبەری تێبگات و... بە شێوازی زیرەکتر کارلێک لەگەڵ بەکارهێنەران بکەن.

لە بەرەی نەرمەکاڵا، ئەپڵ خەریکی پەرەپێدانی سیستەمێکی نوێی کارپێکردنە کە بە homeOS ناسراوە، کە لەسەر بنەمای سیستەمی tvOS دەبێت کە لە تەلەفزیۆنە زیرەکەکانی ئەپڵ تیڤیدا بەکاردێت کۆمپانیاکە لەم دواییانەدا دیزاینی بەرنامەی Home ی کردووەتەوە، ئەمەش ڕەنگدانەوەی پابەندبوونیەتی بە باشترکردنی ئەزموونی بەکارهێنەر لەگەڵ ئامێرە زیرەکەکانی ماڵەوە.

شایانی باسە کە هەوڵەکانی پێشووی ئەپڵ لە بازاڕی ئامێرە زیرەکەکانی ماڵەوە تا ئێستا سەرکەوتنی خوازراویان بەدەست نەهێناوە، بەڵام زۆر کاردەکات بۆ پەرەپێدانی پرۆتۆکۆڵی Matter بۆ ئامێرە زیرەکەکان بە مەبەستی پشتگیریکردنی پەیوەندی فراوانتر لەگەڵ ئامێرەکانی کۆمپانیاکانی تر.

پێدەچێت ئەپڵ دەرفەتی ئەوەی هەیە بۆ بەدەستهێنانی سەرکەوتن لەم بازاڕەدا، بە لەبەرچاوگرتنی ئەوەی کە ڕکابەرەکانی وەک ئەمازۆن و گووگڵ هێشتا نەیانتوانیوە زاڵ بن بەسەر ئەم بوارەدا. ڕەنگە ئەپڵ سوود لە ناوبانگە بەهێزەکەی وەربگرێت و سەرنجی لەسەر ئەزموونی بەکارهێنەر بێت بۆ بەدەستهێنانی سوودێکی کێبڕکێ بەسەر کۆمپانیاکانی تردا.