هەواڵ

میشێل ماندۆز کێیە؟ بۆچی لەماڵی پێشڕەو دزەیدا بووە؟

Mic
2024-01-17

گەڕاند و پشکیننەکان بۆ دۆزینەوەی میشێل ماندۆز کە خانمێکی فیلیپینیە و یەکێکە لەقوربانییەکانی بۆردوومانەکەی سوپای پاسداران بۆ ماڵی پیشڕەو دزەیی، بەردەوامە، 

پاش تێپەڕینی زیاتر لە 48 کاتژمێر بەسەر بۆردوومانکردنی ماڵی پێشڕەو دزەیی، سەرمایەداری ناسراوی هەولێر لەلایەن سوپای پاسدارانەوە، هێشتا تەرمی ژنێک بەناوی میشێل ماندۆز، لەژێر داروپەردووی خانوەکەدا ماوەتەوە و نەدۆزراوەتەوە.
میشێل ماندۆز، خەڵکی فیلیپینە و کارگوزاربووە لەماڵی پێشڕەو دزەیی کاریکردوە.
کاروان میراودەلی وتەبێژی بەرگری شارستانی هەولێر ئەمڕۆ چوارشەممە، راگەیاند، دوای نزیکەی ٤٠ کاتژمێر تا ئێستا هەڵمەتی گەڕان بەردەوامە بە شوێن ئەو ژنەدا کە لە ژێر دارووپەردووی ماڵی ( پێشڕەو دزیەیی)دا ماوەتەوە.

شەوی 15 ی ئەم مانگە سوپای پاسدارانی ئێران ژمارەیەک مووشەکی بالسیتی زیرەکی دوور مەودای ئاراستەی شاری هەولێر کرد و چەند شوێنێکی بە ئامانج کرد، یەکێک لەو شوێنانە ماڵی پێشڕەو دزەیی، سەرمایەداری هەولێر و خاوەندی گرووپی کۆمپانیاکانی ئیمپایەر و فاڵکۆن گرووپە کە خۆیی و کچێکی دوو ساڵی گیانیانلەدەستدا و هاوسەر و دوو کوڕیشی بریندارن.

هەروەها خانمە کارگوزار میشێل ماندۆز کە لەماڵەکەی پێشرەو دزەییدا کاریکردوە، ئەویش گیانیلەدەستداوە و تاءیستا تەرمەکەی نەدۆزراوەتەوە.

رووداوەکە کاردانەوەی توندی ناوخۆیی نێودەوڵەتی لێکەوتەوە و داوایانکرد کە هێرشەکان رابگرێت و خەڵکی مەدەنی نەکاتە ئامانج.

More News

Most Popular

Tech

"لە سکرینی مۆبایلەکەتەوە دەتوانێت هەست بە ڕووی ماددەکان بکەیت"

Mic
2024-06-20

تەکنەلۆژیایی هاپتیک بریتییە لە تەکنەلۆژییایەک کە توانای هەستکردنی سێ ڕەهەندی بۆ بەکارهێنەر دروستدەکات لە ڕێگەی دەست لێدان لە سکرینی مۆبایلەکەتەوە، ئەم تەکنەلۆژییایە وەک خولقاندی ڕاستییەکی خەیاڵی وایە کە دەتوانیت بەرکەوتن و کارلێکت لەگەڵ ئەو ڕاستییە دروستکراوەدا هەبێت.
توێژەرانی زانکۆی نۆرسوێسترنی ئەمەریکی پێشکەوتنی بەرچاویان لەم بوارەدا بەدەستهێناوە. سکرین تەچێکیان پەرەپێداوە کە دەتوانێت چەندین جۆری پێکهاتە دروست بکات، لە زبرەوە بۆ نەرم. ئەمەش لە بنەڕەتدا شاشەکە فشار دەخاتەوە سەر پەنجەت کاتێک پەنجە دەنێت بە شاشەی مۆبایلەکەدا.
پرۆفیسۆر پێشکین سەرپەرشتیاری سەرەکی توێژینەوەکە کۆمپانیایەک بە ناوی تانڤاس بە هاوبەشی دامەزراندبوو، ئامانجییان بەبازرگانیکردنی ئەم تەکنەلۆژییایەبوو. تیمەکەی پێشکین تابلێتێکیان بە قەبارەی ئایپاد دروستکردبوو کە ڕێگەی بە بەکارهێنەران دەدا هەست بە پێکهاتەی جۆراوجۆر بکەن وەک پێست و قوماش و تەنانەت شێوەی سێ ڕەهەندیش. بەڵام تەکنەلۆژیاکە نەیتوانی هەستەکانی وەک گەرمی یان قوڵی تەنێک دروستبکەن. سەرەڕای سەرکەوتنی سەرەتایی کۆمپانییاکە، لە کۆتاییدا تانڤاس ڕوبەڕوی ئاستەنگی دارایی بووەوە و کارەکانی وەستاند.
بەڵام لێکۆڵینەوەکان بەردەوامبوون. ئامانجی درێژخایەنی پێشکین و تیمەکەی بریتییە لە دروستکردنی "هەستی دەست لێدانی ڕاستەوخۆ لە ڕێگەی ئینتەرنێت"ـەوە، کە دەتوانرێت داتای هەستیار لە کاتی ڕاستەقینەدا لە ڕێگەی ئینتەرنێتەوە بگوازرێتەوە بە بەکارهێنانی 5G. ئەم پلانە لەگەڵ دیدگای مارک زوکەربێرگدا هاوتەریبە بۆ دروستکردنی "جیهانێکی بەرجەستەکراو" لەناو میتاڤێرسدا.
هەستکردن بە ڕووکاری سێ ڕەهەندی لە ڕێگەی تەکنەلۆژییای هاپتیکەوە پێشکەوتنێکی بێئەندازەیە بۆ داهاتوو بە بۆچونی شارەزایان.