هەواڵ

هەرێمە جیاوازەکە بۆتە زیندانی رۆژنامەنووسان

ساڵانێک کە نازناوی" هەرێمە جیاوازەکە" یان "عێراقەکەی تر" یان وەکپیاهەڵدان بە باڵای هەرێمی کوردستاندا دەوت، بەڵام ئێستا لەو "هەرێمە جیاوازەدا" چوار رۆژنامەنووس لەسەر کاری رۆژنامەوانی حوکمدراون و لەزینداندان

كۆمیتەی پاراستنی رۆژنامەنووسان سی پی جەى رایگەیاند، ساڵى رابردوو ژمارەى رۆژنامەنووسى زیندانیکراو لە هەرێمى کوردستان بۆ چوار رۆژنامەنووس بەرزبووەتەوە.

كۆمیتەی پاراستنی رۆژنامەنووسان سی پی جەى ئاماری رۆژنامەنووسە زیندانیكراوەكانی جیهانی بۆ ساڵی ٢٠٢٣ بڵاوكردەوە، لە بەشێكیدا باس لە هەرێمی كوردستان دەكات و دەڵێت، چوار رۆژنامەنووس لە هەرێمی كوردستان زیندانی كراون یەكێكیان نوێیە و لە ساڵی ٢٠٢٣دالە هەرێمی کوردستان زیندانی کراوە.

سه‌نته‌ری میترۆ بۆ داکۆکى لە رۆژنامەنوسیان رایگەیاند، 18ی ئەم مانگە، راپۆرتی ساڵی 2023 پێشێلکارییەکانی بڵاوکردەوە و کە تێدا ٢٤٩ پێشێلکاری بەرامبەر رۆژنامەنوسان تۆمارکراوە، کە ٣٧ حاڵه‌تیان ده‌ستگیركردنی رۆژنامه‌نوسان بوو به‌بێ بڕیاری دادگا و ٢٧ حاڵه‌تی هێرش و هه‌ڕه‌شه‌ و سوكایه‌تیش بە رۆژنامەنووسان هەبووە.

چەند ساڵیکە بەهۆی فشاری سیاسی هێزە سیاسییە دەسەڵاتدارەکان و بەرپرسانی باڵای حکومەتەوە، پاشەکشەی گەورە لەبواری ئازادی کاری میدیا و ئازادی رادەربڕین لەهەرێمدا کراوە، ئەوەش وایکردوە کە زۆربەی راپۆرتە نێوخۆیی و نێودەوڵەتییەکان رەخنەی توند لە دەسەڵاتدارانی هەرێم بگرن.

هەواڵ

ئەنجوومەنی دەوڵەت وەڵامی ئەنجوومەنی وەزیرانی عێراق دەداتەوە

کۆبوونەوەی ئەنجوومەنی دەوڵەت لەبارەی داهاتی نانەوتیی هەرێمی کوردستان کۆتایی هات و چاوەڕوان دەکرێت ئەمڕۆ وەڵامی ئەنجومەنی وەزیرانی عێراق بداتەوە.

بەگوێرەی زانیارییەکان لە کۆبوونەوەکەدا شاندێکی هەرێمی کوردستان بەشداربوون، کۆبوونەوەکە بە هەنگاوێکی گرنگ بۆ چارەسەری گرفتی مووچەی هەرێمی کوردستان دادەنرێت.

ئەنجوومەنەکە ئەمڕۆ چوارەم کۆبوونەوەی لەسەر پرسی داهاتی ناوخۆی هەرێمی کوردستان ئەنجامدا و، تێیدا تاوتوێی پرسی داهاتی نانەوتیی هەرێم، کە یەکێکە لە خاڵە ناکۆکانی نێوان حکومەتی هەرێم و عێراق.

هەر بەگوێرەی زانیارییەکان؛ پێشبینیدەکرێت ئەمڕۆ ئەنجوومەنی دەوڵەت ئەنجامی کۆبوونەوەکە بە راپۆرتێک بۆ ئەنجوومەنی وەزیرانی عێراق بەرزبکاتەوە.

رای ئەنجوومەنەکە لە بارەی کێشەی هەولێر و بەغدا لەسەر داهاتی ناوخۆ بە یەکلاکەرەوە ناو دەبرێت و بۆ چارەسەری پرسی داهاتیی ناوخۆی هەرێمی کوردستان لەنێوان هەولێر و بەغدا.

لە کاتێکدا ژمارەیەک لە چاودێران پێیان وایە، ئەو ئەرکەی بە ئەنجوومەنی دەوڵەت سپێردراوە؛ کاری ئەو نییە و ناتوانێت چارەسەر بۆ کێشەکە بدۆزێتەوە، بەڵکو دەبێت کێشەی داهاتی ناوخۆی هەرێم، دادگای باڵای فیدراڵی بڕیاری لەبارەوە بدات.