ژیان

چەند خوویەک کە مرۆڤ بەدبەخت دەکات... یەکسەر لێیان دوور بکەوە

زۆر بیرکردنەوە و سترێس لە هەندێک لەو خووانەن کە مرۆڤەکان دڵخۆش ناکەن
کەسێک دەتوانێت ڕۆژەکەی بە شێوەیەکی زۆر ئەرێنی دەستپێبکات، خۆی ئامادە بکات بۆ دەستپێکردنی کار، بەڵام لە ڕۆژدا، لەوانەیە هەست بە خراپبوونی باری دەروونی بکات، و لەکاتێکدا ڕەنگە هەندێک لەم شتانە ئاسایی بن، بەڵام ئەگەری ئەوەش هەیە کە هەندێک خوو هەبن کە دڵتەنگت بکەن بەگوێرەی ڕاپۆرتێکی ماڵپەڕی Health Shots کە بڵاوکراوەتەوە، شتگەلێکی وەک زۆر بیرکردنەوە، فشاری دەروونی، چاوەڕوانییەکان و بەردەوام بەراوردکردنی خۆت بە کەسانی دیکە تەنها هەندێک لەو خووانەن کە مرۆڤەکان دڵخۆش ناکەن، ڕەنگە هەندێک کەس درک بەو شتە نەکەن، بەڵام ئەگەر بتوانن لەم خووە نەرێنیانە ڕزگاریان بێت، لەوانەیە خۆیان بەختەوەرتر ببیننەوە.

پزیشکی دەروونناس و ڕاهێنەری تەندروستی ئەخلاقی ئەنیشا جونجونوالا ئامۆژگاری دەکات کە ڕێگا هەیە بۆ ئەوەی ژیانی مرۆڤ گەشاوەتر بێت، لەوانە دەستنیشانکردنی ئەو هۆکارانەی کە دڵخۆشی دەکەن و گۆڕینی هەر شتێک کە دڵخۆشتر دەکات، بەم شێوەیە:

📌زۆر بیرکردنەوە
📌جەخت لەسەر بارودۆخە بچووکەکان بکەرەوە
📌ڕاگرتنی کینە
📌بەراورد کردنی خۆت لەگەڵ ئەوانی تر
📌زوو دەستبەردار بوون
📌تەرکیز نەکردن لەسەر خۆت
📌نەخەوتنی پێویست
📌هەست نەکردن بە سوپاسگوزاری بە ڕادەی پێویست
📌بیرکردنەوەی نەرێنی

هەواڵ

"حزبی دیموکرات دەڵێت "ئاسایش بێهزاد خوسرەوی رادەستی ئیتڵاعات کردۆتەوە

حزبی دیموکراتی کوردستانی ئێران دەڵێت" ئاسایشی سلێمانی بێهزاد خوسرەوی ئەندامی ئەو حزبەیان دەستگیرکردوە و رادەستی ئیڵاعاتی ئێرانیان کردۆتەوە، بەڵام ئاسایش دەڵێت لەسەر داوای خۆی گەڕێندراوەتەوە.

دەنگۆی رادەستکردنەوەی ئەندامێکی حزبی دیموکراتی کوردستانی ئێران، کە پارتێکی ئۆپۆزسیۆن، کاردانەوەی لێکەوتۆتەوە، ئاسایشی سلێمانی رۆژی هەینی رایگەیاند کە "بێهزاد خوسرەوی ماوەی مۆڵەتی مانەوەی لە هەرێم تەواو بووە بۆیە لەسەر داوای خۆی گەڕندراوەتەوە بۆ رۆژهەڵاتی کوردستان."

بەڵام ئەمڕۆ شەممە، حزبی دیموکراتی ئێران ئەو لێدوانە ڕەتدەکاتەوە و دەڵیت" بێهزاد خوسرەوی لەلایەن ئاسایشیەوە دەستگیرکراوە و رادەستی ئیتڵاعاتی سنە کراوەتەوە.

ڕۆژی 6-9-2024، ڕێکخراوی مافی مرۆڤی هەنگاو بڵاوی کردەوە، هەفتەی ڕابردوو چالاکوانێکی خەڵکی سەقز بەناوی بێهزاد خوسرەوی تەمەن 35 ساڵ کە خاوەن پێداویستیی تایبەت بووە و ئەندامی حیزبی دیموکراتی کوردستانی ئێران بووە، هاوکات ئەندامی فەرمی کۆمیسیاری باڵای پەنابەرانی نەتەوەیەکگرتووەکان بووە، دوای دەستگیرکردن و ئەشکەنجەدانی لەلایەن هێزە ئەمنییەکانی سلێمانی ڕادەستی ئێران کراوەتەوە.

ناوەندی تەشکیلاتی حیزبی دیموکراتی کوردستانی ئێران ڕایگەیاندووە، لە ماوەی دوو هەفتەی ڕابردوودا بەهزاد خوسرەوی لە شاری سلێمانی دووجار لەلایەن ئاسایشەوە بانگ کراوە و جاری دووەم و دوای چەند ڕۆژێک لە بەندکردن و ڕاگرتن، ڕادەستی ئیدارەی ئیتلاعاتی شاری سنە کراوەتەوە.

حیزبی دیموکرات وەڵامی ئاسایشی سلێمانی داوەتەوە و ئاماژەی بەوە کردووە، کە بەهزاد خوسرەوی ماوەی زیاتر لە 10 ساڵە لەگەڵ دایک و خوشکی لە هەرێمی کوردستان لە شاری سلێمانی دەژین و بەپێ هەموو بەڵگە بەردەستەکان، لە نیشینگەی شاری سلێمانی مۆڵەتی مانەوە و نیشتەجێبوونیان وەرگرتووە، مانەوەیان لەو شارە یاسایی و بەپێی ڕێوشوێنەکانی حکومەتی هەرێمی کوردستان بووە.

ماوەی حەوت ساڵ بەهزاد و بنەماڵەکەی ئەندامی حیزبی دیموکرات بوون، لە هەموو ئەو ماوەیەشدا لە چوارچێوەی یاسا و ڕێوشوێنەکانی حکومەتی هەرێمی کوردستان لە سلێمانی ژیاون،  هیچ لادان و سەرپێچییەک لە ناوبراو ڕووی نەداوە کە لە دادگایەکدا لەسەری سەلمێندراوبێت، تەنانەت وەک پەناخوازی سیاسی لە کۆمیساریای بەرزی پەنابەران، نوێنەرایەتیی UN لە هەرێمی کوردستان ناوی تۆمار کردوە. 

حیزبی دیموکرات ڕادەستکردنی بەهزاد خوسرەوی بە کۆماری ئیسلامیی ئێران سەرکۆنە دەکات و دەڵێت، دەبوایە دۆسیەی گرتنی بەپێی یاسا لە دەزگای دادی هەرێمی کوردستاندا بڕیاری لەسەر درابا، نەک ناوبراو کە ئەندامی حیزبێکی سیاسیی دژبەری ئێران و پەناخوازی سیاسی نیشتەجێی هەرێمی کوردستانە، لەلایەن دەزگای ئاسایشی سلێمانییەوە ڕادەست بکرێتەوە.