تەندروستی

ئەمانە هۆکاری درزی لێوەکانن

Mic
2024-01-30

گۆڤارەکە باس لە تەندروستی و جوانکاری دەکات، ڕوونیکردووەتەوە کە درز کەوتنی لێو ڕەنگە بەهۆی کەمی شلەمەنی لە جەستەدا بێت، هەروەها ڕەنگە ئاماژە بێت بۆ نەخۆشییەکی هەوکردنی پێست، وەکو هەوکردنی پێستی دەمار، ئەگەر درزەکە نیشانەکانی دیکەی لەگەڵدا بێت وەک هەستکردن بە سووتاندن و توندبوونەوە.

هۆکاری درزبوونی گۆشەکانی دەم لە بەدخۆراکی، کەمی ماددە خۆراکیەکان، یان هەوکردنی قارچکیدایە، لەکاتێکدا دەرکەوتنی تاڵە موو لەسەر لێوەکان ئاماژەیە بۆ هەوکردنی هێرسیس.

گۆڤارەکە ئاماژەی بەوەشکردووە، ئاوسانی لێو ئاماژەیە بۆ هەستیاری، بەتایبەتی ئەگەر ئاوسانی لێو لەگەڵ سوتان و خورانی ناو دەمدا بێت، لەکاتێکدا ڕەنگی لێوەکان ئاماژەیە بۆ کەمی ئاسن لە جەستەدا.

گۆڕانی ڕەنگی لێو بۆ شین، ئاماژەیە بۆ بوونی کێشەیەکی تەندروستی جددی، وەک کەمی ئۆکسجین کە لە ئەنجامی کێشەی سییەکان یان دڵەوە دروست دەبێت، تێکچوونی سووڕی خوێن، یان ژەهراویبوون.

بابەتی لێکچو

More News

Most Popular

زانست

ئایا ماسی دوای بەستنی دووبارە زیندوو دەبێتەوە؟

Mic
2024-07-25

لە بابەتێکی ماڵپەڕی " earthdate" دا باس لەوە دەکات کە ماسی بە گشتی توانای خۆگونجاندن لەگەڵ گۆڕانی پلەی گەرمیدا هەیە و دەتوانێت لە ئاوی سارددا بۆ ماوەیەکی زۆر بژی، بەڵام ئەگەر ئاوێک بە تەواوی بەستوو بێت، ئەگەری ئەوە هەیە هەندێک لە ماسییەکان بمرن.
لێرەدا پرسیارەکە ئەوەیە چۆن ماسییەکان لە دەریاچە بەستووەکان و ئاوەکانی ناوچە جەمسەرییە سەهۆڵاوییەکانی زەویدا دەژین؟
ماسییەکان کۆمەڵێک ستراتیژی بەکاردەهێنن بۆ مانەوەیان لە ژیاندا، ئەوانیش بریتین لە:
- خاوبوونەوەی میتابۆلیک، ماسی دەچێتە دۆخێکەوە پێی دەوترێت "torpor" ئەمەش هاوشێوەی خەوی زستانەیە، بەڵام بەو شێوەیە قووڵ نییە، پلەی گەرمی جەستەیان لەگەڵ پلەی گەرمی ئاوەکەدا دادەبەزێت و لێدانی دڵ و هەناسەدان و ئاستی چالاکی و جوڵەکانی بە شێوەیەکی سەرنجڕاکێش کەم دەبنەوە، بەم شێوەیەش وزە دەپارێزێت چونکە جەستەیان پێویستی بە جوڵە نییە.
- دەڕۆنە قووڵاییەکی زۆرترەوە، زۆرێک لە جۆرەکانی ماسی دەچنە ناوچە قووڵاییەکانی دەریاچەکانەوە کە پلەی گەرمی ئاوەکە جێگیرتر دەمێنێتەوە و کەمتر ئەگەری بەستنی تەواوەتی هەیە، ئەمەش ماسییەکە دەپارێزێت وادەکات لە ژیاندا بمێنێتەوە.
- کەمبوونەوەی ئارەزووی خواردن، بەو پێیەی ئاستی چالاکییەکانیان زۆر کەم دەبێتەوە، ماسییەکان پێویست ناکات لە وەرزی زستاندا وەکو جاران خۆراک بدۆزنەوە، لەوانەیە زۆر کەم بخۆن یان پشت بە وزەی یەدەگی خۆیان ببەستن.
- گونجاندنی فیزیۆلۆژی، هەندێک جۆری ماسی گونجانی تایبەتیان لە جەستەیاندا هەیە کە یارمەتیان دەدات لە سەرمادا بمێننەوە، بۆ نموونە هەندێکیان پرۆتینی دژە بەستن لە خوێنیاندا هەیە کە ڕێگری لە بەستنی خانەکانیان دەکات.
هەر بۆیە بە بەکارهێنانی ئەم ستراتیژانە، ماسییەکانی دەریاچە بەستووەکان دەتوانن وزەی خۆیان بپارێزن و لە بارودۆخی سەختی زستاندا بژین تا بەهار دێت.

TVPodcastهەواڵبنکۆڵکاری دەربارەی ئێمە 18-

ریکلاممان لەگەڵ بکە

+964 (0)770 153 6483

[email protected]

Designed and developed by AVESTA GROUP

Mic News. ©2021 All rights reserved