هەواڵ

هێرشەکەی ئەمریکا هەر ئەوەندەیە؟

شەوی رابردوو لە ئەنجامی چوار بۆردومانی فڕۆکەی نەناسراو بۆسەر ناوچەکانی سنووری دێرەزور شەش ئەندامی گروپە چەکدارەکان گیانیان لەدەستدا و چواری دیکەش بریندار بوون، لە هەمان کاتیشدا سێ ناوچەی عێراق بۆردوومانکرا و بەهۆیەوە پێنج کەس گیانی لەدەستداوە و ١١ کەسیش بریندار بوون.

شەوی رابردوو، ٢ـی شوبات، فەرماندەی ناوەندی ئەمریکا رایگەیاند، لە رێگەی فڕۆکەی جەنگییەوە ٨٥ هێرشیان بۆسەر گروپەچەکدارەکان لە خاکی لە سوریا و عێراق ئەنجامداوە بە بەکارهێنانی ١٢٥ مووشەکی جیاواز لە حەوت ناوچەی خاکی عێراق و سوریادا.

لەلایەکی تریشەوە جۆو بایدن سەرۆکی ئەمریکا سەبارەت بە هێرشەکان رایگەیاند، لە وەڵامی کوژرانی سێ سەربازی ئەمریکا بە فرمانی ئەو هێرشەکانیان بۆسەر بارەگای گروپەچەکدارەکان لە خاکی سوریا و عێراق دەستپێکردووە و بەردەوامیش دەبن تا ئەو شوێن و کاتەی خۆیان دیاری دەکەن. وتیشی، "کوشتنی هێزەکانمان باجێکی قورسی دەبێت و هیچ هەوڵێکیش بۆ دروستکردنی ململانێ لە رۆژهەڵاتی ناوەڕاست نادەین".
لە بەرامبەر لێدوانەکانی ئەمریکا و سەرۆکی ئەمریکادا یەحیا رەسوڵ وتەبێژی هێزە چەکدارەکانی عێراق رایگەیاند، بۆردوومانەکانی ئەمریکا لە خاکی عێراق ئاڵۆزییەکانی ناوچەکە فراوانتر دەکات و ئاڵۆزییە هەرێمییەکانی رۆژهەڵاتی ناوەڕاست پەلکێشی عێراق دەکات، جگە لەوەی کە بەکارهینانی موشەک و بۆردوومانکردنی چەند ناوچەیەکی عێراق پێشێلکاری بووە بەرامبەر بە سەروەری خاکی عێراق.

هاوکات، جارێکی دیکە ئەمریکا لە رێی کۆشکی سپیەوە وەڵامی وتەبیژی هیزە چەکدارەکانی عێراقی دایەوە و وتی، هیچ پێشێلکارییەکان بەرامبەر بە خاکی عێراق ئەنجام نەداوە و پێشتریش حکومەتی عێراقیان لە هێرشەکان ئاگادارکردووەتەوە و بە وردیش ئامانجەکانیان بۆردوومان کردووە لە ماوەی ٣٠ خولەکدا کە چوار بارەگای چەک و تەقەمەنی بووە لە خاکی سوریا و سێ بارگای تەقەمەنی و چەکیش لە عێراق.
رۆژی ٢٨ـی مانگی رابردوو، فەرماندەیی ناوەندیی ئەمریکا (سێنتکۆم) رایگەیاند، بنکەیەکی ئەمریکی لەسەر سنووری نێوان ئوردن و سوریا بە فڕۆکەی بێفڕۆکەوان کراوەتە ئامانج و بەهۆیەوە سێ سەربازی ئەمریکی کوژراون و چەند سەربازێکی دیکەیان بریندار بوون.

فەرماندەیی ناوەندیی ئەمریکا ئاماژەی بەوەکردبوو، لە شەوی رابردوودا لەماوەی ٣٠ خولەکدا ٨٥ هێرشی موشەکیان ئەنجامداوە لە حەوت ناوچەی جیاوازی سنوری نێوان عێراق و سوریا.
ناوچە بۆردوومان کراوەکانی خاکی سوریا و عێراق؛ 

تەندروستی

بەکارهێنانی مەیکەپی دژە ئاو مەترسیدارە؟

توێژینەوەیەک کە لە گۆڤاری زانستی ژینگە و تەکنۆلۆژیادا بڵاو کراوەتەوە ئاماژەی بەوە داوە، بەشێک لە بابەتی جوانکارییەکان کە ئەمڕۆ بەکار دێت، ڕێژەیەکی زۆر لە ماددە کیمیایییە ژەهراوییەکان لە پێکهاتەیاندا هەیە وەک پۆڵی فلۆرۆ ئەڵکیل (PFAS ) . کە بەداخەوە لە پێکهاتەی ماددە جوانکارییەکاندا ئەم ماددە نانووسرێت بۆ ئەوەی خەڵک هۆشیار بێت.

ئیدارەی خۆراک و دەرمانی ئەمریکی (FDA) باس لەوە دەکات، بەشێک لە بابەتە جوانکارییەکانی وەکوو بۆیەی نینۆک و کرێمەکان و سوراو و قەڵەم چاو و ماسکەرا، دەکرێت ئەم ماددانەی تێ بکرێت بۆ ئەوەی زۆرتر بە درەوشاوەیی دەربکەوێت. بۆیە زۆر گرنگە ئەو بابەتە جوانکارییانە بەکار دێت کە دڵنیان لەوەی ئۆریجیناڵە و کوالێتی بەرزە.