هەواڵ

لە کۆبوونەوەکەدا باسی چی دەکەن؟ ئەنجام چییە؟

Mic
2024-02-04

مەکتەبی سیاسی یەکێتی نیشتیمانی کوردستان بە سەرۆکایەتی بافڵ تاڵەبانی و مەکتەبی سیاسی پارتی دیموکراتی کوردستان بە سەرۆکایەتی فازڵ میرانی لە دەباشان لەکۆبوونەوەدان.
بەگوێرەی زانیارییەکان، لەکۆبوونەوەکەدا باسی پرسی کۆکردنەوەی داهاتی ناوخۆ، دانانی پارێزگاری کەرکووک و هەڵبژاردنی پەرلەمانی کوردستان دەکەن.
چاوەڕوانی ئەوە لەکۆبوونەوەکە ناکرێت کە رێککەوتنی لێبەرهەم بهێنرێت ئەویش بەو پێیەی کە پارتی لەسەر ئاستی کارگێڕی مەکتەبی سیاسی بەشداری کۆبوونەوەکەی کردوە، لەکاتێکدا حزبەکە سەرۆکێک و دوو جێگری هەیە بەڵام هیچیان بەشداری کۆبوونەوەکەیان نەکردوە.
بەڵام یەکێتی لەسەر ئاستی سەرۆکی حزبەکە بەشدارە.
پارتی و یەکێتی هەرچەندە لە میدیاکانەوە واپیشاندەدەن کە ناکۆکی سیاسیان هەیە، بەڵام لەسەر ئاستی دابەشکردنی داهات و بەڕێوەبردنی حکومەت هاوبەشن و پێکەوە کابینەی نۆیان پێکهێناوە کە زیاتر لە ساڵێکە ماوەکەی بەسەر چووە.

More News

Most Popular

Tech

"لە سکرینی مۆبایلەکەتەوە دەتوانێت هەست بە ڕووی ماددەکان بکەیت"

Mic
2024-06-20

تەکنەلۆژیایی هاپتیک بریتییە لە تەکنەلۆژییایەک کە توانای هەستکردنی سێ ڕەهەندی بۆ بەکارهێنەر دروستدەکات لە ڕێگەی دەست لێدان لە سکرینی مۆبایلەکەتەوە، ئەم تەکنەلۆژییایە وەک خولقاندی ڕاستییەکی خەیاڵی وایە کە دەتوانیت بەرکەوتن و کارلێکت لەگەڵ ئەو ڕاستییە دروستکراوەدا هەبێت.
توێژەرانی زانکۆی نۆرسوێسترنی ئەمەریکی پێشکەوتنی بەرچاویان لەم بوارەدا بەدەستهێناوە. سکرین تەچێکیان پەرەپێداوە کە دەتوانێت چەندین جۆری پێکهاتە دروست بکات، لە زبرەوە بۆ نەرم. ئەمەش لە بنەڕەتدا شاشەکە فشار دەخاتەوە سەر پەنجەت کاتێک پەنجە دەنێت بە شاشەی مۆبایلەکەدا.
پرۆفیسۆر پێشکین سەرپەرشتیاری سەرەکی توێژینەوەکە کۆمپانیایەک بە ناوی تانڤاس بە هاوبەشی دامەزراندبوو، ئامانجییان بەبازرگانیکردنی ئەم تەکنەلۆژییایەبوو. تیمەکەی پێشکین تابلێتێکیان بە قەبارەی ئایپاد دروستکردبوو کە ڕێگەی بە بەکارهێنەران دەدا هەست بە پێکهاتەی جۆراوجۆر بکەن وەک پێست و قوماش و تەنانەت شێوەی سێ ڕەهەندیش. بەڵام تەکنەلۆژیاکە نەیتوانی هەستەکانی وەک گەرمی یان قوڵی تەنێک دروستبکەن. سەرەڕای سەرکەوتنی سەرەتایی کۆمپانییاکە، لە کۆتاییدا تانڤاس ڕوبەڕوی ئاستەنگی دارایی بووەوە و کارەکانی وەستاند.
بەڵام لێکۆڵینەوەکان بەردەوامبوون. ئامانجی درێژخایەنی پێشکین و تیمەکەی بریتییە لە دروستکردنی "هەستی دەست لێدانی ڕاستەوخۆ لە ڕێگەی ئینتەرنێت"ـەوە، کە دەتوانرێت داتای هەستیار لە کاتی ڕاستەقینەدا لە ڕێگەی ئینتەرنێتەوە بگوازرێتەوە بە بەکارهێنانی 5G. ئەم پلانە لەگەڵ دیدگای مارک زوکەربێرگدا هاوتەریبە بۆ دروستکردنی "جیهانێکی بەرجەستەکراو" لەناو میتاڤێرسدا.
هەستکردن بە ڕووکاری سێ ڕەهەندی لە ڕێگەی تەکنەلۆژییای هاپتیکەوە پێشکەوتنێکی بێئەندازەیە بۆ داهاتوو بە بۆچونی شارەزایان.