ژیان

جۆرەکانی زیرەکی مرۆڤ

جۆرەكانی زیرەكی مرۆڤ
زیرەكی و توانای مێشك چەند جۆرێكی هەیە و لە كەسێكەوە بۆ كەسێكی دیكە جیاوازە ، لەڕێی ئەم بابەتەوە بزانە زیرەكی تۆ لە چ جۆرێكە.

📌زیرەكی وتووێژكردن
ئەو كەسانەی خاوەنی ئەم جۆرە زیرەكیەن ئەوە توانایەكی باشیان هەیە لە قسەكردن و وتوێژكردن لەگەڵ كەسانی دەوروبەر زۆركات ئەم كەسانە نوسەرن یان ڕۆژنامەنوسن یان شاعیرن.

📌زیرەكی ئەقڵی
ئەم كەسانە توانایەكی باشیان هەیە لەچارەسەركردن و لێكدانەوەی بابەتە ئابوریەكان و بابەتە بیركاریەكان ،زۆرینەی ئەم كەسانە شارەزای بواری ئابورین.

📌زیرەكی چاو
زیرەكی ئەم كەسانە لە چاویاندایە توانیەكی باشیان هەیە لە ڕێكخستنی كەلوپەل و بابەتە هونەریەكان و بەكارهێنانی ڕەنگەكان زۆرینەی ئەو كەسانەی زیرەكیەكەیان لەچاویاندایە وێنەكێشن یان ئەندازیاری دیكۆرن یان كەسێكی ئاساین بەڵام توانایەكی باشیان هەیە لەڕێكخستنی ڕەنگەكان.

📌زیرەكی كۆمەڵایەتی
ئەم كەسانە زیاتر توانای چارەكردنی كێشە كۆمەڵایەتیەكانیان هەیە و هیچكات ناهێڵێت هەست و سۆزی بەسەریدا زاڵبێت ،ئەم كەسانە بۆ ژیانی خۆیان سەركەوتوو دەبن .

📌زیرەكی مۆسیقی
ئەگەر تۆ لەو كەسانەی كە توانایەكی باشت هەیە بۆ جیاكردنەوەی دەنگەكان و داهێنانی ئاوازی جیاواز ئەوە زیرەكی تۆ پێی دەوترێت زیرەكی مۆسیقی.

📌زیرەكی زانستی
ئەگەر تۆ خاوەنی توانیەكی باشی لە بەگەڕخستن و چاككردنەوەی ئامێر كارەباییەكان ئەوە تۆ خاوەنی زیرەكی زانستیت ،زیاتر ئارەزوو دەكەیت لەگەڵ ئامێردا مامەڵە بكەیت نەك لەگەڵ مرۆڤ.
جۆرێكی دیكە
هەندێك كەس هەن توانایەكی باشیان هەیە بۆ ئەوەی پێشبینی بكەن كە پێدەچێت چی ڕوبدات و بابەتەكان بەڕونی دەبینن و لێكی دەدەنەوە ، ئەمەش جۆرێكی دیكەیە لە زیرەكی مێشكی مرۆڤ.

Tech

"homeOS"... ئەپڵ بە ڕۆبۆتێکی ناوازە بازاڕی ئامێرە زیرەکەکانی ماڵەوە دەکاتە ئامانج

بەپێی ڕاپۆرتێکی نوێی بلومبێرگی ئەمریکی، ئەپڵ هەوڵدەدات بوونی خۆی لە بازاڕی ئامێرە زیرەکەکانی ماڵەوە لە ڕێگەی ستراتیژییەکی نوێ و گەورە مەبەستەوە بەهێز بکات.

ئێستا کۆمپانیای ئەپڵ خەریکی پەرەپێدانی سیستەمێکی نوێی کارپێکردنە کە بە homeOS ناسراوە، لەگەڵ شاشەیەکی زیرەک و ئامێرێکی پێشکەوتووی ڕۆبۆتی سەر مێز.

بلومبێرگ ئاماژەی بەوەدا کە گرنگیدانی ئەپڵ بە بازاڕی ئامێرە زیرەکەکانی ماڵەوە لەسەر بنەمای سێ پێکهاتەی سەرەکییە کە بریتین لە شاشە، زیرەکی دەستکرد و نەرمەکاڵا.

کۆمپانیاکە بەنیازە شاشەی ماڵەوە بە نرخێکی گونجاو بخاتە بازاڕەوە، هاوشێوەی ئایپاد، کە دەتوانرێت لە دەوروبەری ماڵەکەدا دابنرێت، هاوشێوەی بڵندگۆکانی HomePod.

ئەم شاشانە ڕێگە بە بەکارهێنەران دەدەن دەستیان بگات بە چەندین تایبەتمەندی وەک سەیرکردنی ناوەڕۆک و پەیوەندیکردنی FaceTime و گەڕان بە ئینتەرنێتدا.

پێشبینی دەکرێت زیرەکی دەستکرد ڕۆڵێکی گرنگ بگێڕێت لە ستراتیژی ئەپڵ بۆ ئامێرە زیرەکەکانی ماڵەوە، هەروەها سیستەمی زیرەکی ئەپڵ ڕێگە بە بەکارهێنەران دەدات بە وردی کۆنترۆڵی ئامێر و بەرنامەکان بکەن، هەروەها ئۆتۆماتیکی پێشکەوتوو لە ئامێرەکانی ماڵەوە بەدەست بهێنن.

بلومبێرگ ئاماژه ی به وه دا که ئه م ئامێره ڕۆبۆتییه که پێشبینی ده کرێت به نرخی هه زار دۆلار بخرێته بازاڕه وه ، یه که م به ڕهه م ده بێت که به ته واوی له سه ڕ پلاتفۆرمی زیره کی ده ستکردی Apple Intelligence پەرەی پێبدرێت، بەو پێیەی دەتوانێت لە ژینگەی دەوروبەری تێبگات و... بە شێوازی زیرەکتر کارلێک لەگەڵ بەکارهێنەران بکەن.

لە بەرەی نەرمەکاڵا، ئەپڵ خەریکی پەرەپێدانی سیستەمێکی نوێی کارپێکردنە کە بە homeOS ناسراوە، کە لەسەر بنەمای سیستەمی tvOS دەبێت کە لە تەلەفزیۆنە زیرەکەکانی ئەپڵ تیڤیدا بەکاردێت کۆمپانیاکە لەم دواییانەدا دیزاینی بەرنامەی Home ی کردووەتەوە، ئەمەش ڕەنگدانەوەی پابەندبوونیەتی بە باشترکردنی ئەزموونی بەکارهێنەر لەگەڵ ئامێرە زیرەکەکانی ماڵەوە.

شایانی باسە کە هەوڵەکانی پێشووی ئەپڵ لە بازاڕی ئامێرە زیرەکەکانی ماڵەوە تا ئێستا سەرکەوتنی خوازراویان بەدەست نەهێناوە، بەڵام زۆر کاردەکات بۆ پەرەپێدانی پرۆتۆکۆڵی Matter بۆ ئامێرە زیرەکەکان بە مەبەستی پشتگیریکردنی پەیوەندی فراوانتر لەگەڵ ئامێرەکانی کۆمپانیاکانی تر.

پێدەچێت ئەپڵ دەرفەتی ئەوەی هەیە بۆ بەدەستهێنانی سەرکەوتن لەم بازاڕەدا، بە لەبەرچاوگرتنی ئەوەی کە ڕکابەرەکانی وەک ئەمازۆن و گووگڵ هێشتا نەیانتوانیوە زاڵ بن بەسەر ئەم بوارەدا. ڕەنگە ئەپڵ سوود لە ناوبانگە بەهێزەکەی وەربگرێت و سەرنجی لەسەر ئەزموونی بەکارهێنەر بێت بۆ بەدەستهێنانی سوودێکی کێبڕکێ بەسەر کۆمپانیاکانی تردا.