-18

نیشانە ترسناکەکان.. توێژینەوەیەک کاریگەری تیک تۆک لەسەر هەرزەکاران ئاشکرا دەکات

زۆرێک لە لێکۆڵینەوەکانی پێشووتر کاریگەرییە بەرفراوانەکانی بەکارهێنانی سۆشیال میدیایان لەسەر تەندروستی دەروونی ئاشکرا کردووە.

هەروەها تیشکی خستە سەر نیگەرانییەکان سەبارەت بە زیادبوونی خەمۆکی و دڵەڕاوکێ و فشار. بەڵام کاریگەرییەکانی پلاتفۆرمی ڤیدیۆی کورت کە بە ناوەڕۆکی کورت و سەرنجڕاکێشیان تایبەتمەندن، تا ئێستا کەمتر تێگەیشتوون.

کاریگەری ترسناک
بەڵام توێژینەوەیەکی نوێ کە لەلایەن توێژەرانی چینی لە زانکۆی تیەنجین ئامادەکراوە، کاریگەرییە ترسناکەکانی ئەپڵیکەیشنی تیک تۆکی لەسەر هەرزەکاران ئاشکراکردووە، بەتایبەتی ئەوانەی زۆر گیرۆدەی ئەو ئەپڵیکەیشنەن، بەپێی ماڵپەڕی زانستی “سایپۆست”.

نووسەرانی توێژینەوەکە ڕاپرسییەکیان لەسەر بۆچوونی 1346 هەرزەکار کردووە لە سێ قوتابخانە لە چین، و بە پشتبەستن بە کارلێککردنیان لەگەڵ پلاتفۆرمە کورتە ڤیدیۆییەکان پۆلێنیان کردووە بۆ بەکارهێنەرانی نابەکارهێنەران و بەکارهێنەرانی مامناوەند و بەکارهێنەرانی ئالوودەبوو.

ئاستی بەرزی خەمۆکی و دڵەڕاوکێ
بەکارهێنەرانی ئالوودەبوو ئاستی خەمۆکی و دڵەڕاوکێ و فشاریان بە شێوەیەکی بەرچاو بەرزتر بووە. جگە لەوەش، ڕووبەڕووی ئاستەنگی ئەکادیمی زیاتر بوونەتەوە، لەوانە ئاستی بەرزی فشار، ئەدای خراپتر و قوربانیکردنی دووبارەی قسەکردن بە قسەی ناشرین.

هەروەها پەیوەندییە خێزانییەکانیان زیانیان بەرکەوت، کە بە شێوازی پەروەردەکردنی نەرێنی زیاتر و ئاستی خوێندنی دایک و باوک کەمتر تایبەتمەند بوو.

لە بەرامبەردا، بەکارهێنەرانی مامناوەند جیاوازییەکی بەرچاویان لە تەندروستی دەروونی یان ئەدای ئەکادیمیدا نیشان نەدا بە بەراورد لەگەڵ بەکارهێنەرانی نەبوو، هەرچەندە ژینگە خێزانییەکانیان تایبەتمەندی جیاوازیان نیشان دا.

لێکۆڵینەوەی زیاتر
بەڵام توێژینەوەکە کە لە گۆڤاری توێژینەوەی دەروونیدا بڵاوکراوەتەوە، دان بە هەندێک سنووردارکردندا دەنێت و جەخت لەوە دەکاتەوە کە کارپێکردنی دۆزینەوەکان لە دەرەوەی دیمۆگرافیای هەرزەکارانی چینی نادیارە.

سەرەڕای ئەوە، دیزاینی بڕبڕەیی ڕێگری دەکات لە دامەزراندنی پەیوەندییەکی هۆکارانە لە نێوان بەکارهێنانی ئەپی ڤیدیۆی کورت و دەرەنجامە چاودێرکراوەکان.

هەروەها توێژەران هۆشداری دەدەن لە گشتاندنی دۆزینەوەکان، ئەمەش پێشنیاری ئەوە دەکات کە لێکۆڵینەوەی زیاتر پێویستە لە سەرانسەری چوارچێوە کولتوورییە جیاوازەکان و گروپە تەمەنییەکان.

هەواڵ

پەرلەمانی کوردستان دەخرێتەوە ژێر رەحمی چەکوشی دادگای فیدراڵی عێراق

دوو سکاڵا بۆ هەڵوەشاندنەوەی ئەم خولەی پەرلەمانی کوردستان لە دادگای فیدراڵی تۆمار دەکرێت، کە ئەنجامدانی هەڵبژاردنەکەی بە بڕیاری هەمان دادگا بووە.  

 هەڵبژاردنی خولی شەشەمی  پەرلەمانی کوردستان دوای دوو ساڵ دواخستن لە وادەی خۆی، دواجار بە بڕیاری دادگای فیدراڵی کۆتایی ساڵی رابردوو ئەنجام درا.

دادگای فیدراڵی بەشێکی چیرۆکی دواخستنی هەڵبژاردنی پەرلەمانی کوردستان بوو، نزیکەی ساڵێک تاتوێی سکاڵایەکی لەبارەی هەڵبژاردنەکەوە کرد، کە دواجار بە هەڵوەشاندنەوە و دواتر کەمکردنەوەی ژمارەی کورسی کۆتایی پێکهاتەکان کۆتاییهات.

ئێستا جارێکی دیکە ئەنجامی ئەو هەڵبژاردنە خراوەتەوە بەر دەستی دادگای فیدراڵی عێراق، کۆمەڵی دادگەری کوردستان و جوڵانەوەی نەوێ نوێ رایگەیاندووە، لە دادگای فیدراڵی سکاڵایان بۆ هەڵوەشاندنەوەی خولی شەشەمی پەرلەمانی کوردستان تۆمارکردووە.
سکاڵاکەی کۆمەڵی دادگەری کە یەکەم سکاڵایە بۆ هەڵوەشاندنەوەی خولی شەشەم لەلایەن عومەر گوڵپی کاندیدی سەرکەتووی حزبەکە دژی پەرلەمانی کوردستان تۆمار کراوە.

عومەر گوڵپى سەبارەت بە تۆمارکردنی ئەو سکاڵایە رایگەیاندووە،"داوامان لە دادگاى فیدراڵی کردووە، خولەکە هەڵوەشێندرێتەوە و هەڵبژاردن دووبارە بکرێتەوە، هەروەها هەموو ئەو ئیمتیازە ماددییانەى لە پێنج مانگى ڕابردوودا پەرلەمانتاران وەریان گرتووە، لێیان وەربگیرێتەوە".

کۆمەڵى دادگەرى کە لە هەڵبژاردنى خولى شەشەمى پەرلەمانى کوردستاندا سێ کورسیى بەدەستهێنا، دواتر هەڵبژاردنەکەی بە" دیزاینکراو" وەسفکرد و بڕیاریدا بایکۆتی خولەکە بکات.

دوای چوار رۆژ لە سکاڵاکەی کۆمەڵی دادگەری، جوڵانەوەی نەوەی نوێش رایگەیاند، سکاڵایان بۆ هەڵوەشاندنەوەی پەرلەمانی کوردستان تۆمار کردووە. 

نەوەی نوێ رایگەیاندووە، سکاڵاکەی ئەوان دژی سەرۆکی هەرێمی کوردستان، ئەوەیش بەهۆی ئەوەی تا ئێستا بڕیاری هەڵوەشاندنەوەی پەرلەمانی کوردستانی دەرنەکردووە.

ڕۆژی 20ـی تشرینی یەکەمی 2024، هەڵبژاردنی خولی شەشەمی پەرلەمانی کوردستان ئەنجام درا، بەپێی ئەنجامی کۆتایی هەڵبژاردن کە لەلایەن کۆمسیۆنەوە بڵاوکراوەتەوە، پارتی 39 کورسی، یەکێتی 23 کورسی، نەوەی نوێ 15 کورسی، یەکگرتوو 7 کورسی، هەڵوێست 4 کورسی، کۆمەڵ 3 کورسی، بەرەی گەل 2 کورسی و هەریەک لە گۆڕان و هاوپەیمانی کوردستانیش یەکی کورسییەکیان بەدەستهێناوە.

دوای نزیکەی حەوت مانگ لە ئەنجامدانی هەڵبژاردن، تا ئێستا پەرلەمانی کوردستان کارا نەبووە و تەنها پەرلەمانتاران سوێندی یاسایان خواردووە، بەڵام هەموو مانگێک مووچە وەردەرگن.