Horoscopes

لەدایكبوانی ئەم بورجانە میزاجیین و زوو باری دەروونییان دەگۆڕێت

كاتێك باسەكە دێتە سەر پەیوەندی نێوان دو كەس، گومان لەوەدا نییە هەندێك كات میزاجیان تێكدەچێت ئەگەر هۆكار هەبێت یان نەبێت، ئەمەش ئاساییە، بەڵام لەدایكبوانی هەندێك بورج زۆر میزاجیین و زو زو دۆخی دەرونییان گۆڕانكاری بەسەردا دێت، بەو واتایەی ساتێك دڵخۆشن و ساتێك دڵتەنگ، ساتێك ئارامن و دوای ماوەیەكی كەم توڕە دەبن.

1. كاوڕ
لەدایكبوانی ئەم بورجە زۆر بە خێرایی كاردانەوەیان دەبێت، بەتایبەتی ئەگەر پێچەوانەی ئەوە رودات كە دەیانەوێت، زو دۆخی دەرونییان گۆڕانكاری بەسەردا دێت، كۆنترۆڵنەكردنی هەستەكانیان دەكرێت كاریگەریی لەسەر پەیوەندییەكانیان دروستبكات.

2. قرژاڵ
لەدایكبوانی ئەم بورجە رۆمانسی و بە هەستن، هەندێك كاتیش نالۆژیكین و خەیاڵ دەكەن، هەربۆیە كاتێك پێثچەوانەی خەیاڵەكەیان رودەدات، دۆخی دەرونیان تێكدەچێت و توڕە دەبن، لەگەڵ ئەوەشدا زیاتر توشی خەمۆكی دەبن، ئەگەر چارەسەری نەكەن، دەكرێت بە تەنها بمێننەوە.

3. دوانە
كەسانێكی زۆر میزاجیین، هەربۆیە كەسانی چواردەوریان بەردەوام گلەییان لێدەكەن، زو توشی شڵەژان و تێكچونی میزاج دەبن.

4. تەرازو
رۆژێك ئارامن و رۆژێك كەسێكی توندوتیژ، لە بارودۆخە سەختەكان نازانن چۆن مامەڵە بكات و بە مێشك بڕیار نادەن، بەڵكو بە هەستەكانیان بڕیار دەدەن لەو كاتانەدا.

هەواڵ

MIC بە نووسراوی فەرمی ئاشکرای دەکات کە سروە عەبدولواحید دەدرێتە دادگا

دوای ئەوەی مایک بڵاویکردەوە، سروە عەبدولواحید لەلایەن دادگای سلێمانییەوە داوا کراوە، دیجیتاڵ میدیای MIC بەدواداچوونی کرد بۆ ئەو بریارەی دادگای سلێمانی.

لەبەدواداچوونەکەیدا MIC دوو نوسرای فەرمی دادگای سلێمانی دەستکەوت کە ئاراستەی سروە عەبدولواحید و پارێزەرەکەی کراوە رۆژی 23ی 12ی 2025 لەبەردەم دادگا ئامادەبن.

بەپێی نوسراوەکە سروە عەبدولواحید بە مادەی 433ی سزادانی عێراقی داواکراوە ئامادەبێت لەبەردەم دادگادا، هاوکات نوسراوی فەرمیش ئاراستەی دیوانی ئەنجومەنی نوێنەرانی عیراق کراوە کە سروە عەبدولواحید لەبەردەم دادگا ئامادەبکەن چوونکە ناوبراو ئەندامی ئەنجومەنی نوێنەرانی عێراقە و پارێزبەندی هەیە.

ئەو ماددە یاساییەی كە دۆسیەی لە دژی پەرلەمانتار سروە عەبدولواحیدی پێ كراوەتەوە، ماددە 433 ـی یاسای سزاكانی عێراقییە كە باس لە تاوانی تۆمەتهەڵبەستن بە ناڕەوا دەكات بەشێوەیەكی ئاشكرا بۆ ڕای گشتی، بەبێ بوونی بەڵگەیەكی ڕاست و دروست، كە زیانی دەروونی و مەعنەوی بە كەسی تۆمەت بۆهەڵبەستراو دەگەیێنێت و سزاكەی گرتن و پێبژاردن یاخود یەكێك لەو دوو جۆرە سزایەیە.