هەواڵ

مەیموونێک بە جۆرە گیایەک برینی خۆی ساڕێژ دەکات

مەیموونێکی جۆری "ئۆرانگۆتان"  بەجۆرێکی گیا کە لەباخچەکەدا هەبووە برینێکی سەر رووخساری خۆی ساڕیژ دەکات، ئەوەش زانایانی توشی سەرسوڕمان کردوە

زانایان سەرسام بوون بە بینینی مەیموونێک، گەڵادارێک دەجوێت و بەدەستی خۆی لەسەر دەستی دایدەنێت و برینێکی ڕووخساری پێ ساڕێژ دەکات.

زانایان دەڵێن لە باشووری ڕۆژهەڵاتی کیشوەری ئاسیا مەیموونێکی جۆری "ئۆرانگۆتان" یان بینیوە  بۆ ساڕێژ کردنی برینی خۆی لە گیایەک بە ناوی 'ئاکار کونینگ' سوودی بینیوە و وەکو دەرمان بەکاری هێناوە.

ئەو مەیمونە گیایەکە دەجوێت و بە پەنجەکانی خۆی بە هێمنی لە سەر برینەکەی دەموچاوی دادەنێت، کە لە سەر ڕوومەتی لای ڕاستی بووە و چارەسەری کردووە.

گیایەکە خۆی دژە بەکتریایە، زیاتر خەڵکی ناوچەکە بەکاری دێنن وەکو دژە هەوکردن و پێشتریش بینویانە کە مەیموونەکانی دیکە بە دوای دەرمان بۆ برینیەکانی خۆیان دەگەڕێن.

هەواڵ

راپرسییەک بۆ پێوانەکردنی ئاستی دابڕانی کلتوریی لە هەرێمی کوردستان

دامەزراوەی ڤیژن فاوندەیشن، بۆ لێکۆڵینەوەی ستراتیژی، کار لەسەر پرۆژەیەک دەکات بۆ پێوانەکردنی ئاستی دابڕانی کلتوریی لە ناوچە جیاجیاکانی لە هەرێمی کوردستان، بۆ ئەومەبەستە فۆرمێکی ئەلیکترۆنی بڵاودەکاتەوە.

لە پێناسەی پرۆژەکەدا دامەزراوەی ڤیژن ئاماژە بەوەدەکەن، "کۆمەڵگای کوردستانی لە هەرێمی کوردستان سەرەڕای بوونی ژێرخانێکی دەوڵەمەندی کلتووری و تۆڕێک پەیوەندی هەمەجۆر لەناو کۆمەڵگاکەماندا، بەڵام هێشتا بەربەست و گرفتی گەورەی ناوخۆیی و بگرە جۆرێک لەدابڕانی کلتوریش هەیە، کە دەکرێ وەکو مەترسی سەیر بکرێ، بۆ هاوبەشی و یەکگرتویی کۆمەڵگا".

ئاماژە بەوەکراوە کە ئەو ناوچانەی هەرێمی کوردستان کە بە "شێوەزاری بادینی" دەدوێن و دەنوسن و دەخوێننەوە، لەگەڵ ئەو ناوچانەی کە بە "سۆرانی" دەدوێن و دەنوسن و دەخوێننەوە دابڕانە کلتورییەکە زیاتر بەدیدەکرێت.

ئامانجی پرۆژەکە دەرخستنی راستی و روونی و قەبارەی ئەو دابڕانە کلتووریەی لە نێوان ناوچە جیاوازەکانی هەرێمی کوردستاندا هەن، بۆ دەستنیشانکردنی بەربەست و رێگرییەکانی بەردەم ئاڵوگۆڕی کلتوورییە.

بەپێی پرۆژەکەی دامەزراوەی ڤیژن، لەکۆتاییدا پەڕاوێکی پێشنیاز بۆ حکومەتی هەرێمی کوردستان و پەرلەمان ئامادەدەکرێت و لەپێناوی "گەشەپێدانی کلتووری و چارەسەرکردنی گرفت و لابردنی بەربەستەکان". 

لێرە دەتوانیت فۆرمەکە پڕبکەیتەوە:

https://docs.google.com/forms/d/e/1FAIpQLSdJmmTCgpRhFI-5XhJlNMNmci6tLRQdgDAm7DtiRf_pbr5sHw/viewform?pli=1