-18

ئاشکراکردنی نهێنی پشت دابەزینی ئاستی زیرەکی هەندێک لە منداڵە نێرەکان

توێژینەوەیەکی نوێ دەریدەخات بەرکەوتن بە فشاری دەروونی لە ماوەی سێ مانگی کۆتایی دووگیانیدا دەبێتە هۆی دابەزینی ئاستی زیرەکی لە منداڵانی نێردا.

بەگوێرەی ئەوەی ڕۆژنامەی (دەیلی مەیلی بەریتانی) بڵاویکردۆتەوە، کاتێک ئافرەت دووگیان دەبێت، ڕێژەی کۆرتیزۆڵی بەشێوەیەکی سروشتی بەرز دەبێتەوە، کە هۆرمۆنێکی ستیرۆیدە و لە وەڵامی فشاری دەروونیدا دەردەدرێت، ئەمەش پێویستە بۆ گەشەکردنی تەندروست و تەندروستی منداڵەکە و پۆزەتیڤی هەیە کاریگەری لەسەر گەشەکردنی مێشکی.

بەڵام تیمێکی توێژەران بۆیان دەرکەوتووە کە زیادبوونی ئاستی کۆرتیزۆڵ لە ماوەی سێ مانگی کۆتایی دووگیانیدا ڕەنگە ڕێگری لە نمرەی ئاستی زیرەکی کوڕانی تەمەن حەوت ساڵان بکات.

بۆ پشکنینی کاریگەرییەکانی لەسەر کارکردی مەعریفی منداڵان لەگەڵ گەشەکردنیان، توێژەران داتایان لەسەر ئاستی کۆرتیزۆڵی ٩٤٣ ژنی دووگیان لە ماوەی سێ مانگی کۆتایی دووگیانیدا شیکردەوە، هەروەها پشکنینی زیرەکی منداڵەکانیان لە تەمەنی حەوت ساڵیدا.

ئەنجامی تاقیکردنەوەی ئای کیو
لە لێکۆڵینەوەکەدا کە ئەنجامەکانی لە کۆنگرەی ئەورووپای زانستی هێلکەدان لە ستۆکهۆڵم خراوەتەڕوو، توێژەران بۆیان دەرکەوتووە ئەو ئافرەتە دووگیانانەی کە کوڕێکیان هەڵگرتووە، ڕێژەی کۆرتیزۆڵ لە خوێندایان کەمترە بە بەراورد بەو ژنانەی کە کچیان هەڵگرتووە، هەروەها ئەو کوڕانانەی کە بەرکەوتەی ڕێژەیەکی بەرزتر بوون لە کۆرتیزۆڵ لە سکی دایکیدا ئەنجامەکانی کەمتر بووە لە تاقیکردنەوەکانی زیرەکی لە تەمەنی حەوت ساڵیدا، پێناچێت کچان کاریگەرییان لەسەر بێت.

توێژەران لە زانکۆی ئۆدێنس لە دانیمارک، دەڵێن دۆزینەوەکانیان ئاماژە بەوە دەکەن کە کوڕان ڕەنگە "زیاتر ئامادەیی بەرکەوتنی کۆرتیزۆڵیان هەبێت" لە کچان.
توانای قسەکردن و زمان
لێکۆڵینەوەیەکی پێشووتر، کە لەلایەن هەمان تیمی توێژەرانەوە ئەنجامدراوە، دەرکەوتووە کە منداڵانی تەمەن یەک تا سێ ساڵ توانای قسەکردن و زمانیان پێشکەوتووترە کاتێک دایکیان لە سێ مانگی سێیەمی دووگیانیدا ئاستی کۆرتیزۆڵیان بەرز بووە.

لە ئەنجامی توێژینەوەکەدا دەرکەوتووە، ئەو کوڕانەی دایکیان بەرکەوتەی ئاستێکی بەرزی فشاری دەروونی بوون، دەتوانن لە تەمەنی ١٢ بۆ ٣٧ مانگیدا وشەی زیاتر بڵێن، لە کاتێکدا کچان لە تەمەنی ١٢ بۆ ٢١ مانگیدا باشتر بوون لە تێگەیشتن لە وشەی زیاتر.

کاریگەری کاتی
دکتۆر ئانجا ڤینگەر-درایەر، توێژەری سەرەکی دەڵێت: "هەرچەندە توێژینەوەکەی پێشوو دەریخستووە کە بەرکەوتنی پێش لەدایکبوون بە کۆرتیزۆڵ پەیوەندییەکی ئەرێنی بە گەشەکردنی زمانەوە هەیە، بەڵام لە توێژینەوە نوێیەکەدا، بەرکەوتنی کۆرتیزۆڵ پێش لەدایکبوون پەیوەندییەکی نەرێنی بە نمرەکانی ئاستی زیرەکییەوە هەبووە،" توێژەری سەرەکی دکتۆر ئانجا ڤینگەر-درایەر وتی، ڕوونیکردەوە کە ئەنجامەکان مانای " کە "ئاستی بەرزی بەرکەوتنی پێش لەدایکبوون دەتوانێت کاریگەری کاتی لەسەر گەشەکردنی مەعریفی منداڵ هەبێت."

کێشەی ڕەفتار و فشاری دەروونی
هەروەها لێکۆڵینەوە جیاوازەکان دەریانخستووە کە ئەو منداڵانەی بەرکەوتەی ئاستی بەرزی کۆرتیزۆڵ دەبن، ئەگەری تووشبوونیان بە کێشەی ڕەفتار و نەخۆشی پەیوەست بە فشاری دەروونی لە دواتردا زیاترە.

هەواڵ

سوریا دوای ئەسەد ؛دەرفەت و بنیاتنانەوەی نەتەوەیەک

سوریا دوای ئەسەد ؛دەرفەت و بنیاتنانەوەی نەتەوەیەک

نەجیبە مەحمود

ڕۆڵی کورد لە شۆڕشی گەلانی سوریادا گرنگییەکی تایبەتی هەیە و دەتوانرێت ئاماژە بە چەند لایەنێکی سەرەکی بکرێت:

لەوانە :_ 1. ڕۆڵی سەربازی، کورد بەتایبەت هێزەکانی سوریای دیموکرات (هەسەدە) و یەکینەکانی پاراستنی گەل (یەپەگە) ڕۆڵێکی سەرەکییان لە شەڕی داعش و گروپە توندڕەوەکانی تردا بینی. ئەم هێزانە توانیان ناوچەیەکی فراوان لە دەستی داعش ڕزگار بکەن و وەک هێزێکی سەرەکی لە شەڕی دژ بە تیرۆر ناسێنران.

2 دوای دەستپێکردنی شەڕی ناوخۆ، کورد توانی ناوچەکانی ژێر دەسەڵاتی خۆی بەڕێوەببات و سەربازییەکی ئۆتۆنۆم بە ناوی (ڕۆژاڤا) پێکبهێنێت. ئەم سیستەمە بە جۆرێک هەوڵیدا نەخشە دیموکراسی و فرە کولتوورییەکان لە کۆمەڵگەی ناوخۆییدا جێبەجێ بکات.

3. کورد وەک گرووپێکی نەتەوەیی خاوەن مێژوو و کولتووری تایبەت بە خۆیان، بەشدارییان لە فرەچەشنی نەتەوەیی و ئایینی وڵاتەکەدا کردووە. ئەوان بەدوای مافەکانیاندا دەگەڕان و ناسنامەی کولتووری خۆیان بپارێزن، لە هەمان کاتدا گرنگییان بە پێکەوەژیانی ئاشتیانە لەگەڵ نەتەوە و ئایینەکانی دیکەی سوریادا دەدا.

4. کورد ڕۆڵێکی گرنگی هەبوو لە دانوستانە سیاسییەکان سەبارەت بە داهاتووی رۆژئاوا و سوریا. ئەوان داوای دانپێدانان بە مافەکانیان و ئۆتۆنۆمییان لە چوارچێوەی سوریایەکی دیموکراسیدا کرد. 5. لەگەڵ بوونی تەحەددیات و گرژیەکان، لە هەمان کاتدا ڕۆڵی کورد لە شۆڕشدا ، بەتایبەتی لە پێوەندی لەگەڵ حکومەتی ناوەندی سوریا و هەروەها لەگەڵ تورکیا کە نیگەران بوو لە کاریگەرییەکانی کوردەکان لەسەر سنوورەکانی. بە گشتی کورد وەک یاریزانێکی سەرەکی لە شۆڕشی رۆژئاوا و گەلانی سوریا لە گۆڕەپانی سەربازی و سیاسی و کۆمەڵایەتیدا دەرکەوت و ڕۆڵی ئەوان کاریگەرییەکی زۆری لەسەر پرۆسەی گەشەسەندنی ئەم وڵاتە هەبوو. هەروەها لە ئێستادا لە دوای ڕووخانی حکومەتی بەشار ئەسەد لە سوریا گۆڕانکارییەکی گەورە دەبێت کە دەتوانێت لێکەوتەی زۆری بۆ داهاتووی ئەم وڵاتە و ناوچەکە هەبێت.

لە دۆخێکی وادا ئەو هەنگاوانەی کە دەتوانرێت ئەنجام بدرێن وەک - دامەزراندنی حکومەتی ئینتقالی، دوای ڕووخانی حکومەت پێویستە حکومەتێکی ڕاگوزەر دابمەزرێنرێت کە نوێنەری سەرجەم نەتەوە لەخۆ بگرێت. پێویستە ئەم حکومەتە بتوانێت وەڵامی پێداویستییەکانی خەڵک بداتەوە و هاوکار بێت لە بەرقەرارکردنی ئاسایش و سەقامگیری. -دابینکردنی ئاسایش و ڕێگریکردن لە ئاژاوەگێڕی و تاڵانی موڵکی گشتی،کە یەکێک لە ئەرکە سەرەکییەکانی دوای ڕووخانی ڕژێم ئەگەری ئاژاوەگێڕی و توندوتیژی ناوخۆیی هەیە ، پێویستە ڕێوشوێن بگیرێتەبەر بۆ دڵنیابوون لە ئاسایشی ناوچە جیاوازەکان و هێزی ئەمنی نوێ پێکبهێنرێت بە ئامانجی پاراستنی هاوڵاتیان. - ئەنجامدانی دیالۆگی نیشتمانی لە نێوان گروپە جیاوازەکانی کۆمەڵگەی سوریا بۆ گەیشتن بە ڕێککەوتنی سیاسی و کۆمەڵایەتی پێویستە.

ئەم دیالۆگانە دەتوانن یارمەتیدەر بن بۆ بەهێزکردنی پێکەوەژیانی ئاشتیانە و ڕێگریکردن لە گرژییە نەتەوەیی و ئایینییەکان. - دوای چەندین ساڵ لە شەڕ و وێرانکاری، پێویستی بە بەرنامەی بەرفراوانی ئاوەدانکردنەوە و پەرەپێدانی ژێرخانی ئابووری و خزمەتگوزارییە گشتییەکان و ئابووری هەیە. پشتیوانی نێودەوڵەتی لەم بوارەدا دەتوانێت زۆر کاریگەر بێت. - پێویستە گرنگی تایبەت بە مافی مرۆڤ و دادپەروەری ئینتقالی بدرێت.

ئەمەش لێکۆڵینەوە لە تاوانەکانی جەنگ و پێشێلکارییەکانی مافی مرۆڤ لە کاتی جەنگ و هەوڵدان بۆ چەسپاندنی مافی قوربانییەکان دەگرێتەوە -بەهێزکردن و پاڵپشتیکردنی ڕێکخراوەکانی کۆمەڵگەی مەدەنی و گروپە کۆمەڵایەتییە کاراکان دەتوانێت یارمەتیدەر بێت بۆ دروستکردنی کۆمەڵگەیەکی دیموکراسی و بەشدار. - لەدوای ڕووخانی حکومەت پێویستی بە ڕاکێشانی هاوکاری نێودەوڵەتی هەیە بۆ ئاوەدانکردنەوە و گەشەپێدانی وڵات. ئەم یارمەتییانە دەتوانن یارمەتی دارایی و مرۆیی و تەکنیکی لەخۆ بگرن.

لە کۆتاییدا، هەر کارێک لە دوای ڕووخانی حکومەت، دەبێت وەڵامی خواست و پێداویستییەکانی گەلی سوریا بداتەوە و هاوکار بێت لە بەرقەرارکردنی ئاشتی و سەقامگیری هەمیشەیی لەو وڵاتەدا.