تەندروستی

بۆ نەخۆشانی پەستانی خوێن، کامیان باشترە: وەرزشی بەیانیان یان ئێواران؟

Mic
2024-06-09

تیمێکی لێکۆڵینەوە لە زانکۆی بەڕازیلی ساوپاولۆ ڕوونیکردەوە کە وەرزشکردن یارمەتی ڕێکخستنی پەستانی خوێن دەدات، ئەمەش بەهۆی ڕۆڵی لە باشترکردنی کۆنترۆڵی دڵ و خوێنبەرەکان لە ڕێگەی کۆئەندامی دەمارەوە.

تیمەکە توێژینەوەکەیان لەسەر ٢٣ کەسی بەساڵاچوو ئەنجامداوە کە پەستانی خوێنیان بەرزە، و ئەوانیش دابەشکراون بەسەر دوو گروپدا، کە یەکێکیان بەیانیان وەرزشیان کردووە و ئەوی دیکەیان لە ئێواراندا.

هەردوو گروپەکە بۆ ماوەی ١٠ هەفتە لەسەر پاسکیلێکی وەستاو بە چڕییەکی مامناوەند بەردەوام بوون لە ڕاهێنانەکان، بە ڕێژەی ٣ دانیشتنی هەفتانە، هەریەکەیان ٤٥ خولەکی خایاند، لەو ماوەیەدا پارامێتەرە سەرەکییەکانی دڵ و خوێنبەرەکان وەک پەستانی خوێنی سیستۆلیک و دیاستۆلیک و لێدانی دڵ دوای ١٠ خولەک شیکرانەوە لە پشوودان، و زانیارییەکان پێش و دوای 3 کۆکرانەوە لانیکەم چەند ڕۆژێک دوای ئەوەی بەشداربووان ماوەی ڕاهێنانەکە تەواو دەکەن.

توێژەران چاودێری میکانیزمەکانی پەیوەست بە سیستەمی دەماری ئۆتۆنۆمیان کرد، کە کۆنترۆڵی هەناسەدان، لێدانی دڵ، پەستانی خوێن، هەرسکردن و کارە نائیرادییەکانی تری جەستە دەکات، وەک چالاکیی دەمارەکانی بەرپرس لە ڕێکخستنی ڕۆیشتنی خوێنی دەوروبەر لە ڕێگەی گرژبوونەوە و شلبوونەوەی خوێنبەرەکان لە... شانە ماسولکەییەکان.

توێژەران بۆیان دەرکەوتووە، ئەو گروپەی لە ئێواران وەرزشیان کردووە، سەرجەم ئەو نیشاندەرانەیان باشتر کردووە کە پەیوەندییان بە پەستانی خوێنی سیستۆلیک و دیاستۆلیکەوە هەیە، بە بەراورد بەو گروپانەی کە لە بەیانیان وەرزشیان کردووە.

دکتۆر لیاندرۆ کامپۆس دی بریتۆ، توێژەری سەرەکی توێژینەوەکە دەڵێت: "چەند میکانیزمێک هەیە بۆ ڕێکخستنی پەستانی خوێن، هەرچەندە ڕاهێنانی بەیانیان سوودی هەبوو، بەڵام ڕاهێنانی ئێواران بووە هۆی باشترکردنی کۆنترۆڵکردنی پەستانی خوێن لە ماوەی کورتخایەندا".

ئاماژەی بەوەشکرد، وەرزشەکانی ئێواران یارمەتی کۆنترۆڵکردنی بەرزی پەستانی خوێن دەدەن، لەڕێگەی باشترکردنی میکانیزمێکی سروشتی لە جەستەدا کە سەقامگیری پەستانی خوێن دەپارێزێت کە پێی دەوترێت هەستیاری بارۆریفلێکس.

ئەم میکانیزمە لە ڕێگەی ئەو وەرگرانەوە کاردەکات کە لە دیواری خوێنبەرە گەورەکاندا دەبینرێن و کاتێک پەستانی خوێن دەگۆڕێت، ئەم وەرگرانە سیگناڵ دەنێرن بۆ مێشک، کە لە بەرامبەردا سیگناڵی بەرامبەر دەنێرێت بۆ دڵ و خوێنبەرەکان بۆ ڕێکخستنی پەستانی خوێن.

بەرزبوونەوەی پەستانی خوێن یەکێکە لە هۆکارە سەرەکییەکانی مردنی پێشوەختە لە سەرانسەری جیهان، بەپێی ڕێکخراوی تەندروستی جیهانی، کە مەزەندە دەکات نزیکەی یەک ملیار و ٢٨ ملیۆن کەسی پێگەیشتوو لە سەرانسەری جیهان تووشی ئەم نەخۆشییە بوون

بابەتی لێکچو

More News

Most Popular

هەواڵ

دروزەکان نزیکن لەوەی کۆمەڵکوژ بکرێن

Mic
2025-07-15


دوو رۆژە هێرشی سوپای سوریا بۆسەر دروزەکان دەستیپێکردووە، ئەمڕۆ ڤیدیۆی بە کۆمەڵکوشتنیان و دەستبردنی بۆ پیرۆزییەکانیان"سمێڵ تاشین" تۆڕەکۆمەڵایەتییەکانی تەنی، بۆ پاراستنی خۆیان و شوناسیان بە هەموو توانایانەوە رووبەڕووی سوپای سوریا بوونەتەوە.

دروزەکان کۆمەڵگەیەکی رەسەن و خاوەن بیروباوەڕێکی تایبەت بە خۆیانن و مەڵبەندی نیشتەجێبونیان پارێزگای سوەیدای سوریا و دەوروبەریەتی، دابونەریت و کلتورەکەیان، هەروەها شێوازی جلوبەرگ و سمێڵ و ریشیان، لە خەڵکی سوریایان جیادەکاتەوە.

لەساڵانی رابردوودا لەگەڵ ئەوەی پێکهاەیەکی رەسەنی سوریان، کەچی کەمتر لە ئاستی ناوچەکە و نێودەوڵەتی ناسراوبوون، بەڵام لەگەڵ کەوتنی دەسەڵاتی بەشار ئەسەددا، پرسی دروزەکان بوو بە باسی میدیاکان، بەتایبەت کاتێک دەسەڵاتی ئەحمەد شەرعیان رەتکردەوە و رووبەڕوی چەکدارەکانی بوونەوە.

دروزەکان تائێستا توانیویانە پارێزگاری لە دەسەڵاتی خۆبەڕێوەبەری خۆیان بکەن لە سوریان دوای ئەسەد، ئەوان پێێان وایە ئەحمەد شەرع هیچ گۆڕانێک لە بیروبۆچونیدا رووینەداوە بەرامبەریان، بۆیە بە هەموو توانایانەوە پارێزگاری پێگە و دەسەڵاتی خۆیان دەکەن.

ئیسرائئیل لەدوای کەوتنی بەشار ئەسەد و هێرشەی گروپەکانی سەر بە ئەحمەد شەرع بۆسەر دروزەکان، پشتیواننی خۆی بۆ دروزەکان راگەیاند، ئەمڕۆیش، ئەمیچای چیکلی، وەزیری ڕاگەیاندن و کاروباری رەوەندی جوی ئیسرائیل رایگەیاند،  نابێت لە بەرانبەر تیرۆری ئیسلامی-نازیی ڕژێمی قاعیدەدا بێدەنگ بین یان بێ هەڵوێست بین و داوای لەناوبردنی ئەحمەد شەرعی کرد.

ئەم سوکایەتى و بێڕێزیانەى چەکدارانى شەرع دەیکەن، بەتاڵکردنەوەى هەموو ئەو بەڵێن و دروشمانەیە کە ئەحمەد شەرع بۆ سوریاى نوێى هۆنیوەتەوە، پێشمان دەڵێت کردەوەی چەکدارەکانی لەسەر زەوی، وێنەیەکی جیاواز نیشان دەدات و ئایندەیەکی نادیار بۆ پێکەوەژیانی ئایینی و نەتەوەیی لە سووریای نوێدا دەخاتەڕوو

لە ئێستادا دروزەکان شەڕی مان و نەمان دەکەن و بەتەواوی پڕچەکن و وەک هێزێک رووبەڕووی سوپاکەی ئەحمەد شەرع وەستاونەتەوە، سوپاکەی شەرعیش دەیەوێت بە هەر نرخێک بێت ناوچەکانی درۆزەکان کۆنترۆڵ بکات و بۆ گەیشتن بەو ئامانجە دەست ناپارێزێت.

TVPodcastهەواڵبنکۆڵکاری دەربارەی ئێمە 18-

ریکلاممان لەگەڵ بکە

+964 (0)770 153 6483

[email protected]

Designed and developed by AVESTA GROUP

Mic News. ©2021 All rights reserved