Tech
واتسئەپ خزمەتگوزاری پەیوەندی ڤیدیۆیی نوێ دەکاتەوە و ژمارەی کەسەکان بۆ هەر پەیوەندییەک زیاد دەکات
2024-06-18
ئەپڵیکەیشنی تۆڕە کۆمەڵایەتییەکانی واتسئەپ، خزمەتگوزاری پەیوەندی ڤیدیۆیی لەسەر ئامێرە جیاوازەکان نوێکردەوە، بە دابینکردنی توانای هاوبەشکردنی شاشەکە، لەگەڵ پاڵپشتیکردنی پەیوەندی دەنگی و تایبەتمەندی نوێی ناسینەوەی بڵندگۆ، هەروەها زۆرترین ژمارەی کەسانی بەشداریکردن لە یەک ئامێردا زیادکردووە پەیوەندی ڤیدیۆیی بۆ ٣٢ کەس.
ماڵپەڕی TechCrunch کە تایبەتمەندە لە بابەتەکانی تەکنەلۆجیا، ئاماژە بەوە دەکات کە مانگی ئابی ساڵی ڕابردوو، واتسئەپ تایبەتمەندی پشتگیریکردنی هاوبەشی شاشەی لە پەیوەندییە ڤیدیۆییەکاندا ناساندووە، ئێستاش بەرنامەکە ئەم تایبەتمەندییەی باشتر کردووە بە پاڵپشتیکردنی هاوبەشکردنی فایلە دەنگییەکان لە پاڵ شاشەکەدا، کە ڕێگە بە بەکارهێنەر دەدات بۆ بینینی ڤیدیۆ لەگەڵ کەسانی تر لە کاتی پەیوەندیکردن لە ڕێگەی واتسئەپەوە.
هەروەها لیستی نوێکارییە گرنگەکانی خزمەتگوزاری پەیوەندی ڤیدیۆیی واتسئەپ زیادکردنی زۆرترین ژمارەی بەشداربووان لە هەر پەیوەندییەکدا لەخۆدەگرێت، بەبێ گوێدانە ئەو ئامێرانەی کە بەشداربووان بەکاریدەهێنن.
پێش ئەم نوێکارییە، واتسئەپ ڕێگەی بە تا ٣٢ بەکارهێنەر دەدا لە یەک پەیوەندیدا بەشداری بکەن لە کاتی بەکارهێنانی تەنها ئامێرە مۆبایلەکاندا، لەکاتێکدا زۆرترین ژمارە لە کاتی پەیوەندیکردن بە بەکارهێنانی کۆمپیوتەری کەسی ١٦ کەس بوو بۆ بەکارهێنەرانی ئامێرەکانی ویندۆز، و ٨ کەس بۆ ئامێرەکانی ماک ئۆ ئێس .
جێگای سەرنجە لەکاتێکدا ئەپڵیکەیشنی پەیوەندی فەیس تایم ڕێگە بە بەکارهێنەرانی ئایفۆن و ئایپاد دەدات تا ٣٢ کەس لە پەیوەندییەکی ڤیدیۆیدا بەشداربن، ئەپڵیکەیشنی گووگڵ میت و زووم ڕێگە بە ١٠٠ بەکارهێنەر دەدات لە یەک پەیوەندی ڤیدیۆیدا بەشداری بکەن.
لە هەمان کاتدا نوێترین کۆمەڵە نوێکارییەکانی واتسئەپ ڕێگە بە ئەو کەسە دەدات کە لە کاتی پەیوەندیکردنەکەدا قسە دەکات بە شێوەیەکی ئۆتۆماتیکی تیشک بخرێتە سەر، بەو پێیەی ئەم بڵندگۆیە سەرەتا لەسەر شاشەکە دەردەکەوێت.
More News
 copy.jpg)
Most Popular
-
درۆنەکانی ئیسرائیل ئەحمەد حاجی رەشید راپێچی بەردەم دادگای هەولێر دەکەن
هەواڵ2025-07-03
1
-
هەڵبژاردن شەڕی نەوەی نوێ و کۆمەڵ گەرم دەکات
هەواڵ2025-07-01
2
-
ئیتر کورد و دیاردەی فایەق زێدان
هەواڵ2025-07-03
3
-
وردەکاریی هێرشە موشەکییەکەی شاری کەرکوک
هەواڵ2025-07-01
4
-
سودانی ئەمشە و بڕیار لە رەشنوسی رێککەوتنی هەرێم و بەغدا دەدات
هەواڵ2025-07-02
5
-
موسڵمانێک دەبێتە سەرۆکی شارەوانی نیویۆرک
هەواڵ2025-07-03
6
-
ناڕەزایەتی تورکمانەکان لیژنە بۆ گۆڕانکاری بە پارێزگاری کەرکووک پێکدەهێنێت
هەواڵ2025-07-03
7
-
درۆنێکی بۆمبڕێژکراو لە گەرمیان کەوتەخوارەوە
هەواڵ2025-07-03
8
هەواڵ
Mic Exclusive:دەم پارتی بۆ بەشداریکردن لە رێورەسمی چەکدانانی قەندیل دێتە هەرێمی کوردستان
.jpg)
2025-07-05
شاندێکی دەم پارتی بەشداری یەکەم رێورەسمی چەکدانانی پەکەکە دەکات و داواش لە چالاکوان و رۆژنامەنووسان دەکات مۆڵەت بۆ روماڵکردنی وەربگرن، سەرۆک کۆماری تورکیاش دەڵێت، چەکدانانی پەکەکە پرۆسەی ئاشتی خێراتر دەکات.
10 رۆژی داهاتوو لە رێورەسمێکدا نزیکەی 30 گەریلای پارتی کرێکارانی کوردستان - پەکەکە لە سلێمانی چەک دادەنێنن.
بەردان ئۆزتورک، پەرلەمانتاری دەم پارتی بە دیجیتاڵ میدیای Micـی راگەیاند، دەم پارتی بە شاندێک بەشداری رێوڕەسمی چەکدانانی گەریلاکانی پەکەکە دەکات.
دەم پارتی تا ئێستا ئەندامانی شاندەکەی دیاریی نەکردووە، ئۆزتورک وتی،" لە چەند رۆژی داهاتوودا دەستەی گشتی دەم پارتی ئەندامانی شاندەکە دیاریی دەکات.
چاوەڕوان دەکرێت، رێورەسمی چەکدانانی یەکەم پۆلی گەریلاکانی پەکەکە لە 10 بۆ 12ـی تەمووز لە سنوری پارێزگای سلێمانی ئەنجام بدرێت، زاگرۆس هیوا، وتەبێژی کۆما جڤاکێن کوردستان -کەجەکە بە ئاژانسی ئەسۆشیەتد پرێسی راگەیاندووە، پرۆسەکە بە سەرپەرشتیی رێکخراوەکانی کۆمەڵگەی سڤیل و لایەنە پەیوەندیدارەکان بەڕێوەدەچیت و گەریلاکان چەکەکانیان لەناو دەبن.
رێورەسمی چەکدانانی یەکەم پۆلی گەریلاکانی پارتی کرێکارانی کوردستان دەستپێشخەرییەکی سیمبولی پەکەکەیە بۆ پرۆسەی ئاشتی و بە چاودێری، هەولێر، بەغدا و ئەنقەرە ئەنجام دەدرێت.
دەم پارتی بۆ بەشداریکردن لە رێورەسمی چەکدانانەکەدا بانگهێشتی نووسەر و نوێنەری پارتەکانی کردووە، داواشی لە میدیاکانی تورکیا کردووە، بۆ وەرگرتنی مۆڵەتی رووماڵکردن ناویان تۆمار بکەن و هەماهەنگی لەگەڵ هەرێمی کوردستان بکەن.
بڕیارە لە چەند رۆژی داهاتوودا شاندێکی دەم پارتی لەگەڵ رەجەب تەیب ئەردۆغان کۆبێتەوە، سەرۆک کۆماری تورکیا رایگەیاندووە، تاوتوێی قۆناغەکانی داهاتووی پرۆسەی ئاشتی دەکەن، چونکە چەکدانانی پەکەکە پرۆسەی ئاشتی خێراتر دەکات.
پرۆسەی ئاشتی و چەکدانانی پەکەکە
پرۆسەی نوێی ئاشتی لە تورکیا و باکوری کوردستان، لە کۆتایی ساڵی 2024 بە دەستپێشخەری دەوڵەت باخچەلی سەرۆکی مەهەپە دەستیپێکرد، دواتر عەبدوڵا ئۆجالان رێبەری زیندانیکراوی پەکەکە وەڵامی داواکارییەکەی دایەوە و داوای خۆهەڵوەشاندنەوەی لە پەکەکە کرد
پەکەکە لە رۆژانی 5- 7ی ئەم مانگە کۆنگرەی 12ی خۆی بەست و دواتر رایگەیاند، بڕیاریانداوە چەک دابنێن و خۆیان هەڵبوەشێننەوە.
